Job 5:12 - Zo Bible

¹² A khelpilte a lawcin lo nadingin, ama in a gelnate uh a suhsietpieh hi.

LAISIENGTHOU CL Bible (BSI)

¹² Aman mi lepchiete tupna, achimaw sah a, mi pilkhelte khut in lawchinna, amu sah sih hi.

Zokam International Version

¹² Amah in a zuaupilte geelna - khuta a sepna uh, a taksuak loh nadingin a dal hi.

Job 5:12 ပူးပေါင်းရင်းမြစ်များ

Piancilna 31:22

A ni thum ni-in Jacob a tai lam Laban kungah kigen hi.

2 Samuel 11:9

Ahi vangin a pupa’ nasem zosie tawh kumpipa’ kotpi gei-ah Uriah lumin a inn ah peisuh lo hi.

2 Samuel 17:14

Absalom le Israel mi zosie in, “Ahithophel’ thumop sangin Archi mi Hushai’ thumop hoizaw hi,” a ci uhi. Bang ding ahei cile Topa in Absalom tungah sietna a tunsah thei nadingin Ahithophel’ thumop khu a guolel mawng dinga Topa’ sesa ahi hi.

2 Kumpite 6:9

Ahi vangin Pasien’ mipa in Israel kumpipa kungah thu puoh a, “Aram-te ang peisuh ding ahi ziehin tami mun na nawh khah lo nadingun kidawm un,” a ci hi.

Nehemiah 4:15

Ka galte’ ei sawmna teng kote in ka thei lam ule Pasien in amau’ gelna teng a susiet zo lam amate in a zah ciengun, ka unpi-un ka nasepna uh kulpi cietah ka kuonkia uhi.

Nehemiah 4:9

Tuaci’n kohawn zong ka Pasien uh kungah thu ka ngen vua, amate a dal dingin sun le zanin galvil ka koi uhi.

Job 15:5

Azieh pen na khielna in na kam thu hil a, mi pilkhelte’ kam na teelzaw hi.

Phatna-late 21:11

Amate in nangma tungah gitlo sawmin, a hoi lote ang bawl sawm uleh a lawcing sih ding uhi.

Phatna-late 37:17

Azieh pen migilote’ baan kihliehtawng ding a, hinanle Topa in midihte a panpi hi.

Paunakte 21:30

Topa langkhatah pilna, thutheina, kithumopnate kimanna nei lo hi.

Paunakte 22:12

Topa’ mit in theina neite vil a, upna nei lote’ thugente a thalpai hi.

Isaiah 19:3

amate sungah Egypt-te’ lungsim hawmsuoh ding a, keima in amau’ gelna ka suhsietpieh ding hi; amate in milimte le misi hlate, dawi siemte le mibum theite thu a kuppi ding uhi;

Isaiah 37:36

Tua ciengin Topa’ vantungmi kuonin Assyria-te’ giephuol ah mihing tul za le sawmgiet le tulnga that hi; zingmawng khuovah ciengin amate a unpi-in misi luong vive na hi uhi.

Isaiah 44:25

zuothu gente’ hilkholna limte a susie pa, aisan siemte mimaw a suohsah pa; mipilte lehei kia-in, a theina uh motna a suohsah pa;

Isaiah 8:10

Thu kikumton un, hinanle bangma a matlap a om sih ding hi. Thu gen un, ahi vangin a kip tuom sih ding hi. Azieh pen kote tawh Pasien a omton hi.

Jeremiah 49:7

Edom Tungtang Thu. Vanglien Topa in tam bangin ci hi: Teman gamah pilna a om nawn sih amah? Mi pilvangte kung panin thukupna a tawp ta amah? Amau’ pilna a maimang sieng ta amah?

Jeremiah 8:8

Bangci bangin note in, “Ko ka pil vua, kote tawh Topa’ thukham a om hi,” ci thei na hi uh ahei? A zuouthei laitheite’ laikung in bang hunin tua thukham khu zuouthu suohsah ta uh ahei?

Obadiah 1:8

Khum ni ciengin keima in Edom sung panin mipilte le, Esau’ Muol tung panin theitelna ka sumang ding hi, Topa in a ci hi.

Nasepte 12:11

Tua ciengin Peter khuophawh a, “Tu-in Topa in a vantungmi sawlin, Herod’ khut sung pan le Judah-te’ kinepna zosie sung panin ei hunkhie zo hi, ci thu ka theicien ta hi,” a ci hi.

1 Samuel 23:13

Tua bepin David le a mite zaguh tang khat dingdawhin Keilah a nuasie uhi; a pei theina popo vuah a pei uhi. Keilah panin David a suotahna thu Saul kungah a kigen ciengin ama in a vai a khawl phot hi.