Jeremiah 44:23 - Zo Bible

²³ Note in biehnate halin, Topa’ tungah maw-in, Topa’ thu mang loin ama’ thukhamte le a ngainate na zui lo ziehun, tuni donga a om bangin note tungah tam gimnate ang tung ahi hi,” a ci hi.

LAISIENGTHOU CL Bible (BSI)

²³ Gimnamtui na hal zieh u’leh, Mangpa tunga na khelzieh u’leh Mangpa kamsuoh na zuilou ua, adante, athuguotte leh athutheisahnate na zuilou ziehun, tuni a banga, na tung ua sietna hing tung ahi,” achi hi.

Zokam International Version

²³ Gimnamtui halin TOPA tungah note na mawh uh a, a thu mang loin ama thukham na zui kei uh a, a thukipte le a ngeina gualhsate zui lo na hi manun tu-a na muh bangun no tungah hih gimna hong tung ahi hi," a ci hi.

Jeremiah 44:23 ပူးပေါင်းရင်းမြစ်များ

1 Kumpite 9:9

Tua ciengin amate in, “Egypt gam panin a pu a pate a peipi Topa a Pasien uh taisanin pasien dangte a pom vua, amate in tuate bie-in a na a seppieh zieh uh ahi hi; tua ahi ziehin amate tungah Topa in tam gimna a tunsah ahi hi,’ ci ding uhi,” a ci hi.

2 Kumpite 17:15

Amate in ama’ thukhamte le a pu a pate tawh a bawlsa a thuciemna le amate tunga a pieh hilkholnate a thusim sih uhi. Amate in milim zuoute nuazui-in mizuou a suoh uhi; amate bangin gamta sih un ci-in Topa in a thupieh tawh kisai-in, amate in a kim a pam vua om minamte a zui uhi.

2 Khangthute 36:16

hizongle mite tungah Topa’ lungthahna tungin a kidamsah zo lo ding za dongin Pasien’ kamtaite nuisatin, amau’ kammalte a na simmaw vua, amate in kamsangte zong a na zapi den uhi.

Nehemiah 13:18

Na pu na pate uh tam banga a na gamtat ziehun i Pasien in eite tung le tam khuopi tungah tam bang gimna zosie ang tunsah hi lo amah? Tua hi napi-in note in sabbath buasahna tawh Israel tungah lungthahna na tut be uhi,” ka ci hi.

Phatna-late 119:136

Na thukham a kizui lo ziehin ka hlitui hawh luon bangin a luong hi.

Phatna-late 119:150

Gitlona ngimna tawh kei ei bawlsiete in kei ei neh uhi; na thukham tawh amate a kigamla mama uhi.

Phatna-late 119:155

Amate in na thukhamte a sui lo ziehun, migilote kung panin hutdamna a gamla om hi.

Phatna-late 78:10

Amate in Pasien’ thuciemna a zui sih vua, ama’ thukham tawh kituohin amate a gamta nuom sih uhi.

Phatna-late 78:56

Hinanle amate in Sangpen Pasien zelahin ledo uhi. Amate in ama’ thupieh a zui sih vua,

Jeremiah 26:4

Nangma in amate kungah tam bangin na gen ding hi: Topa in tam bangin ci hi: Note in ka thu ngai loin na mai-vua kang koipiehsa ka thukham bangin na gamtat sih vua,

Jeremiah 40:3

Tu-in a thu mang loin Topa tungah maw zo na hi ziehun, Topa in tam thute tungsahin a gensa banga a bawl ahi hi. Tua ahi ziehin note tungah tam bang thu ang tung ahi hi.

Jeremiah 44:10

Tuni dongin amate in kisiakiana lungtang ahi a, zauna lungtang ahi zongin nei loin, note le na pu na pate uh mai-a kang pieh ka thukham le ka ngainate a zui sih uhi.

Jeremiah 44:18

Ahi vangin vantung kumpinu kungah biehnate le dawn thei biehnate sunna ka bawl lo vua kipanin bangkim ka kitasam vua, namsau le kielpi-in ka sigam ta uhi,” a ci uhi.

Jeremiah 44:2

Israel’ Pasien, Vanglien Topa in tam bangin ci hi: No mama in Jerusalem le Judah khuo zosie tunga ka tunsah gimna na mu zo ta uhi. Amate en un; tuni-in tua khuote ah koima teng loin gamdai a suoh ta hi,

Jeremiah 44:21

“Judah khuopite le Jerusalem gawldung lahah note le na pu na pate uh, na kumpite uh, na uliente vua kipanin gam sung mi zosie in biehna na bawlte uh Topa in a phawh kha lo ahi amah?

Jeremiah 44:3

azieh pen amate in ahi a, note in na hi vua, na pu na pate un ahi zongin a thei ngai lo uh pasien-te’ na semin a kung vuah biehnate tawi-in gitlona a bawl ziehun keima ei thangpaisah uhi.

Jeremiah 44:8

Bang dinga na ten nading vua na zot uh Egypt gamah na khut utawh na bawlsa uh pasien dangte kungah biehnate tawi-in ei lungthahsah na hi uh ahei? Note kisumaimangin leitunga minamte lahah simmaw le samsiet suoh ding na hi uh amah?

Tamlawhna 1:8

Jerusalem, nahpitahin maw a, tuaci’n mite’ simmaw a thuoh hi. Ama zahtah zosie in a guohtanga a op a mu ziehun ama a thuse ta sih uhi; ama le ama a tau vangut a, ama in a mai a lehei hi.

Daniel 9:13

Moses’ thukham sunga a kigiel bang lienin tam tuosietna teng zosie kote tungah ang tungzo ta hi. Kote in ka khielnate uh taisanin, ama’ thumanna ka lungngai thei nadingun Topa ka Pasien uh kungah hepina ka ngen sih uhi.

1 Corinth-te 10:20

Hi lo hi, ka gen nop thu in, lawkite’ kithoina pen dawite tunga a kithoina uh ahi bo a, Pasien tunga a biehpiehna uh ahi sih hi. Dawite tawh na kipawl ding uh ka dei sih hi.

2 Corinth-te 6:16

Pasien’ biehinnpi in milimte tawh bang kithukimna nei ahei? Bangzieh ahei cile eite pen a hing zing Pasien’ biehinnpi i hi uhi. Pasien in, “Amate sungah tengin a lah vuah ka vah ding a, amau’ Pasien hi-in, amate keima’ mi ahi ding uhi.