Kilaakna 1:11 - Zo Bible

¹¹ “Na mu teng laibu khatah giel inlen, hlattuom pawlpi sagite ahi Ephesus, Smyrna, Pergamum, Thyatira, Sardis, Philadelphia, le Laodecia-te tungah hlah in,” ei ci hi.

LAISIENGTHOU CL Bible (BSI)

¹¹ “Kei Alpha leh Omega, Amasapen leh Anukhia pen ka hi, na sil mute laibu ah giel inlen, Asia gam a um hattuom sagite: Ephesa hattuom, Smarna hattuom, Pergamos hattuom, Thiatira hattuom, Sardis hattuom, Philadelphia hattuom leh Laodisia hattuomte kungah hah in ahing chi hi.”

Zokam International Version

¹¹ "Na muh teng laizial tung khatah gelh inla pawlpi sagih: Ephesus, Smyrna, Pergamum, Thyatira, Sardis, Philadelphia le Laodicea-te tungah khak in," hong ci hi.

Kilaakna 1:11 ပူးပေါင်းရင်းမြစ်များ

Isaiah 30:8

Tu-in pei-in ang tung ding hunte-ah khantawn teci dingin a mai vua suongpeh tungah giel inlen, laibu khat sungah khum in.

Jeremiah 30:2

Israel’ Pasien, Vanglien Topa in tam bangin ci hi: Na kunga kang gensa thute zosie laibu khat sungah khum in.

Habakkuk 2:2

Tua ciengin Topa in kei ei dawng hi: A tai mipa khat’ sim thei dingin suongpehte tungah a kicienin, tua mangmuna giel in;

Nasepte 16:14

Pasien a bie Lydia a kici numei khat in ka thugen uh a ngai hi; tua nu pen Thyatira pana puon dupsan zua ahi hi. Ama in Paul’ thugente lawp tahin a ngai thei nadingin Topa in a lungsim a honpieh hi.

Nasepte 18:24

Tu-in Ephesus ah Alexander khuomi Apollos a kici Judah mi khat haw hi. Ama pen mi dangnal le Lai Siengtho thei mama khat ahi hi.

Nasepte 20:17

Ama in Melitus khuo panin Ephesus khuo ah mi sawl a, pawlpi upate in ama a kimupi nadingun a thuta hi.

1 Corinth-te 15:32

Mihing lametna maimai tawh hi leh Ephesus khuo-a gamsate tawh ka kibawna bang phattuompi leltah ding ka hei? Misite kithosah lo hi leh, “Zing cienga si ding i hi tah ziehun kineh kidawn va vui,” i ci lel ding uhi.

1 Corinth-te 16:8

Ahi vangin Pentecost pawi dong Ephesus khuo ah ka tam ding hi.

Ephesa-te 1:1

Pasien’ deina ziehin Khris Jesu’ sawltahpi Paul in, Ephesus khuo-a om misiengthote, Khris Jesu sunga mi muonhuoite tungah:

Thupiakkikna 31:19

Tua ahi ziehin tu-in tami la giel inlen, Israel-te tungah hil in; Israel-te langkhatah kei dinga teci a suoh dingin a kam sung vuah tami la mop in.

Colosse-te 2:1

Bangzieh ahei cile note le Laodicia khuomite a kipanin ka maitang ei mu ngai nai lo mi zosie adingin keima in bangza-in hanciemin sem ka hei, ci na thei ding uh ka dei hi.

1 Timothy 1:3

Macedonia gam lam manaw-in ka pei lai-a kang gensa ma bangin Ephesus khuo-ah tam inlen, mi pawlkhat in thuhilna dang khatpo a hil lo nading ule,

Kilaakna 1:17

Ama ka mu ciengin a keng zungah a si bangin ka pua hi. Ahi vangin ama in ka tungah a zietlam khut hing ngamin, “Zau sin; kei pen a kipatna le a tawpna ka hi a,

Kilaakna 1:19

Tu-in na musa nate, tu-a om nate, tam zaw cienga ang pieng lai ding nate zosie giel in.

Kilaakna 1:2

John in Pasien’ thu le Jesu Khris’ teci panna a mu zosie nangawn teci a pang hi.

Kilaakna 1:20

Ka zietlam khutah na mu aasi sagite le kham meivah tunna sagite’ thu tami ahi hi: Aasi sagite pen hlattuom pawlpi sagite’ vantung mite ahi a, meivah tunna sagite pen hlattuom pawlpi sagite ahi hi.

