Jeremiah 50:36 - Zo Bible

³⁶ Amate mimaw a suo thei nadingin a aisante uh lang khatah namsau khat a pang hi! Amate a kisuhsiet nadingin namsau khat in a galhangte lang khatah a pang hi!

LAISIENGTHOU CL Bible (BSI)

³⁶ A phunsante uh douin namsau a leeng hi, mi mo asuoh theina dingun! amihatte uh dou in namsau aleeng hi, amaute suhsiet ahi theina dingun.

Zokam International Version

³⁶ A kamsang zuaute langkhat ah, namsau khat a pang hi! Amaute mihai a suak ding uh hi. Ama galhangte langah namsau khat a pang hi. Amaute lau mahmah ding uh hi.

Jeremiah 50:36 ပူးပေါင်းရင်းမြစ်များ

2 Samuel 15:31

David kungah, A sawmsim mite lahah Ahithophel zong Absalom tawh kipawl hi,” ci-in kigen hi. David in, “Topa aw, kang thum hi. Ahithophel’ thumopte motna-in na heipieh in,” a ci hi.

2 Samuel 17:14

Absalom le Israel mi zosie in, “Ahithophel’ thumop sangin Archi mi Hushai’ thumop hoizaw hi,” a ci uhi. Bang ding ahei cile Topa in Absalom tungah sietna a tunsah thei nadingin Ahithophel’ thumop khu a guolel mawng dinga Topa’ sesa ahi hi.

2 Khangthute 25:16

Ahi vangin ama in thu a gen laitahin kumpipa in ama kungah, “Kumpipa’ thu kuppi pa dingin nang kang koi uh amah? Khawl in! Bang dinga nang hing kithat ding ahei?” a ci hi. Tuaci’n kamsangpa zong khawl a, hinanle ama in, “Nangma tam bang gamta-in kang thu kuppina na ngai lo ziehin Pasien in nangma ang suhsiet ding a lungsim sungah a khensatna ka thei hi,” a ci hi.

Isaiah 43:14

Israel-te’ Siengtho Pa, note ang Tanpa Topa in tam bangin ci hi: Note ziehin Babylon ah ka sawl ding a, amate in khuopi kotgol zosie a kuoitanin tuale Chaldea-te’ kikona awging pen kaana kisuohsah ding hi.

Isaiah 44:25

zuothu gente’ hilkholna limte a susie pa, aisan siemte mimaw a suohsah pa; mipilte lehei kia-in, a theina uh motna a suohsah pa;

Jeremiah 48:30

Ama’ thangpaina kei mama in ka thei a, a kisielnate zuoupi ahi a, a sil bawlte zong zuoupi ma ahi hi, Topa in ci hi.

Jeremiah 49:22

En in, muvanlai bangin ama lengto-in Bozrah tungah a hla zahin bawhsuh ding a, tua ni ciengin Edom galhangte’ lungsim, numei nausuoh dingte’ lungsim tawh kibang ding hi.

Jeremiah 50:30

Tua ahi ziehin a khuolai tengah a tangvalte pua-in, khum ni ciengin a galkap zosie zong kisusie ding hi, Topa in ci hi.

Jeremiah 51:23

nang tawh tuucingpa le a tuuhonte ka sat guoi hi; nang tawh lo nei pa le a pawlte ka sat guoi hi; nang tawh gam uhte le a khut nei-a uliente ka sat guoi hi.

Jeremiah 51:30

Babylon galhangte gal kido khawlin, a mun muonhuoi sung vuah a om ta uhi; a thahatna uh tawp sieng a, numei tawh a kibang uhi; a innte uh mei tawh kihal a, khuopi tunkotgol sietawnte a tawngsan sieng hi.

Jeremiah 51:32

Tanmunte kila zo a, zang phaite kihaltumin, galkapte a patau uhi.

Nahum 2:8

Nineveh khuopi pen a tuite a kang sieng buol tawh kibang hi. “Khawl un! Khawl un!” a kici vangin koima kinuahei lo hi.

Nahum 3:13

Na galkapte en in: Na mai-ah amate numei ahi uhi. Na galte adingin na gam tunkotte a kigol hon mama hi; na tunkotgolh zawlte mei in a katum ta hi.

Nahum 3:7

Tua ciengin ang mu zosie nuakinin, “Nineveh khuopi kisie ta hi; koi in ama a kaa ta ding ahei? Ang henem ding mi hei-ah sui ding ka hei?” ci ding uhi.

1 Timothy 4:2

Tam banga thuhilna pen sia-emsa tawh a lungsim uh a kihalgawsa zuou thugente’ kineitawmna tungtawna ang pieng ahi hi.

1 Timothy 6:4

a kihisah ahi a, bangma thei lo mi ahi hi. Tua bang mi poma thu kiselna le kinielna lamah lunggulna man lo a neite ahi uhi. Tua teng panin kithangsietna, kihauna, kigensietna, a hoi lo lama ki-upmawnate,

Kilaakna 19:20

Tua gamsa le ama opna munah na lamdangte bawlna tawh gamsa ciemtena a nga mite le ama’ lim a biete a sol kamsang zuoupa tawh ama a kiman ton hi.

Kilaakna 21:8

Ahi vangin a meipuote, upna nei lote, a lampielte, tuolthatte, numei-pasal pahtatte, aisante, milim biete, le zuou thugen zosiete om nading mun pen sina ahi kaat tawh kihalna mun meilipi sung hi ding a, tua pen sina nina ahi hi,” ei ci hi.

Kilaakna 22:15

A pulamah uite, bum tawite, numei-pasal pahtatna bawlte, tuolthatte, milim biete, le zuouphuo nuomsa-in zuouthu gente zosie a om uhi.