John 21:16 - Zo Bible

¹⁶ Ama in, “John’ tapa Simon aw, kei nei it ei mah?” ci-in a niveina dong leuleu hi. Ama in, “Kang it hi, Topa aw, nang in kang it lamtah na thei hi,” a ci hi. Jesu in ama kungah, “Ka tuunote na cing in,” a ci hi.

LAISIENGTHOU CL Bible (BSI)

¹⁶ Jesu’n ani veina dingin akungah “Johan tapa Simon, Kei nang it ei?” achi kia hi. Aman akungah, “Hi, Mangpa ka hing it chi na thei hi,” achi hi. Jesu’n akungah “Ka belamte ching in,” achi hi.

Zokam International Version

¹⁶ Jesu in, "John tapa Simon aw, kei nong it taktak hiam?" a ci kik hi. Amah in, "Hihi Topa aw, nang kong it na thei hi," ci-in a dawng hi. Jesu in, "Ka tuute na cing in," a ci hi.

John 21:16 ပူးပေါင်းရင်းမြစ်များ

Phatna-late 100:3

Topa Pasien ahi lam thei un. Ei bawlpa ama ahi a, eite ama-a’ i hi hi; eite ama’ mite i hi vua, a gancinna sunga om a tuute i hi uhi.

Phatna-late 95:7

Bangzieh ahei cile ama pen eite’ Pasien ahi a, eite a gankhawh sunga om mite le ama’ khut sunga a om a tuute i hi uhi.

Zechariah 13:7

“Namsau aw, ka tuucingpa le ka naseppi pa sat dingin tho in,” Vanglien Topa in ci hi. Tuute a kithethang nadingin tuucingpa sat in; keima in tuunote langkhatah ka khut ka vih ding hi.

Matthew 2:6

‘Judea gama om nang Bethlehem khuo aw, Judah gam-uhte lahah a neu pen na hi vawt sih hi; bangzieh ahei cile ka mi Israel-te a cing dingin nang sung panin uhpa khat pieng ding hi,’ ci hi,” a ci uhi.

Matthew 25:32

Ama mai-ah minam zosie kikhawm ding a, tuucing pa in tuu le keel a tuom khen ma bangin ama in mite a tuomin khen ding hi.

Matthew 26:72

Ama in, “Tua pa thei ngai vawt sing!” ci-in kitomlaw-in a nielkia hi.

Luke 19:10

Azieh pen a mangthai mite sui ding le a hundam dinga Mihing Tapa ang pei ahi hi,” a ci hi.

John 18:17

Tua numei nu in Peter kungah, “Nang zong tam pa’ nuazuite lahah khat hi lo na mah?” a ci hi. Ama in, “Hi sing,” a ci hi.

John 18:25

Mei awi-in Simon Peter a din laitahin amate in, “Nang zong ama’ nuazuite khat hi lo na mah?” ci-in a dong uhi. Ama in, “Hi malmal sing,” ci-in a niel hi.

John 21:17

Ama in, “John’ tapa Simon aw, kei nei it ei mah?” ci-in a thumveina dong leuleu hi. “Nang in kei nei it ei mah?” ci-in thumvei a dawh ziehin Peter da mama a, tua ahi ziehin, “Topa, na zosie na thei a, ke’n nang kang it lam zong na thei hi,” a ci hi. Jesu in ama kungah, “Ka tuute na cing in.

Nasepte 20:28

Pasien in a Tapa’ sisan tawh a leisa ama’ hlattuom pawlpi a vah dingin, Hla Siengtho in note’ khut sunga ang koi na tuuhon zosie ule noma ma limtahin na kem un.

Hebrews 13:20

Kumtawn thuciemna sisan ziehin tuucing lien pa, sina panin i Topa Jesu a thokiasah pa, kilemna Pasien in,

1 Peter 2:25

Azieh pen note tuu bangin lam na piel vua hinanle tu-in na hlagaute uh ang kem le ang cing pa kungah nang kilekia uhi.

1 Peter 5:2

Note’ kep dinga ang kipie Pasien’ tuuhonte, pausawl thu tawh hi lo, a siengtho lo sum nga nopna tawh zong hi loin, Pasien in note ang dei bangin thanopna lungsim tawh na cingzaw un.

Kilaakna 7:17

Bangzieh ahei cile kumpi topha laikima om Tuuno khu amate a cing pa hi ding a, hinna tuinah ah amate a peipi ding hi. Tuale Pasien in a mittang panun hlitui zosie a nulsieng pieh ding hi,” ei ci hi.