Jeremiah 41:2 - Zo Bible

² Babylon kumpipa in tua gam sungah ama gam uhpa-in a koi ziehin Nethaniah’ tapa Ishmael le tua mi sawmte a dingto vua, Shaphan’ tapa Ahikam, a tapa Gedaliah-te namsau tawh satpua-in a that uhi.

LAISIENGTHOU CL Bible (BSI)

² Tuachi’n Nathaniah tapa Ishmael leh akunga um mi sawmte ading doh ua, Babilon leengpa’n gam sung uhpipa dinga aguot Shaphan tapa, Ahikam tapa Gedaliah namsau in asat ua, athatta uhi.

Zokam International Version

² Nethaniah tapa Ishmael le amah tawh a om khawm mi sawmte dingto uh a, Shaphan tapa Ahikam tapa Gedaliah namsau in sattukin, Babylon kumpipa in tua gam uk dinga a koihpa a that uh hi.

Jeremiah 41:2 ပူးပေါင်းရင်းမြစ်များ

2 Samuel 3:27

Hebron ah Abner a kilekia ciengin Joab in kituom hopi dingin tunkot phung lamah ama zawpi a, tuale ama in a gil a sutpieh hi. Tuaci’n Joab’ sanggampa Asahel’ sisan luonna ziehin ama a si hi.

2 Kumpite 25:25

Ahi vangin a hla sagina a cin ciengin kumpipa innkuon sung panin Elishama’ tapa Nethaniah, a tapa Ishmael mihing sawm tawh kuon a, Gedaliah le Judea-te le Mizpah-a ama tawh a omton Chaldea-te simin that hi.

Phatna-late 109:5

Tuaci’n amate in kei tungah hoina sietna tawh, itna mudana tawh ei thuhkia uhi.

Phatna-late 41:9

Ka muon ka lawm it pa, keima’ an a ne pa nangawnin a aaketul tawh keima ei peh kawi viel hi.

Jeremiah 40:14

ama kungah, “Ammon kumpipa Baalis in nangma that dinga Nethaniah’ tapa Ishmael ang sawl lam a thei kha vawt lo na hi amah?” a ci uhi. Ahi vangin Ahikam’ tapa Gedaliah in amate a tahsang sih hi.

Jeremiah 40:16

Ahi vangin Ahikam’ tapa Gedaliah in Kareah’ tapa Johanan kungah, “Tua bang silte bawl vet sin; bang ding ahei cile Ishmael tungtang zuouthu na gen hi,” a ci hi.

Jeremiah 40:5

Na op den dinga ahile Babylon kumpipa in Judah gam khuopi zosie ah a uhte dinga a koi Shaphan’ tapa, Ahikam, a tapa Gedaliah kungah kilekia inlen, ama tawh mite lahah teng in.; na ten nop sih leh lah na pei nopna popo ah kipei lel in.

Jeremiah 40:7

Babylon kumpipa in gam uhpa dingin Ahikam’ tapa Gedaliah a koi thu le Babylon ah sala kipeipi lo pasalte, numeite, le gam sunga mizawng pente ama’ khutah a piehna thu, gam lahah a om galkapmangte le a galkap zosie in a zah ciengun,

Jeremiah 40:8

Mizpah-a Gedaliah kungah amate a pei vua- Nethaniah’ tapa Ishmael, Kareah’ tapa Johanan, Tanhumeth’ tapa Seraiah, Netophah-te ahi Ephai’ tate ahi Maacath-te’ tapa Jezaniah-te le a galkapte a pei uhi.

Jeremiah 41:3

Ishmael in Mizpah ah Gedaliah tawh a omton Judah mi zosie le tua sunga a om Chaldea galkapte zong that hi.

John 13:18

Na unpi vua ang gen ka hi sih hi; keima in ka teelsa mite ka thei hi. Ahi vangin tami pen Lai Siengtho sungah, ‘Ka an a ne mipa in a aketul tawh ei peh hi,’ ci-a a kigen thu a tangtun thei nading ahi hi.