John 8:48 - Zo Bible

⁴⁸ Jew mite in ama kungah, “Nang Samaria-te na hi a, dawivei na hi hi, kang ci uh a man hi lo amah?” ci-in a dawng uhi.

LAISIENGTHOU CL Bible (BSI)

⁴⁸ Tuachi’n Judaten a dawng ua akungah, “Nang Samari mi na hi a, dawi zawl na hi ka hing chi uh, ka chi dih mama uh hilou ahiei amah?” achi uhi.

Zokam International Version

⁴⁸ Jew-te in, "Nang, Samaria mi hi in, dawi lut hi, kong cih uh maan lo ka hi uh hiam?" ci-in a dawng uh hi.

John 8:48 ပူးပေါင်းရင်းမြစ်များ

Isaiah 49:7

Israel a Tanpa le ama’ Siengtho Pa ahi Topa in nahpi taha a kisimmaw, minamte’ huot bawl, gam uhte’ nasempa tungah, “Nangma ang teel a muonhuoi Topa, Israel-te’ Siengtho Pa ziehin, mite na hutdamna thu kumpite in ang mu ciengun ang dingto ding vua, uliente amau le amau ang khupbawh ding uhi,” ei ci hi.

Isaiah 53:3

Midangte in ama simmaw-in a nuol uhi; gimna a thuoh mipa le natna tawh kilawi lo pa ahi hi; tuale mite in mu nuom loin midangte in a mai uh a humsan mipa bangin ama kisimmaw a, eite in zong bangma-in i sim sih hi.

Matthew 10:25

Nuazui khat pen a siepa tawh a kibah a, nasem khat zong a pupa tawh a kibah leh pha zo hi. Inntehpa bawn Beelzabul a ci uleh a innkuonpite tua sangin a min a siesah zaw sih ding uh amah!

Matthew 10:5

Jesu in tami mi sawm le nite tam bang thupiehna tawh a sawl hi: Gentile-te lah heima sungah pei loin Samaria-te khuo ah zong lut sih unlen,

Matthew 11:18

Azieh pen bangma ne lo dawn loin John ang pei-in amate in, “Dawi lawmnei pa hi,’ a ci uhi;

Matthew 12:24

Hizongle Pharisee-te in tam thu a zah ciengun, “Dawimangpa Beelzebul suongin dawigilote a hawlkhiet ahi bo hi,” a ci uhi.

Matthew 12:31

Tua ziehin ke’n kang ci-in, mi mawna vannuoi le Pasien a gensietnate uh kimaisah ding a, hizongle Hlagau langpangin a gensiete kimaisah lo ding hi.

Matthew 15:7

No mihoi kipangte! Isaiah in note tawh kisai-in thu a na genkholna khu:

John 1:19

Jew mite in, “Nang koi na hei?,” ci-in John a dong dingin Jerusalem panin siempute le Levi-te a sawl lai-un, John’ teci panna tam bang ahi hi.

John 10:20

Mi tampitah in, “Ama pen dawivei ahi a, a maw ahi bo hi. Bang dinga ama’ thu na ngai uh ahei?” a ci uhi.

John 13:13

Kei pen Siepa le Topa nei ci vua, tua pen a man ahi hi, azieh pen nei ci bangun ka hi hi.

John 4:9

Samaria numei nu in ama kungah, “Nang Judah mi khat in bangci dan a kei Samaria numei khat kunga tui nei nget thei ahei?” a ci hi. (Jew mite le Samaria-te sil bangma a kitang sih uhi.)

John 7:20

Mihonpite in, “Nang dawivei na hi hi! Tha dinga ang sui koi ahiei?” ci-in a dawng uhi.

John 8:22

Tua ciengin Jew mite in, “Ka peina ah nang pei thei sih ding uhi, ci ahi ziehin ama le ama a kithat ding khat ahi ta diei?” a ci uhi.

John 8:52

Jew mite in ama kungah, “Nang dawivei na hi lamtah tu-in kang thei uhi. Abraham lah si zo a, tua ma bangin kamsang teng zong a si zo uhi; hizongle tu-in nang in, ‘Mi khatpo in ka thu a zui leh sina a ciem kha ngai sih ding hi,’ na ci hi.

Rome-te 15:3

Azieh pen Khris zong ama le ama a kilungkimsah sih hi; hizongle Lai Siengtho sungah, “No ang zako mite’ ang zakona teng kei tung ang tu hi,” ci-in kigiel hi.

Hebrews 13:13

Tua ahi ciengin eite zong giephuol pulamah pei-in, ama thuoh maizumna thuoh vai.

James 2:19

Pasien khat beh om hi, ci na um uhi; na hoi sep hi. Dawite nangawn in umin zau-in a ling uhi.