John 1:45 - Zo Bible

⁴⁵ Philip in Nathanael mu a, ama kungah, “Moses in thukham laibu sunga a giel, kamsangte in zong a na giel Nazareth khuomi Joseph’ tapa Jesu i mu ta uhi,” a ci hi.

LAISIENGTHOU CL Bible (BSI)

⁴⁵ Philip in Nathanael amu a, akungah, “Mosi in dan laibu sunga atungtang thu ana gelpa guolneiten zong ana gel uh Nazareth Jesu Joseph tapa khu ka muta uhi,” achi hi.

Zokam International Version

⁴⁵ Philip in Nathanael a muh ciangin, "Moses in Thukham sunga ama thu a gelh, kamsangte in zong amah tawh kisai a na gelh uh, Joseph tapa Nazareth mi Jesu ka mu zo uh hi," a ci hi.

John 1:45 ပူးပေါင်းရင်းမြစ်များ

Piancilna 22:18

ka thu na ngai ziehin na suon na hlahte ziehin leitung minam zosie in thupha a ngalaw ding uhi.

Piancilna 3:15

Nang le numei kikal le na suonlehlahte le tua nu suonlehlahte kikalah kilangneina ka omsah ding hi; ama in na lutang ang tuoncil ding a, nang in ama’ ketul na tuhpieh ding hi,” a ci hi.

Piancilna 49:10

Ama tungah sieh le kaih a tun masang, mite in ama’ thu a man masangin, Judah panin kumpi ciengkhut le ama’ keng kikala uhpa’ ciengkhut kikhin lo ding hi;

Isaiah 4:2

Khum ni ciengin Topa’ bameng pen a melhoi-in minthang ding a, tuale leitang pana pieng gate pen a suohta lai Israel-te adingin a kisahtheipi ule a thupina uh hi ding hi.

Isaiah 53:2

Azieh pen ama singno dawng khat bang le lei gaw lahah hui a hla singzung bangin ama mai-ah ang khangdawh hi; eite’ et dingin ama in guong kilawm le thupina nei lo a, eite’ ipla thei dingin zong ama in melhoina bangma nei lo hi.

Isaiah 7:14

Tua ahi ziehin Topa mama in note tungah lim khat ang pie ding hi. En un, ngahnu khat gai-in tapa khat nei ding a, a min Immanuel kici ding hi.

Isaiah 9:6

Azieh pen eite adingin nausen khat ang suoh a, eite tungah tapa khat ei kipie hi; ama’ liengko tungah thuneina a om hi; ama pen, Lamdang Thu Kuppipa, Vanglien Pasien, Tawntung Pa, Kilemna Kumpipa, ci-in kiphuo hi.

Micah 5:2

Bethlehem Ephrathah aw, Judah bete lahah a neu pen na hi vangin, nang sung panin Israel a uh ding mipa khat ang pieng ding a, ama ang kipatna pen tangtawng ni masa lai ahi tabo hi.

Zechariah 6:12

Ama kungah tam bangin gen in: Vanglien Topa in tam bangin ci hi: Tami sungah a min Singba a kici mipa khat a om hi: azieh pen ama’ munah ba mengin Topa’ biehinnpi a lam ding hi.

Zechariah 9:9

Zion’ tanu aw, nahpi tahin kipah in! Jerusalem tanu aw, a gingin awng in! En in, thumanna le hutdamna ahi na kumpipa kiniemkhieh tahin laa tungah laapi’ ta laano tung tuongin na kungah ang pei hi.

Matthew 10:3

Philip le Bartholomew; Thomas le siehdongpa Matthew; Alphaeus’ tapa James, le Thaddaeus;

Matthew 13:55

Khutsiempa’ tapa hi lel lo amah? A nu zong Mary kici nu hi lo amah? A sanggamte zong khu James, Joseph, Simon le Judas ahi sih uh amah?

Matthew 2:23

Nazareth a kici khuo khatah tengin, “Ama Nazareth khuomi kici ding hi,” ci-a kamsangte’ genna a tangtun thei nading ahi hi.

Matthew 21:11

Mipite in, “Galilee gam Nazareth khuo pana kamsang Jesu ahi hi,” a ci uhi.

Mark 14:67

Mei awi-a na om Peter a mu bepin encien pai a, “Nang zong Nazareth mi Jesu tawh kipawl ngel vete aw,” a ci hi.

Mark 6:3

Ama pen khutsiempa Mary’ tapa hi lel lo amah? A sanggamte zong James, Joses, Judas le Simon-te hi lo uh amah? A nau numeite zong tanah eite tawh om hi lo uh amah?” a ci uhi. Tuale ama tungah a lungkim sih uhi.

