John 7:35 - Zo Bible

³⁵ Jew mite in, “Eite in ama i mu zawh lo nadingin hei sung pei sawm adiei? Greek-te lahah a Kithethangte kungah va pei-in Greek-te’ thu va hil sawm adiei?

LAISIENGTHOU CL Bible (BSI)

³⁵ Judate khat leh khat akihou ua, “I mu lou dinga hei langa pei ding adiei? Greekte lah a kithethang imite lah a va pei a, Greekte thu vahil ding adiei?

Zokam International Version

³⁵ Jew-te in, "Hih pa i muh theih lohna mun koi lai-ah pai sawm hiam? Greek-te laka kithehthang i mipihte lakah pai-in Greek-te hoh hilh ding ahi tam?

John 7:35 ပူးပေါင်းရင်းမြစ်များ

Phatna-late 147:2

Jerusalem khuopi khu Topa’ lam ahi hi; ama in a kipampaih Israel mite kaikhawm hi.

Isaiah 11:10

Tua ni ciengin mite tungah Jessi’ zung khu lim khatin ding ding hi; minamte in ama sui-in ama’ opna mun a thupi ding hi.

Isaiah 11:12

Ama in minamte adingin lim khat khai ding a, a kinotmang Israel-te kaikhawmin, ama in lei kiuli panin a kithezah Judah a khawmtuo ding hi.

Isaiah 49:6

Ama in, “Jacob minamte a lamto ding le Israel a suohtate a ngai bangsahkia dingin, ka nasem pa na hina pen a bailam no khat ahi hi. ka hutdamna in leimong dong a phah thei nadingin minamte tunga khuovah ahi dingin nang kang pie ding hi,” ei ci hi.

Isaiah 56:8

A kipampaih Israel a kaikhawm Topa Pasien in tam bangin ci hi. A kikaikhawmsa mite banah amate kungah midangte ka kaikhawm ding hi, a ci hi.

Zephaniah 3:10

Keima kunga thu a ngente, a kithethang ka mite in Ethiopia gungal panin ka biehna ang puoh ding uhi.

Matthew 12:21

Ama’ minin Gentile mite a kinem ding uhi, ci thu a tangtun nading ahi hi.

Luke 2:32

Gentile-te tunga kihil nading khuovah le na mi Israel-te’ minthan nading ahi hi,” a ci hi.

John 12:20

Pawi hun sungin Pasien bie dinga a peite lahah pawlkhat Greek mi ahi uhi.

John 7:1

Tua zaw ciengin Galilee gam sungah Jesu a zin kawikawi hi. Ama tha nading Jew mite in hunlem a sui ziehun Judea gamah ama a zin nuom sih hi.

John 8:22

Tua ciengin Jew mite in, “Ka peina ah nang pei thei sih ding uhi, ci ahi ziehin ama le ama a kithat ding khat ahi ta diei?” a ci uhi.

Nasepte 11:18

Tami thu a zah ciengun amate a dai dide uhi. “Tua ciengin Pasien in Gentile-te tung nangawn ah zong hinna nga thei nading kisiakiana thu a pie hi,” ci-in amate in Pasien a phat uhi.

Nasepte 11:20

Ahi vangin Antioch khuo-a pei, Cyprus tuikul le Cyrene khuo mite pawlkhat in Greek ham a zang Jew mite kungah zong Topa Jesu’ thu a tangko uhi.

Nasepte 14:1

Iconium khuo Jew mite kikhopna inn ah Paul le Barnabas lutin tua bang danin ama gel in thu a hil uh ciengin Jew mite le Greek-te tampitah thu um mi a suoh vua, tuaci’n tua khuo sungah a piengsa thu teng ma a piengkia hi.

Nasepte 17:4

Amate pawlkhat lunglutin Paul le Silas a pawl vua, tua ma bangin Pasien a giing Greek mi tampite le numei makai tampi in zong a pawl uhi.

Nasepte 18:4

Sabbath nisielin ama in kikhopna inn ah Jew mite le Greek-te zawl sawmin thu a kikuppi hi.

Nasepte 21:21

Gentile-te lahah a teng Jew mite zosie in Moses’ thukham a taisan nading ule a tate uzong a tep uh kitan loin a ngainate uh a zui lo nadingun genin na hil lam amate kungah kigen zo hi.

Nasepte 22:21

Tua ciengin ama in keima kungah, “A gamlapi khata a om Gentile-te kungah hing sawl ding ka hi ziehin pei in,’ ei ci hi,” a ci hi.

Rome-te 1:16

Bangzieh ahei cile keima in lungdamna thu ka maizumpi sih hi; tua thu pen a um zosie in hutdamna a nga nading Pasien’ vanglietna ahi hi. A masa-in Jew mite ading ahi a, Greek-te ading zong ahi hi.

Ephesa-te 3:8

Kei ka hile misiengtho zosiete lahah a neupen ka hi vangin Gentile-te tungah ciengtan a nei lo Khris’ haunate ahi lungdamna thute a puoh ding le,

Colosse-te 1:27

Pasien in tami a minthang thuthuh haunate bangza-in lien ahei, ci Gentile-te le amate tungah a theisah dingin keima ei teel a, note sunga om Khris pen tua thuthuh a minthang lametna ahi hi.

1 Timothy 2:7

Tami adingin keima tangko pa le sawltahpi dingin ei kise zo a, (zuouthu gen loin thutah a gen ka hi hi), kei pen upna le thutah ah Gentile-te’ siepa ka hi hi.

2 Timothy 1:11

Tami lungdamna thu adinga a tangkopa, sawltahpi le siepa dinga ei kisesa ahi a,

James 1:1

Pasien le Topa Jesu Khris’ nasem khat ahi keima James in, a kithethang Judah minam sawm le nite: kang hopi uhi.

1 Peter 1:1

Jesu Khris’ sawltahpi keima Peter in, Pontius gam, Galatia gam, Cappadocia gam, Asia gam, le Bithynia gamte-ah galtai-a a Kithethang Mite kungah lai kang hlah hi.