Kilaakna 10:1 - Zo Bible

¹ Tuale vantung panin a thahat adang vantungmi khat ang kumsuh ka mu a, ama meiipi-in a kituom a, a lu tung sonah sakhi-guihlung khat a om hi; a maitang ni bangin tang a, a kengte meikuong khuompite tawh kibang hi.

LAISIENGTHOU CL Bible (BSI)

¹ Tualeh ahat mama vansawlsieng dang khat meilum puon a silin van a kipat a hing peisuh ka mu hi. Alutungah sakhituihup khat a um a, amaitang ni bang ahi a, tualeh akengte meikuong khuom bang ahi.

Zokam International Version

¹ Tua ciangin a thahat vansawltak dang khat vantung pan a kumsuk ka mu hi. Meiipi, puantualin silh-a, a lutung san ah sakhituihup khat a om hi; a maitang ni tawh kibanga, a khete meikuang khuampi a bang hi.

Kilaakna 10:1 ပူးပေါင်းရင်းမြစ်များ

Phatna-late 104:3

nangma in tuite tungah na innkhan zawlte hlungin, na sakol leeng adingin meiipite na bawl a, huipi’ hlate tungah nangma na tuong hi.

Phatna-late 97:2

Meiipite le miel sapite in ama a kimvel uhi; ama’ kumpi topha bulpi pen dihna le thutang ahi hi.

Paikhiatna 16:10

Aaron in Israel mihonte a hopi laitahin gamlah a en vua, amate in mei lahah Topa’ vanglietna a kilang hi.

Zailate’ Zaila 5:15

A pheiphungte kham khuom bul a, suongngo khuom tun no khu bang e. A langmai zong lenmuol Lebanon taamtah tulsing hoipen dung zil.

Isaiah 19:1

Egypt tawh kisai thuphuon ahi hi. En in, a gang mama meii tungah Topa a tuong a, Egypt gamah a pei hi; ama mai-ah Egypt milimte zau-in citun ding a, a sung vuah Egypt-te’ lungtang tuisuoh ding hi.

Isaiah 54:9

Tam pen kei adingin Noah’ hun lai bang ahi hi: Leitungah Noah’ tuite ang peikia nawn lo ding, ci-a ka kiciem ma bangin na tungah lungthah nawn loin, kang phawhsie nawn sih ding hi, ci-in ka kiciem zo hi.

Tamlawhna 3:44

kote’ thungetna na kung ang tun thei lo nadingin nangma le nangma meiilum na kikhu hi.

Ezekiel 1:28

Guo a zuh ni ciengin meiilum lahah ang kai sakhi-guihlung mel bang puo-in a kimvelah tang piehpuah hi. Tam pen Topa’ minthanna vang tawh a kisun mel kilahna khat ahi hi. Khum khu ka mu ciengin khupbawhin ka kunsuh a, tuale mi khat’ thugen ka za hi.

Daniel 10:6

A tahsa pen beryl suongmanpha bangin vam lihleh a, a maitang tunphe bangin tangin, a mittangte meikuong tawh kibang a, a bante le a kengte sumngo nawtngilsa bangin tee lihlehin, a awging pen mihonpi aa-ul husa tawh kibang hi.

Daniel 7:13

Keima in zan ka mangmuna-ah ka en a, mihing tawh a kibang khat vana meii tung tuongin ang pei ka mu hi. Khanglui Mipa kungah ama pei a, ama mai-ah kizawpi hi.

Siampi Laibu 16:2

Topa in Moses kungah gen hi: Thuciemna singkuong tunga hepina topha mai, dalna puon sunglam siengtho munah a nop hunhuna ang mawh pei lo nadingin na sanggampa Aaron kungah gen in. Ang mawh pei leh a si ding hi; azieh pen tua hepina topha tunga meiilum lahah keima ka kilaa hi.

Matthew 17:2

Tuale amate mai-ah a mel kikhelin a mai ni bangin tang a, a puonsilte zong vam lihleh hi.

Luke 21:27

Tua ciengin Mihing Tapa in vanglietna le minthanna sang pen tawh meiilum lahah ang pei amate in a mu ding uhi.

Nasepte 26:13

a Lien Mangpipa aw, sunkim pawl lampi-a ka pei laitahin keima le ka zawpite kimvelah ni sanga a tangzaw khuovah khat vantung panin ang tang ka mu hi.

Kilaakna 1:7

En un! Meiipi tawh ama ang pei hi; mit zosie in ama mu ding a, ama a sun mite nangawnin mu ding uhi; ama ziehin leitung minam zosie a kap ding uhi. Tua bang ang hi ding hi. Amen.

Kilaakna 18:1

Tami zaw ciengin vantung panin thuneina lienpi a nei vantungmi dang khat ang kumsuh ka mu hi; ama’ thupina tawh leitung a salvah hi.

Kilaakna 18:21

Tua ciengin a thahat vantungmi khat in an gawina suong tawh a kibang suong golpi khat la-in tuipi sungah sepsuh a, “Babylon khuopi lien khu tam bangin nahpi-in kisepsuh ding a, a kimu nawn sih ding hi;

Kilaakna 20:1

Tua ciengin vantung panin vantungmi khat hing kumsuhin a khutah mong nei lo kawhawm honna tawhtang le siakhau golpi khat a tawi ka mu hi.

Kilaakna 4:3

Khumi kumpi topha tunga a to pa pen jasper le carnelian suongmanpha tawh kibang a, kumpi topha kimvelah emerald suongmanpha tawh a kibang sakhi-guihlung khat a om hi.

Kilaakna 5:2

Tuale a thahat vantungmi khat in, “Tua laiziel a phen ding le a ciemtenate a phel dinga a kilawm koi ahei,” ci-in awging tawh a kiko ka mu hi.

Kilaakna 8:13

Tua ciengin ka khuodah leh vankim lai-ah muvanlai khat a len kawmin, “Adang vantungmi thumte in a mut dinga a kisah uh pengkul gingte ziehin leitunga teng mite tungah, “Gimna, gimna, gimna ang tung ding hi!” ci-in nahpi taha a kiko ka za hi.