Kilaakna 2:19 - Zo Bible

¹⁹ “Na gamtatnate- itna, upna, nasepna, le lungduoi taha na thuozawhnate ka thei hi. Na sep masa pen sangin na sep nukhia pen a thupi zawh lam zong ka thei hi.

LAISIENGTHOU CL Bible (BSI)

¹⁹ “Na nasepte, na itna, na naseppiehte, na ginnate leh na thuohhatnate ka thei hi; tualeh na silbawl masapen sangin anukhia pen atamzaw hi.

Zokam International Version

¹⁹ Na nasepte, na itna le na upna, na nasepnate le na sikdonate ka thei-a na sep masa sangin tam na semzaw hi.

Kilaakna 2:19 ပူးပေါင်းရင်းမြစ်များ

Job 17:9

Hizongle thumante in amau’ lampi a tukip vua, tuale khut siengtho nei amate a thahat tehteh uhi.

Phatna-late 92:14

A vuoi ciengun zong ga a ga lai uhi; amate dum kihkiahin a nosuoh silsel den vua,

Paunakte 4:18

Hinanle thuman mite’ lampi ahile sunkim donga a tang semsem, zingmawng khuovah pan tawh kibang hi.

Luke 1:23

A siempu nasep hun a man ciengin a inn ah ama a pei hi.

John 15:2

Ama in keima sunga a ga lo baa zosie a paimang ding hi. Ga nei a baate a ga semsem nadingin ama in heu-in a hasieng hi.

Colosse-te 3:14

Tamte zosie tungah note in sil bangkim kihuol taha a khiton itna na sil un.

1 THESSALONIKA 3:6

Ahi vangin tu-in no kung panin ko kungah Timothy ang tung pan lien ahi a, ama in ko tungah na upna ule nei itna uh lungdamna thu thate ei puoh hi. Note kang munop ma bangun note in limtahin kote ei phawhin nei munopna thu zong ama in ei gen zo ta hi.

2 THESSALONIKA 1:3

Sanggamte aw, na upna uh nahpi tahin khangin khatlekhat na ki-itna uh zong khang semsem ahi ziehin, note adingin Pasien tungah lungdam ka ko zing ding uh a kilawm ahi hi.

1 Timothy 1:5

Ahi vangin tam bang thuhilna’ a tupna pen lungsim siengtho, ei le ei kitheina hoi, le upna tahtah pana a pei itna ahi hi.

1 Peter 4:8

Tua teng zosie banah note khatlekhat nahpi tahin na ki-it un; bangzieh ahei cile itna in mawna tampite a selcip hi.

2 Peter 1:7

Pasien’ mi hina pen khatlekhat ki-itna, khatlekhat ki-itna pen itna tawh na belap un.

2 Peter 3:18

Hizongle i Topa le Hundampa Jesu Khris’ hepina le theina-ah na khangto un. Ama tungah tu le a tawntungin minthanna om den taheh. Amen.

Kilaakna 2:13

“Satan’ kumpi topha opna muna a teng na hi lam kang thei hi. Hinanle ka min na pomdet a, Satan opna mun note lahah a kithat ka teci, ka mi muonhuoi pa Antipas khan lai nangawnin kei nei upna na niel sih hi.

Kilaakna 2:9

“Nang na hau vangin na gentheina le na zawnna ka thei hi. Jew mi hi lo napi ka hi uhi, ci-in kigenin hizongle Satan’ pawl ahi zawte’ ang gensietna ka thei hi.