John 8:58 - Zo Bible

⁵⁸ Jesu in amate kungah, “A tahtah a kang ci-in, Abraham pien masangin keima ka om zo ta hi,” a ci hi.

LAISIENGTHOU CL Bible (BSI)

⁵⁸ Jesu’n akung uah, “Chitahtah in ka hing hil ahi, Abraham um masangin ka umta hi,” achi hi.

Zokam International Version

⁵⁸ Jesu in, "Thutak kong geninah, Abraham suah ma-in kei ka om hi!" a ci hi.

John 8:58 ပူးပေါင်းရင်းမြစ်များ

Paikhiatna 3:14

Pasien in Moses kungah, “KEIMA AHI KEIMA ka hi hi,” a ci hi. Ama in, “Israel-te kungah, ‘KEIMA a kici pa in na kung vuah keima ei sawl hi,’ ci-in tam bangin na gen ding hi,” a cibe lai hi.

Isaiah 43:13

Keima Pasien ka hi a, tu huna kipanin zong kei Ama ka hi hi; ka khut sung panin a tankhie zo koima om lo hi; keima in na ka sem a, koi in ei khahtan zo ding ahei?

Isaiah 44:6

Topa, Israel Kumpipa le ama a Tanpa, Vanglien Topa in tam bangin gen hi: Keima a masa pen le a nukhia pen ka hi hi; kei simlo pasien dang om lo hi.

Isaiah 44:8

Zau sih unlen ging sih un; tanglai panin na kung vuah hing genin hing pulah zo hi lo ka mah? Note pen keima teci na hi uhi! Kei simlo pasien dang om amah? Suongpi dang om lo a, khat zong ka thei sih hi.

Isaiah 46:9

hun lui thute phawh un; azieh pen kei Pasien ka hi a, adang koima om lo hi. Kei Pasien ka hi a, keima bang koima om lo hi.

Isaiah 48:12

Kang hlatsa Israel le Jacob aw, ka thu ngai un: Kei Ama ka hi hi; kei amasa pen ka hi a, a nukhia pen zong ka hi hi.

Isaiah 9:6

Azieh pen eite adingin nausen khat ang suoh a, eite tungah tapa khat ei kipie hi; ama’ liengko tungah thuneina a om hi; ama pen, Lamdang Thu Kuppipa, Vanglien Pasien, Tawntung Pa, Kilemna Kumpipa, ci-in kiphuo hi.

Micah 5:2

Bethlehem Ephrathah aw, Judah bete lahah a neu pen na hi vangin, nang sung panin Israel a uh ding mipa khat ang pieng ding a, ama ang kipatna pen tangtawng ni masa lai ahi tabo hi.

John 10:25

Jesu in, “Ke’n kang gen zo a, na tahsang paupau sih uhi. Ka Pa’ min tawh ka sep zosie in keima’ thu teci a pang hi.

John 17:24

Pa aw, nei piehsate in zong leitung pien masanga kei nei it zieha nei piehsa ka minthanna a mu dingin ka opna ah kei tawh amate ang op ding uh ka lunggul hi.

John 17:5

Tuaci’n Pa aw, leitung pien masangin na kunga ka neisa minthanna tawh tu-in na omna munah ei minthangsah ta’n.

John 8:24

Ke’n kang ci-in na mawnate ziehun note na si ding uhi, azieh pen note in kei ama kici pa ka hi lam nei up sih uleh na mawnate uh ziehin na si ding uhi,” a ci hi.

John 8:28

Tuaci’n Jesu in, “Mihing Tapa na khaito zaw ciengun kei ama ka hi lamtah nei thei ding vua, tuale keima in ka thu tawh bangma bawl loin Pa ei hil banga thugen ka hi lam note in nei thei ding uhi.

John 8:34

Jesu in amate kungah, “A tahtah a kang ci-in, mawna a bawl zosie mawna’ sila ahi uhi.

John 8:51

A tahtah a kang ci-in, “Mi khatpo in ka thu a zui leh sina a mu ngai sih ding hi,” ci-in a dawng hi.

Colosse-te 1:17

Sil bangkim a op masang in Ama a om zo ta bo a, ama sungah sil bangkim a kizom dimdiem hi.

Hebrews 13:8

Jesu Khris pen zani, tuni le a tawntungin kibang den hi.

Kilaakna 1:11

“Na mu teng laibu khatah giel inlen, hlattuom pawlpi sagite ahi Ephesus, Smyrna, Pergamum, Thyatira, Sardis, Philadelphia, le Laodecia-te tungah hlah in,” ei ci hi.

Kilaakna 1:8

Tuhun, a tawpsa hun, le mailam huna ang om lai ding a Vanglien Topa Pasien in, “Keima a kipatna le a tawpna ka hi hi,” a ci hi.

Kilaakna 2:8

“Smyrna hlattuom pawlpi’ vantungmi tungah giel in: A masa pen le a nukhia pen, a si ngaisa le a hingkia pa’ thugen tam bang ahi hi: