Kilaakna 14:3 - Zo Bible

³ amate in kumpi topha mai, ganhing lite mai, le upate mai-ah la tha khat a sa uhi. Leitung pana a kitankhiesa mi tulza le tul sawmli le tul lite ci simlo koima dang in tua la sa thei lo hi.

LAISIENGTHOU CL Bible (BSI)

³ Amauten mangtoupha mai leh silhing lite leh upate mai ah la tha hileh kilawm khat asa ua, tua la tha pen, leitunga pat a tatsa tua tulza leh tulsawmli leh tullite chilou koiman athei thei sih uhi.

Zokam International Version

³ Amaute in kumpi tokhom mai le a nungta ganhing lite le upate mai-ah lathak khat a sa uh hi. Lei pana kitankhiasa tua 144,000-te longal kuamah in tua la a sin thei kei hi.

Kilaakna 14:3 ပူးပေါင်းရင်းမြစ်များ

Phatna-late 144:9

Pasien aw, nangma tungah la tha kang sa ding hi; harp zamsawm lasahna tumin nangma la kang tap ding hi,

Phatna-late 149:1

Topa phat un! Topa tungah la tha sa unlen, thuman mite kikhopna sungah ama phatna la sa un.

Phatna-late 25:14

Topa tawh kilawmtatna pen ama a zatah mite ading ahi a, ama in amate tungah a thuciemna a theisah hi.

Phatna-late 33:3

Ama tungah la tha sa un; siem tahin khausaite tum unlen, nahpitahin awng un.

Phatna-late 40:3

Ama in ka kam sungah i Pasien phatna la tha khat ei koipieh hi. Mi tampi in mu-in a zatah ding vua, amate in Topa a muong ding uhi.

Phatna-late 96:1

Leitung mi zosie aw, Topa tungah la tha khat sa un; Topa tungah phatna la sa un.

Phatna-late 98:1

Topa tungah la tha khat sa un, azieh pen ama in sil lamdangte a bawl zo hi. A zietlam khut le a ban siengtho in ama a guolzosah hi.

Isaiah 42:10

Topa tungah la tha khat sa unlen, leimong panin ama phatna la sa un! Tuipi le a sunga omte zosie, tuipi gei-a gamte le amate tunga a tengte hawhsah vapuoh un.

1 Corinth-te 1:18

Bangzieh ahei cile a mangthai mite adingin singlamte’ thu pen motna ahi a, ahi vangin hutdamsa eite adingin Pasien’ vanglietna ahi hi.

1 Corinth-te 2:14

Hlagau mi ahi lote adingin Pasien’ Hlagau letsongte pen motna hi lel ahi ziehin amate in a sang zo sih uhi, bangzieh ahei cile tuate pen hla lam thu beh tawh kikhentel thei ahi ziehin amate in a telthei sih uhi.

Kilaakna 14:1

Tua ciengin ka khuodah leh Zion Muol tungah Tuuno a dingin na om hi! A talpang tung vua ama’ min le a pa’ min a kigiel mi tul za le tul sawmli le tulli zong ama tawh a omton uhi.

Kilaakna 15:3

Amate in Pasien’ nasem Moses’ la le Tuuno’ la a sa uhi: Vanglien Topa Pasien aw, na nasepte lienin cizat a huoi hi! Minamte’ Kumpipa aw, na lampite thumanin thutang hi!

Kilaakna 2:17

Hlattuom pawlpite tunga Hlagau thugen khu bil nei poma in za taheh. Keima in a guolzo mi zosiete tungah phuolsel manna kimkhat ka pie ding a, suongkang khat le a tunga min tha kigiel khat zong ka pie ding hi. Tua suongkang pen a ngate simlo koima in thei lo ding hi.

Kilaakna 5:9

Amate in la tha khat, “Laiziel a la ding le a ciemtenate a phen dingin nang na kilawm hi, azieh pen nang ang kigo zo a, Pasien adingin be namcin, ham namcin, mi namcin, minam namcin panin na sisan tawh mite na tan zo hi;

Kilaakna 7:4

Tuale cieptesa mi phaza a kisim ka za a, Israel mi nam zosie sung panin mi tul za le tul sawmli le tul li cieptesa ahi hi: