John 20:16 - Zo Bible

¹⁶ Jesu in ama kungah, “Mary!” a ci leh Mary zong kinua hei-in Hebrew hamin, Rabboni!” ci a, (tua khu Siepa a cinopna ahi hi).

LAISIENGTHOU CL Bible (BSI)

¹⁶ Jesu’n akungah, “Mari” achi a, amanu akihei a, akungah “Rabboni” achi hi. Tua pen Siepa china ahi.

Zokam International Version

¹⁶ Jesu in, "Mary" ci-in a sam hi. Ama lam nga-in amah kihei a Aram pau in, "Rabboni!" (Sia cihna) ci-in a awngkhia hi.

John 20:16 ပူးပေါင်းရင်းမြစ်များ

Piancilna 22:1

Tam thu teng zaw ciengin Pasien in Abraham a zelah hi. Ama in a kungah, “Abraham!” a ci hi. Tuale ama in, “Tanah om ing,” a ci hi.

Piancilna 22:11

Ahi vangin Topa’ vantungmi in vantung panin ama hlan a, “Abraham, Abraham!” a ci hi. Tuale ama in, “Tanah om ing,” a ci hi.

Piancilna 45:12

Tu-in keima in ka kam tawh na kung vua kang thugente noma’ mit le ka nau Benjamin’ mit in nei mu uhi.

Paikhiatna 3:4

A en dinga ama a peina Topa in a mu bepin Pasien in sawlpang kawm panin ama hlan a, “Moses, Moses!” ci hi. Ama in, “Tanah om ing,” a ci hi.

Paikhiatna 33:17

Topa in Moses kungah, “Nang ngetsa ngeingei ma kang bawlpieh ding hi; bangzieh ahei cile ka muna-ah maipha na nga zo ta a, na min tawh nang kang thei hi,” a ci hi.

Zailate’ Zaila 3:4

Nungsie’n sul bang’n kei ka hei leh ka sen ngaihno mel khu mu ing. Ka sen ngaihno nau bang kawi-ing, mim bang pienna tunnu sauhlim laikhun tung tuong ka tut masang, sam bang khen ding lungin gel maw’ng.

Zailate’ Zaila 5:2

Laikhun tungah saam bangin kei zal zong nanleng, khangthei lo ing, maimit sing maw’ng. Ngaidi vawi ven! ka senngai in dawngkot ei kiu. “Dawngkot hong in, duongkuoi lienu, ka sannem no, keima’ khuva lel banglo nu. Ka sumlu teng zing daitui in nomsah sieng ta, ka zangsam-ah zan daitui taa, tehlop sieng ta’ng,” ci-in tong lel.

Isaiah 43:1

Ahi vangin tu-in Jacob aw, nangma ang siempa, Israel aw, nangma ang bawlpa, Topa in tu-in tam bangin ci hi: Nang kang tat zo tah ziehin zau sin; na minin kang hlan zo ta a, nang pen keima-a’ na hi hi.

Matthew 14:27

Hinanle Jesu in thakhatin amate hopi a, “Na lungsim hangsah un, keima ka hi bo hi; zau sih un,” a ci hi.

Mark 10:51

Tua ciengin Jesu in ama kungah, “Bang kang bawlpieh ding na dei ei?” a ci hi. Mittaw pa in ama kungah, “Ka siepa aw, khuo ei musahkia in,” a ci hi.

Luke 10:41

Jesu in Martha kungah, “Martha aw, nang in lunghimawna na hau a, na lungsim a buoi hi.

John 1:38

Jesu zong kihei-in a nua a zui lam gel a mu ciengin, “Bang sui na hi vuoi?” a ci hi. Ama gel in, “Rabbi (tua pen Siepa a ci nopna hi), hei-a om na hei?” a ci uhi.

John 1:49

Nathanael in, “Rabbi aw, nang Pasien’ Tapa na hi hi! Israel kumpipa zong na hi hi!” ci-in a dawngkia hi.

John 10:3

Tunkot cingpa in ama kot honin tuute in ama’ aw a za uhi. Ama in tuute a min tawh hlanin a pusuopi hi.

John 11:28

Tam thu a gen zaw ciengin tua nu a kilekia a, a naunu Mary hlanin, “Siepa tanah om a, nang ang hlan hi,” ci-in a va dap hopi ta hi.

John 13:13

Kei pen Siepa le Topa nei ci vua, tua pen a man ahi hi, azieh pen nei ci bangun ka hi hi.

John 20:28

Thomas in, “Ka Topa le ka Pasien!” ci-in a dawng hi.

John 3:2

Zan lai-in Jesu kungah pei-in ama kungah, “Rabbi aw, nang pen Pasien kung pana ang pei siepa khat na hi lam kang thei uhi; azieh pen Pasien lo tawh na bawl tami limte koima in bawl thei lo hi,” a ci hi.

John 5:2

Jerusalem khuo-a Tuu Tunkot gei-ah Hebrew hamin Beth-zatha a kici buol tuikhuh khat om a, tua buol in talap nga nei hi.

John 6:25

Amate in tuipi galkhatah ama a mu ciengun ama kungah, “Siepa, bang hun a tasung na tung na hei?” a ci uhi.

Nasepte 10:3

Ama in nitah nai thum pawlin mang mu a, Pasien’ vantungmi khat pei-in ama kungah “Cornelius aw,” ci-in a hopina kicientahin a mu hi.

Nasepte 9:4

Leilahah ama puasuh a, “Saul, Saul aw, bangzieh a kei nei ci bawlsiet ahei?” ci-in awging khat a za hi.

1 Samuel 3:10

Topa pei-in tua tahah ding a, a masa lai-a bangin “Samuel! Samuel!” ci-in a hlan hi. Samuel in, “Gen in, na nasempa in a ngai hi,” a ci hi.

1 Samuel 3:6

Topa in, “Samuel!” ci-in hlankia hi. Samuel tho-in Eli kungah pei a, ama in, “Nei hlat ziehin tanah ka om hi,” a ci hi. Ahi vangin ama in, “Kang hlan sih hi, ka ta aw; lumkia in,” a ci hi.