Kilaakna 1:4

John in Asia gam sunga om hlattuom pawlpi sagite kungah: Tuhun, a tawpsa hun, le mailam huna ang om lai ding pa le ama’ topha mai-a om hlagau sagite pan le,

Kilaakna 1:8

Tuhun, a tawpsa hun, le mailam huna ang om lai ding a Vanglien Topa Pasien in, “Keima a kipatna le a tawpna ka hi hi,” a ci hi.

Kilaakna 10:4

Vanto sagite ang gin zaw ciengin kei zong a giel dingin ka kisa leh, “Vanto sagite’ thugente giel sinlen imcip in,” ci-in vantung panin aw khat ka za hi.

Kilaakna 14:13

Tuale vantung panin aw khat ka za a, “Tami giel in: Tu-a kipan Topa sunga a site mi hampha ahi hi,” a ci hi. Hlagau in, “Hi hi,” a ci a, “A sepnate un amate nuazui ding ahi ziehin a nasep gimna uh panin a tawlnga ta ding uhi,” ci-in a gen hi.

Kilaakna 19:9

Tuale vantungmi in keima kungah, “Tami giel in: tuuno mopi pawi-a a kihlan mite mi hampha ahi hi,” ei ci hi. Tuale ama in keima kungah, “Tamte pen a thuman Pasien’ kammalte ahi hi,” ei ci hi.

Kilaakna 2:1

“Ephesus hlattuom pawlpi’ vantungmi tungah giel in: Tam teng pen a zietlam khutah aasi sagi tawi-in kham meivah tunna sagi lahah a vah kawikawi pa’ kammal ahi hi:

Kilaakna 2:12

“Pergamum hlattuom pawlpi’ vantungmi tungah giel in: A langni-a a hiem namsau nei pa’ thugen tam bang ahi hi:

Kilaakna 2:18

“Thyatira hlattuom pawlpi’ vantung mi tungah giel in: Meikuong kileh banga mit nei pa le sumngo banga keng nei pa’ thugen tam bang teng ahi hi:

Kilaakna 2:24

Hinanle Thyatira khuo sunga om tami thuhilna a pom lo, mi pawlkhat in, ‘Satan’ thuthuh pite,’ a ci thute zong a sin kha vawt lo no adang teng tungah keima in vangih dang khatpo kang suon sih hi, ci thu kang gen hi.

Kilaakna 2:8

“Smyrna hlattuom pawlpi’ vantungmi tungah giel in: A masa pen le a nukhia pen, a si ngaisa le a hingkia pa’ thugen tam bang ahi hi:

Kilaakna 21:5

Tuale kumpi topha tunga a to pa in, “En in, sil bangkim a tha-in ka bawl hi,” a ci hi. Ama in, “Tami thute muontahin thuman ahi ziehin giel in,” ei ci lai hi.

Kilaakna 22:10

Tuale ama in keima kungah, “A hun ang nai ta ahi ziehin tami laibu sunga kamsanna thute khacip sin.

Kilaakna 22:16

“Keima Jesu in hlattuom pawlpite ading tami teci panna thu na kunga ang gen dingin ka vantungmi kang sawl hi. Keima pen David’ zungpi le a suon ahi, zingsol ka hi hi,” ei ci hi.

Kilaakna 3:1

“Sardis khuo hlattuom pawlpi’ vantungmi tungah giel in: Pasien’ hlagau sagi le aasi sagi a nei pa’ thugen tam bang ahi hi: “Na nasepte ka thei a, a hing min na puoh vangin a si na hi bo hi.

Kilaakna 3:14

“Laodicea khuo hlattuom pawlpi’ vantungmi tungah giel in: Pasien’ siem nate’ a bul, a muonhuoi le a thuman teci ahi Amen’ thugen tam bang ahi hi:

Kilaakna 3:4

Hizongle Sardis khuo ah a puonsil uh a niehsah lo mi themkhat na nei lai hi. Amate a kilawm ahi ziehin puonpaa silin kei tawh vah kawikawi ding uhi.

Kilaakna 3:7

“Philadelphia khuo hlattuom pawlpi’ vantung mi tungah giel in: A siengtho, a thuman pa, David’ tawhtang nei pa, a hon ciengin koima in kha zo loin, a kha ciengin koima in a hon zo lo pa’ thugen tam bang ahi hi: