John 15:12 - Zo Bible

¹² “Tami pen ka thupieh ahi hi, keima in note kang it bangin note zong khatlekhat khat na ki-it un.

LAISIENGTHOU CL Bible (BSI)

¹² “Tami ka thupieh ahi: Ken noute ka hing it bangin noute khat leh khat ki ittuo chiet un.

Zokam International Version

¹² Kong thupiak hih ahi hi: Note kong it bangin note khat le khat na ki-it thuk un.

John 15:12 ပူးပေါင်းရင်းမြစ်များ

Malachi 1:2

Note kang it hi, Topa in ci hi. Ahi vangin note in, “Kote bang nei ci it ei?” na ci uhi. Jacob’ sanggampa Esau hi lo amah? Topa in ci hi. Hizongle Jacob ka it a,

John 13:34

Note khatlekhat na ki-it nadingun keima in note tungah thupieh tha khat kang pie hi. Keima in note kang it bangin note zong khatlekhat na ki-it un.

John 15:17

Note khatlekhat na ki-it nadingun keima in tami thupieh kang pie hi.

Rome-te 12:10

khatlekhat na ki-it tuoh unlen ki-zatah bawlna lamah khatlekhat a sangzaw-in na kidem un.

Ephesa-te 5:2

Khris in eite ei itin, eite adingin Pasien tungah a namtui silpieh le biehpiehna dingin ama le ama a kipieh bangin itna sungah na nungta un.

1 THESSALONIKA 3:12

Note kang it bangun note khatlekhat na ki-itna ule mi zosie na itna uh Topa in hing khangsah taheh.

1 THESSALONIKA 4:9

Ahi vangin sanggam ki-itna tawh kisai-in mi khatpo in note tungah lai tawh ang giel ding na kisam nawn sih uhi, azieh pen khatlekhat na ki-it nadingun Pasien in note mama ang hil zo ta hi;

2 THESSALONIKA 1:3

Sanggamte aw, na upna uh nahpi tahin khangin khatlekhat na ki-itna uh zong khang semsem ahi ziehin, note adingin Pasien tungah lungdam ka ko zing ding uh a kilawm ahi hi.

1 Peter 1:22

Tu-in note itna tahtah tawh khatlekhat na ki-it thei nading ule na lungtang tawng panun khatlekhat na ki-it thei nadingun thuman thutah zuina tawh na hlagau uh na siensuo zo uhi.

1 Peter 3:8

A tawpna-ah, note in na unpi-un lungsim kihuolna, khuotuona, khatlekhat ki-itna, lungnemna, le lungsim kiniemkhiehna nei ciet un.

1 Peter 4:8

Tua teng zosie banah note khatlekhat nahpi tahin na ki-it un; bangzieh ahei cile itna in mawna tampite a selcip hi.

1 John 3:23

Ama’ thupiehna tami ahi hi. Ama’ tapa Jesu Khris’ min i up ding le ama’ ei sawlna bang lienin khatlekhat i ki it ding ahi hi.

1 John 4:21

Eite in ama tung panin tami thupieh i nei uhi: Pasien a itte in a sanggamte zong a it uh kul hi.

2 John 1:5

Ahi vangin numei aw, tu-in na kungah thupieh tha ang giel dan ka hi sih a, a kipat cil a kipan i neisa uh thupieh pen ma tawh khatlekhat ki-it bo vai ci-a ang thum ka hizaw hi.