John 20:17 - Zo Bible

¹⁷ Jesu in tua nu kungah, “Ei tu sin, bangzieh ahei cile Pa kungah ka peito nai sih hi. Ahi vangin ka sanggamte kungah pei inlen, “Ka Pa le na Pa uh ahi, ka Pasien le na Pasien uh’ kungah ka kato ta ding hi,’ ci hi, ci-in va genzaw ta un,” a ci hi.

LAISIENGTHOU CL Bible (BSI)

¹⁷ Jesu’n akungah, “Hing tuden sin, ka Pa kungah ka peitou nai sih hi. Hinanleh ka sanggamte kungah va pei inlen, akung uah, Ka Pa, na pa uh, tualeh ka Pasian na Pasian uh kunga peitou ding ka hita chi’n va gen in,” achi hi.

Zokam International Version

¹⁷ Jesu in, "Pa kiangah ciah nai lo ka hi manin hong lenlen kei in. Tua sangin ka sanggamte kiangah pai inla, ‘Ka Pa, na Pa uh, ka Pasian na Pasian uh kiangah a ciah kik dek ta ka hilam amaute va hilh in,’" a ci hi.

John 20:17 ပူးပေါင်းရင်းမြစ်များ

2 Kumpite 4:29

Ama in Gehazi kungah, “Na kawng gah inlen na khut sungah ka ciengkhut khunin pei ta’n. Mi khatpo tawh na kituo khah leh hopi sin len, mi khatpo in ang hopi le zong dawng sin; tuale naupang maitangah ka ciengkhut va nga ta’n,” a ci hi.

2 Kumpite 7:9

Tua ciengin amate khatlekhat a kiho vua, “I sepzie uh man lo hi. Tuni pen kipah ni ahi hi; bangma gen loin i dai op vua, zingmawng khuova dong i nga uleh gimna i thuoh ding uhi; tua ziehin va pei-in kumpipa’ innkuonte kungah va gen ta vai,” a kici uhi.

Phatna-late 22:22

Ka sanggam numei le pasalte tungah na min ka gen ding hi; mi honpite kikhopna laikimah nangma kang phat ding hi.

Phatna-late 43:4

Tua ciengin Pasien’ maitam ahi a, nop ka sah mamana Pasien kungah ahi zongin ka pei ding hi; keima in harp lasahna tawh nangma kang phat ding hi, aw, Pasien, ka Pasien aw.

Phatna-late 48:14

tami Pasien ahi a, kumtawn eite’ Pasien ahi hi, ci-in na gen thei ta ding uhi. Ama pen a tawntungin eite’ lam lahpa hi ding hi.

Phatna-late 68:18

Muolsang tungah na kato a, na galmatte na zawpi diudeu a, nang in mite tung le tua munah Topa a ten thei nading a ledo mite tung nangawn panin letsongte na sang hi.

Phatna-late 89:26

Ama in kei kungah, ‘Nangma ka pa, ka Pasien le ka kihutdamna Suongpi na hi hi!’ ei ci ding hi.

Isaiah 41:10

nang kang ompi ziehin zau sin, na Pasien ka hi ziehin patau sin; keima in nang hing thakhausahin kang panpi ding a, ka galzawna zietlam khutin kang tu lenlon ding hi.

Jeremiah 31:33

Khum hun zaw cienga Israel innkuonte tawh ka bawl ding thuciemna tami hi zaw ta ding hi, Topa in ci hi: Amate sungah ka thukham ka koi ding a, amau’ lungtang tungah ka giel ding hi; tuale kei amau’ Pasien ka hi ding a, amate keima’ mite ahi ding uhi.

Jeremiah 32:38

Amate keima’ mi hi ding a, kei zong amau’ Pasien ka hi ding hi.

Ezekiel 36:28

Tua ciengin na pu na pate uh kunga ka piehsa gam sungah na teng ding uhi; tuale note keima’ mi na hi ding vua, keima zong noma’ Pasien ka hi ding hi.

Ezekiel 37:27

Amate tawh ka tenna mun a omton ding hi; kei amau’ Pasien ka hi ding a, amate keima’ mi ahi ding uhi.

Matthew 12:50

Azieh pen vantunga om ka Pa’ deina banga a gamta mi poma ka sanggam pasal, ka sanggam numei le ka nu ahi hi,” a ci hi.

Matthew 25:40

Kumpipa in amate kungah, ‘A tahtaha kang ci-in, tami ka innkuonpite lahah a neupen khat tunga na bawlte uh kei tunga a bawl na hi uhi,’ a ci hi.

Matthew 28:7

Tua ciengin mallang tahin pei unlen a nuazuite kungah, ‘Misite lah panin ama thokia zo a, Galilee gama na masang vuah a pei tahpi ding hi; tua munah ama na mu ding uhi,’ ci-in va gen ta un. Note dinga kang thupuoh tami ahi hi,” a ci hi.

Mark 12:26

Misite thawkiana tawh kisai-in Moses’ laibu sunga theubawh tangthu sungah, Pasien in ama kungah, ‘Abraham’ Pasien, Isaac’ Pasien, le Jacob’ Pasien ka hi hi,’ a ci thu na sim ngai sih uh amah?’ a ci hi.

