Jeremiah 37:3 - Zo Bible

³ Kumpi Zedekiah in kamsangpa Jeremiah kungah Shelemiah’ tapa Jehucal le Maaseiah’ tapa siempu Zephaniah sawl a, “Kote adingin Topa ka Pasien uh kungah hepina tawh thu ei ngetpieh in,” cisah hi.

LAISIENGTHOU CL Bible (BSI)

³ Tualeh leengpa Zedekiah in guolnei Jeremiah kungah Shelemiah tapa Jehukal leh siempu Ma-aseiah tapa Zephaniah asawl a, “Mangpa i Pasian kungah kou a ding tuin thungen in,” achi hi.

Zokam International Version

³ Bangbang ahi zongin kumpipa Zedekiah in kamsangpa Jeremiah kiangah Shelemiah tapa Jehucal le Maaseiah tapa siampipa Zephaniah sawla: "Hong hehpihna-in ka Pasian uh TOPA tungah kote adingin thu hong ngetsak hen," a cisak hi.

Jeremiah 37:3 ပူးပေါင်းရင်းမြစ်များ

1 Kumpite 13:6

Kumpipa in Pasien’ mipa kungah, “Ka khut a ngai a bah thei nadingin tu-in kei dingin thu ei ngetpieh inlen, Topa na Pasien’ maipha ka nga thei nadingin zong ei thumpieh in,” a ci hi. Tuaci’n Pasien’ mipa in Topa tungah a thumpieh hi; tuale kumpipa’ khut damin a ngai bangkia hi.

Paikhiatna 10:17

Tu tung tami ka mawna ei maisah in. Ama in ka kung panin tami sina a lah nadingin na Topa Pasien kungah thum in,” a ci hi.

Paikhiatna 8:28

Tuaci’n Pharaoh in, ”Gamlapi-ah na pei sih ding po uleh gam lahah Topa na Pasien uh tungah biehna lui dingin kang peisah ding hi. Kei adingin thu ei ngetpieh in,” a ci hi.

Paikhiatna 8:8

Tua ciengin Pharaoh in Moses le Aaron hlanin, “Kei le ka mite kung panin uphawhte a lah nadingin Topa kungah thu ngen un. Topa kungah biehna lui dingin mite ka peisah ding hi,” a ci hi.

Paikhiatna 9:28

Topa kungah thum un! Pasien’ vanto le giel kicing zo ta! Kang peisah ta ding vua, na thaam uh a ngai nawn sih hi,” a ci hi.

Jeremiah 15:11

Topa in tam bangin gen hi: Nangma hoi nadingin na hinkhuo ah kang kisungthaw valon ding a, hahsat hun le lungdon hunin na galte in nangma kungah kang thumsah valon ding hi.

Jeremiah 2:27

Amate in singkung khat kungah, “Nang ka pa na hi hi,” a ci vua, suongtum khat kungah, “Ei piengsah pa na hi hi,” a ci uhi. Bangzieh ahei cile amate in kei ei maingat loin, ei nuangat uhi. Ahi vangin hamsat a tuo uh ciengin, “Hing pei inlen ei hun in!” ei ci veve uhi.

Jeremiah 29:21

Keima’ min tawh note kunga zuouthu ang hil Kolaiah’ tapa Ahab le Maaseiah’ tapa Zedekiah-te tawh kisai-in Israel’ Pasien, Vanglien Topa in tam bangin a gen hi: Babylon Kumpipa Nebuchadnezzar’ khutah amate ka pie ding a, ama in na muna vuah amate that ding hi.

Jeremiah 29:25

Vanglien Topa Israel’ Pasien in tam bangin ci hi: Nangma in na min tawh Jerusalem-a om mi zosie, Maaseiah’ tapa siempu Zephaniah le siempute zosie tungah lai na hlah a,

Jeremiah 37:17

Tua ciengin kumpi Zedekiah in ama hlansahin ama a kimupi hi. Kumpipa in a inn sungah thu dongdap a, tuale ama in, “Topa tung panin thu khatpo a om ei mah?” ci hi. Jeremiah in, “ Om ma ei!” a ci hi. Tua ciengin ama in, “Nang pen Babylon kumpipa’ khut sungah ang kipie ding hi,” a ci hi.

Jeremiah 37:7

Israel’ Pasien, Topa in tam bangin ci hi: Kei kunga thu ang dongsah Judah kumpipa kungah, nang ang hu dinga ang pei Pharaoh’ galkapte amau’ gam Egypt ah a kilekia ding uhi, ci-in na ni gelin na va gen ta ding uhi.

Jeremiah 38:1

Tu-in Mattan’ tapa Shephatiah, Pashhur’ tapa Gedalaiah, Shelemiah’ tapa Jehucal, le Malchiah’ tapa Pashhur-te in Jeremiah in mi zosie tunga a gen thute a za vua,

Jeremiah 42:1

Tua ciengin galkapmangte zosie, Kareah’ tapa Johanan, Hoshaiah’ tapa Azariah, le a neupen pan a golpen dongin mi zosie in ama lam a neh vua,

Jeremiah 42:20

Note in a siehuoi khielna na bawl zo ta uhi. Azieh pen Topa na Pasien uh kungah nei sawl vua, ‘Topa i Pasien uh kungah thu ei ngetpieh inlen, Topa ka Pasien un ang gen popo ko kungah ei gen inlen, kote in ka sem ding uhi,’ nei ci uhi.

Jeremiah 52:24

Kumpi cing galkapmangpa in siempupi pa Seraiah, siempu lien a nina Zephaniah, le kotpi cing thumte a kaimang hi;

Misimna 21:7

Moses kungah mite pei-in, “Topa le nangma hing langpangin kampau kha ka hi ziehun ka maw uhi. Ka kung panun tam gulte a lah dawh nadingin Topa tungah thungen in,” a ci uhi. Tuaci’n Moses in mite adingin thu ngen hi.

Nasepte 8:24

Simon in, “Na thugen khat beh ka tunga ang tun lo nadingin Topa kungah thu ei ngetpieh in,” a ci hi.

1 Samuel 12:19

Mi zosie in Samuel kungah, “Na nasemte ka si lo nadingun Topa na Pasien tungah thu ei ngetpieh in; azieh pen ka mawnate uh banah koma adingin kumpi khat ka nget ziehun sietna ka belap lailai uhi,” a ci uhi.