John 2:24 - Zo Bible

²⁴ Ahi vangin ama lam panin Jesu in amate a muong sih a,

LAISIENGTHOU CL Bible (BSI)

²⁴ Hinanleh Jesu’n mizousie atheichien ziehin amaute lah ah akikaang koi hi.

Zokam International Version

²⁴ Ahi hangin Jesu in mi khempeuh thei ahi manin amaute tungah a ki-ap kei hi.

John 2:24 ပူးပေါင်းရင်းမြစ်များ

1 Kumpite 8:39

na tenna vantung panin za inlen ngaidam in. Tua ciengin amau’ gamtatna zosie tawh kizui-in amau’ lungsim na thei bangin hing bawl in. Azieh pen nangma beh in mihing lungsim na thei hi.

1 Khangthute 28:9

“Nang, ka tapa Solomon aw, na pa’ Pasien thei inlen, lungsim khat le lawpna lungtang tawh ama’ na sem in; azieh pen Topa in lungsim zosie sui a, gelna le ngaisutna zosie thei hi. Nang in ama na sui leh ama in nang ang mu ding a, ama na elngat leh ama in zong a tawntungin nang ang nuasie ding hi.

1 Khangthute 29:17

Ka Pasien aw, lungtang na sui a, thutangah na lungkim lam ka thei hi; ka lungsim dihna tawh tam sil zosie kang pie zo hi. Tu-in keima in nangma tungah suohta tah le kipahtaha ang pie, tam sunga om na mite ka mu zo hi.

Jeremiah 17:9

Adang na zosiete lahah lungsim khu a kawi pen ahi hi; kinahsiet mama hi - tua khu koi in thei zo ding ahei?

Matthew 9:4

Hinanle Jesu in a ngaisutna uh thei a, “Bang dingin gitlo lungsim ngaisun na hi uh ahei? a ci hi.

Mark 2:8

Jesu in amau’ ngaisutnate thakhatin thei pai ahi ziehin amate kungah, “Bang zieha na lungsim vua tam thute na ngaisut uh ahei?

John 1:42

Ama in Jesu kungah Simon peipi a, Jesu in ama enin, “Nang, John’ tapa Simon na hi hi. Cephas ang kici ta ding hi,” a ci hi. ( Peter ci-in kilet hi).

John 16:30

Tu-in na zosie na thei a, koima’ dawh kisam lo hi, ci ka thei tah ziehun, Pasien kung pana ang kipan na hi lam kang um ta uhi,” a ci uhi.

John 21:17

Ama in, “John’ tapa Simon aw, kei nei it ei mah?” ci-in a thumveina dong leuleu hi. “Nang in kei nei it ei mah?” ci-in thumvei a dawh ziehin Peter da mama a, tua ahi ziehin, “Topa, na zosie na thei a, ke’n nang kang it lam zong na thei hi,” a ci hi. Jesu in ama kungah, “Ka tuute na cing in.

John 4:16

Jesu in tua nu kungah, “Va pei-in na pasal va hlan ta’nlen tanah hing peikia in,” a ci hi.

John 5:42

Ahi vangin note in Pasien’ itna lungsim na nei lo uh ka thei hi.

John 6:15

Mite pei-in kumpi dinga a paumat ding uh Jesu in a thei bepin ama guohin muol tungah a geldap hi.

John 6:64

Ahi vangin note lahah a um lo pawlkhat a om hi,” a ci hi. Tua banga a ci theina pen Jesu in a cil a patin koite in um lo a, koite in ama lebawl ding ahei, ci thu a theisa ahi zieh ahi hi.

Nasepte 1:24

Tua ciengin amate in thu ngenin, “Topa aw, nangma in mi zosie’ lungsim na thei hi.

Nasepte 15:8

Mihingte’ lungtang sung a thei Pasien in eite tunga ei pieh bang lienin amate tungah zong Hlagau Siengtho a piehna tawh teci a pang zo hi.

Thupiakkikna 31:21

A tung vuah a zauhuoi gimna tampi a tun ciengin a langkhat vuah tami la teci-in a pang ding hi, azieh pen a suonlehlate’ kam sung panin tami la mangngil thei loin a om ding hi. Bangzieh ahei cile keima in amate pieh dinga ka ciemsa gamah ka tut masang, tu nangawnin zong bang bawl nuom uh ci ka thei hi,” a ci hi.

Hebrews 4:13

A mai-ah a kiselcip thei a kipiengsah na khat beh a om sih a, i thu tut nading pa mitmu ah na zosie a lie a dal om loin kilang sinsen hi.

Kilaakna 2:23

tuale keima in tua numei’ tate ka satlia ding hi. Tua ciengin hlattuom pawlpite zosie in kei pen lungsim le lungtang a sui pa ka hi lam ei thei ding vua, khat ciet tungah na gamtatna utawh kituohin kang thuhkia ding hi.

1 Samuel 16:7

Hinanle Topa in Samuel kungah, “A melpuoh ahi sihle a duong sanna lam en sin, azieh pen keima in ama ka nuol zo hi; bangzieh ahei cile Topa in mihingte’ mu bangin a mu sih hi; amate in a putham melpuoh dan en a, hinanle Topa in lungtang a en hi,” a ci hi.