Luke 18:37

Amate in, “Nazareth mi Jesu ang pei ahi hi,” ci-in a gen uhi.

Luke 2:4

Joseph zong David’ suon ahi ziehin Galilee gam Nazareth khuo panin Judea gam Bethlehem a kici David khuopi ah a pei hi.

Luke 2:48

A nu a pate in ama a mu ciengun, lamdang sa-in tuale a nu in, “Ka tano aw, bang dinga tam banga nei bawl ahei? En in, na pa tawh lunghimaw-in kang suisui uhi,” a ci hi.

Luke 24:27

Tua ciengin Jesu in Moses le kamsang zosie tawh thu pan a, ama tawh kisai Lai Siengtho sunga kigen zosie ama gel kungah a hilcien hi.

Luke 24:44

Tua ciengin Jesu in amate kungah, “Note tawh ka opton lai-a na kung vua kang gen, Moses’ thukham laibu sung, kamsangte laibu sung, le late laibu sunga kigiel keima’ thu zosie ang tangtung valon ding hi, ka ci pen tami thu ahi hi,” a ci hi.

Luke 3:23

Nasep a kipatin Jesu kum sawm thum bang pha a, ama pen (mite ngaituona-ah) Joseph’ tapa ahi a, Joseph pen Heli’ tapa,

Luke 4:22

Mi zosie in ama a genpha vua, a kam pana a pusuoh a kilawm ama’ kammal hoite lamdang sa uh ahi ziehin, “Tam pa Joseph’ tapa hi lo amah?” a ci uhi.

John 1:44

Philip pen Andrew le Peter-te’ khuo Bethsaida pan ahi hi.

John 12:21

Galilee gam Bethsaida khuomi Philip kungah amate haw-in, “Siepa aw, Jesu ka mu nuom uhi,” a ci uhi.

John 14:8

Philip in, “Topa aw, Pa ei lah in, tua hile ka lung a kim ding hi,” a ci hi.

John 18:5

Amate in, “Nazareth mi Jesu,” ci-in a dawng uhi. Jesu in, “Kei, ama ka hi hi,” a ci hi. Ama leheh pa Judas zong amate tawh a dington hi.

John 18:7

Jesu in, “Koi pen sui na hi vuoi?” ci-in a dongkia hi. Amate in, “Nazareth mi Jesu sui ka hi uhi,” a ci uhi.

John 19:19

Pilat in zong lai khat gielsahin, “Nazareth khuomi Jesu, Judah Kumpipa,” cisah a, singlamte tungah a suongsah hi.

John 21:2

Tua munah a kisutuo teng pen Simon Peter, a kopsuo kici Thomas, Galilee gam Cana khuomi Nathanael, Zebedee’ tapate, le a nuazui dang nite ahi uhi.

John 6:42

Amate in, “Tampa a nu le a pa i thei hi a, ama Joseph’ tapa Jesu hi lel lo amah? Tu-in ama in, ‘Vantung pana ang kumsuh ka hi hi,’ bang dinga a ci thei ahei?” a ci uhi.

John 6:5

Jesu a khuoda leh ama kung a zuon mihonpite mu a, tuaci’n ama in Philip kungah, “Tam mite neh ding an hei sungah i lei ding vuoi?” a ci hi.

John 6:7

Philip in, “Mikim in themkhat cietin a tan ding uh an lei nadingin hla guh thaman in zong cin lo ding hi,” ci-in a dawng hi.

Nasepte 10:38

Pasien in Hlagau Siengtho le vanglietna tawh Nazareth mi Jesu sathau a nu hi; ama pei kawikawi-in na hoi a sem a, dawi mangpa’ bawlsiet mi zosie a damsah hi, azieh pen ama tawh Pasien a omton hi.

Nasepte 2:22

“No, Israel-te aw, ka thugen ngai un: Note in na theisa ma bangun Nazareth mi Jesu pen Pasien in note lahah ama tungtawna a bawl vanglietna le na lamdangte, le limte tawh Pasien in a kipsah mi ahi hi.

Nasepte 22:8

Keima in, ‘Topa aw nang koi na hei?’ ci-in ka dong leh ama in keima kungah, ‘Na bawlsiet Nazareth khuomi Jesu ka hi hi,’ ei ci hi.

Nasepte 26:9

“Kei mama in Nazareth mi Jesu’ min langpanga na tampi sep ding kilawm hi, ci-in ka na ngaisun ngai hi.

Nasepte 3:6

Ahi vangin Peter in, “Ngun le kham ka nei poma sih hi, hizongle ka nei pen kang pie hi; Nazareth mi Jesu Khris’ min tawh ding inlen lam pei in,” a ci hi.