Jeremiah 40:15 - Zo Bible

¹⁵ Tua ciengin Kareah’ tapa Johanan in Mizpah-a om Gedaliah hopi dap a, “Nei hepina tawh ei peisah inlen, Nethaniah’ tapa Ishmael ei thatsah in, koima in thei lo ding hi. Nangma ang bel na kimvela om Judah mite zosie kithezahin a omlai Judah mi themkhatte zong a cigam nadingin bang dinga ama in nang ang tha laizang ding ahei?” ci-in a dap hopi hi.

LAISIENGTHOU CL Bible (BSI)

¹⁵ Tuachi’n Kareah tapa Johanan in Mizpah khuo a Gedaliah kungah guhsim in agen a, “Hepitahin hing peisah inlen, Nethaniah tapa Ishmael kava that dinga, koiman athei sih ding hi. Bangzieh a aman nang ahing tha a, na kunga kikhawm Judate zousie akithethang ua, tualeh Juda mi umsunte abeimang ding uh chi’n agen hi.”

Zokam International Version

¹⁵ Tua ciangin Kareah tapa Johanan in Mizpah a om Gedaliah, amah kia a om laitakin hopih a, "Pai-in Nethaniah tapa Ishmael hong thatsak in, kuamah in hong thei lo ding hi. Bang hangin amah in nang hong thatin nang hong beel na kim na pama om Jew-te khempeuh kithehthangsakin Judah a, a baanglaite mangthangsak ding ahi hiam?" a ci hi.

Jeremiah 40:15 ပူးပေါင်းရင်းမြစ်များ

2 Samuel 18:3

Ahi vangin mite in, “Nang, nang kuon sih ding hi. Azieh pen kote tai uleng amate in khawh ei sa lo ding hi. Mi alang khat si nan uleng zong khawh ei sa tuom lo ding uhi. Ahi vangin kote mi tulsawm za-in nang na manpha hi; tua ahi ziehin ei hu ding khuopi panin mi hing sawl lacin hoizaw hi,” a ci uhi.

2 Samuel 21:17

Hizongle ama hum dingin Zeruiah’ tapa Abishai pei a, Philistia mipa simin that hi. Tua ciengin ama tungah David’ mite kiciemin, “Israel’ meivah na suhmit lo nadingin ko tawh galdo dingin nang kuon nawn sih ding hi,” a ci uhi.

Job 31:31

Ka puonbuh sunga omte in, ‘Luohsuoh vawtin a sa kineh lei izaw!’ a ci uhi.

Jeremiah 40:8

Mizpah-a Gedaliah kungah amate a pei vua- Nethaniah’ tapa Ishmael, Kareah’ tapa Johanan, Tanhumeth’ tapa Seraiah, Netophah-te ahi Ephai’ tate ahi Maacath-te’ tapa Jezaniah-te le a galkapte a pei uhi.

Jeremiah 42:2

kamsangpa Jeremiah kungah, “Hepina tawh kote thumna ei ngai inlen, ko a omlaite adingin Topa na Pasien kungah thu ei ngetpieh in. Bangzieh ahei cile na mit tawh nei mu bangin mi tampi lah panin themno khat beh ei kinuasie ta bo hi.

John 11:50

Minam buppi khat a kisiet lo nadingin mi tampi tanga mi khat a si pen note adinga a hoizaw ahi lam na thei sih uhi,” a ci hi.

1 Samuel 24:4

David’ mite in ama kungah, “Topa in, ‘Na khut sungah na galpa kang pie ding a, pha na sah bangin ama tungah na bawl ding hi,’ ei ci ni khu tuni ahi ta hi,” a ci uhi. Tua ciengin David pei-in Saul’ puontuol tep a dap tanpieh hi.

1 Samuel 26:8

Abishai in David kungah, “Tuni-in Pasien in na khut sungah na galpa ang pie zo ta hi; tua ziehin tu-in teipi-in khatvei beh hing khaw vangin lei tawh hing kiltha vang; ni vei khaw ding kisam lo hi,” a ci hi.