Mark 16:19

Topa Jesu in amate kungah tua banga a gen zaw ciengin vantungah ama kilato a, Pasien’ zietlamah a to hi.

Luke 10:4

Sum-ip, thung-ip le kedapte keng sih un; lampi-ah koima hopi sih un.

John 13:1

Peisan pawi masangin Jesu in leitung panin a Pa kunga a pei ding hun tung ta hi, ci a thei hi. Ama in leitunga a it ama’ mite a tawp dongin a it hi.

John 13:3

Pa in ama’ khut sungah na zosie pie-in ama pen Pasien kung pana ang pei hi a, Pasien kunga peikia ding ahi lam zong Jesu in thei ahi ziehin,

John 14:2

Ka pa inn sungah op nading mun tampi a om hi. A om lo hileh na op nading uh mun siem dingin ka va pei ta ding hi, ci-in kang gen ding amah?

John 14:28

‘Keima ka va pei ta ding a, na kung vuah kang peikia ding hi,’ ci ka gen thu na za zo uhi. Kei nei it uleh Pa kunga pei ding ka hi ziehin na kipah ding uhi, bangzieh ahei cile kei sangin Pa a lienzaw hi.

John 14:6

Jesu in ama kungah, “Keima in lampi, thuman thutah, le hinna ka hi hi. Kei ei suong loin Pa kungah koima tung thei lo ding hi.

John 16:28

Pa kung pan hing pei-in leitungah kang tung zo hi; leitung nuasie-in Pa kungah khatvei ka peikia ding hi,” a ci hi.

John 17:11

Tu-in leitungah ka om nawn sih hi, ahi vangin amate pen leitungah a omlai vua, kei ka hile nangma kungah kang pei ta ding hi. Siengtho Pa aw, ei gel pum khat i hi ma bangin amate zong pumkhat a suo thei nadingun, na min tawh keima nei piehsa amate dal in.

John 17:25

“A thuman ka Pa aw, leitung mite in ang thei sih vangin keima in nang kang thei hi; tuale tamte in zong kei nei sawl lam a thei uhi.

John 17:5

Tuaci’n Pa aw, leitung pien masangin na kunga ka neisa minthanna tawh tu-in na omna munah ei minthangsah ta’n.

John 20:27

Tua ciengin ama in Thomas kungah, “Na khutme tawh tamtah tham inlen ka khutte en in. Na khut zah inlen ka pang zong tham in. Umla sinlen muong lenlon in,” a ci hi.

John 7:33

Tua ciengin Jesu in, “Note tawh bakhat sung beh ka om ding a, tua ciengin keima ei sawlpa kungah ka pei ding hi.

Rome-te 8:29

Pasien’ Tapa pen a kunta mama innkuon sungah tacil ahi thei nadingin ama in a theikholsa mite, a Tapa’ lim sun dinga a laitansa ahi hi.

2 Corinth-te 6:18

Keima na pa uh kang hi ding a, note zong keima’ tapate le tanute na hi ding uhi,” Vanglien Topa in ci hi.

Galatia-te 3:26

Azieh pen na unpi-un upna tungtawnin Khris Jesu sungah Pasien’ tate na hi ta uhi.

Hebrews 11:16

Hinanle amate in a hoizaw gam ahi tua vantung gam a na lunggul uhi. Tua ahi ziehin Pasien in amau’ Pasien a kici ding a na maizumpi vawt sih hi; a tahtahin ama in amate adingin khuopi khat bawl kholpieh zo hi.

Hebrews 8:10

Tami in Israel innkuon tawh, tua hun zaw cienga ka bawl ding ka thuciemna ahi hi. A lungsim sung vuah ka thukhamte ka guong ding a, a lungtang tung vuah tuate gielin, amau’ Pasien ka hi ding a, amate zong khu keima mi ahi ding uhi.

1 Peter 1:3

I Topa Jesu Khris’ Pa le Pasien in thupha nga taheh! Ama’ ei khuotuona lienpi ziehin sina panin Jesu Khris’ thawkiana tungtawnin ahing lametna a nei dingin eite a tha-in ei suohsah zo a,

1 John 3:2

Ka itte aw, tu-in Pasien’ tate i hi ta uhi; mai lamah bang hi lai ding i hei, ci ei kilah nai lo hi. Eite’ thei thu pen tami ahi hi: Ama ang kilah ciengin ama tawh i kibang ding uhi, bangzieh ahei cile eite in ama ahi bangin i mu ding uhi.

Kilaakna 21:3

Tuale kumpi topha panin awging ngai khat ka za a, “En in, mihingte lahah Pasien’ inn a om ta hi. Amau’ Pasien ahi dingin amate tawh ama a tengton ding hi; amate pen ama’ mite hi ding a, Pasien mama amate tawh a omton ding hi;

Kilaakna 21:7

A guolzo mite in tami nate luo ding a, tuaci’n kei pen amau’ Pasien ka hi ding a, amate, keima’ tate ahi ding uhi.