Jeremiah 36:26 - Zo Bible

²⁶ Tuale kumpipa in thuvanpi pa Baruch le Jeremiah-te man dingin kumpipa’ tapa Jerameel, Azriel’ tapa Seraiah le Abdeel’ tapa Shelemiah-te thu a pie hi. Ahi vangin Topa in ama gel a phuol hi.

LAISIENGTHOU CL Bible (BSI)

²⁶ Ngaikhiet pieh nahsangin, Lengpa’n Hamalek tapa Jarahmeel leh Azriel tapa Seraiah leh Abdeel tapa Shelemiah, laigielpa Baruk leh guolnei Jeremiah man dingin thu apie a, hinanleh Mangpa’n amauh aphuolmangta hi.

Zokam International Version

²⁶ A man sangsikin kumpipa in laithei Baruch le kamsangpa Jeremiah man dingin kumpipa tapa khat Jerahmel, Azriel tapa Seraiah le Abdeel tapa Shelemiah a sawl hi. Ahi hangin TOPA in amaute a seel hi.

Jeremiah 36:26 ပူးပေါင်းရင်းမြစ်များ

1 Kumpite 17:3

“Tam mun panin pei-in nisuona lamah kihei inlen, Jordan’ nisuona lam Cherith Lui-ah kiphuol in,” a ci hi.

1 Kumpite 17:9

“Tu-in Sidon mite’ khuo Zarephath ah pei inlen khumnah va teng ta’n; azieh pen nang ang va dingin meigong numei khat thu ka pie zo hi,” a ci hi.

1 Kumpite 18:4

Jezebel in Topa’ kamsangte a tha lai-in Obadiah in kamsang zakhat zawpi a, sawm nga ta-in leihawm sung khatah phuolin an le tui tawh a va hi.)

1 Kumpite 19:10

Ama in, “Vanglien Pasien, Topa adingin ka pawnthaw mama hi; azieh pen Israel-te in na thuciemna nuasie-in na maitamte a paimang vua, namsau tawh na kamsangte a that sieng uhi. Kei ngentang ka om ta bo a, keima zong tha dingin ei sui lai vaset uhi,” ci-in a dawng hi.

1 Kumpite 19:14

Ama in, “Vanglien Pasien Topa adingin ka pawnthaw mama hi; azieh pen Israel-te in na thuciemna nuasie-in na maitamte a paimang vua, namsau tawh na kamsangte a that uhi. Kei ngentang ka om tabo a, kei nangawn zong tha dingin ei sui lai vaset uhi,” a ci hi.

1 Kumpite 22:26

Tua ciengin Israel kumpipa in, “Micaiah man unlen khuopi uhpa Amon le kumpipa’ tapa Joash kungah puohkia ta un.

2 Kumpite 11:2

Ahi vangin Ahaziah’ sanggamnu Kumpi Joram’ tanu Jehosheba in Ahaziah’ tapa Joash man a, tha dinga kikoi kumpipa’ tapate lah pan gumang hi; tua nu in lupna khan khatah ama le a cingnu koi hi. Tua bangin ama a kitha lo nadingin Athaliah’ mu loin tua nu in ama a phuoldap hi;

2 Khangthute 18:26

tuale ama in, ‘Kumpipa in tam bangci hi: Tam mipa thong sungah khum unlen, lungnuom taha kang kilekia masangsie an le tui na gieutausah un, ci hi,’ ci un,” a ci hi.

Phatna-late 105:15

“Ka sathau nusa mite sukha sih un; ka kamsangte zong bawlsie sih un,” ci hi.

Phatna-late 121:8

Topa in tu huna kipan a tawntungin na sungtum na pusuona-ah nangma ang kem ding hi.

Phatna-late 27:5

Azieh pen ama in hahsat hunin a buh sungah ei phuol ding hi; ama in a puonbuh khuna nei-ah kei ei humbih ding hi; ama in suongpi khat tungah keima ei sangkoi ding hi.

Phatna-late 32:7

Nang pen kei adingin ka kibuhna mun na hi hi; nang in buoina panin kei nei kem hi; hutkhiet lungdamna kikonate tawh kei nei kimkot hi. Selah

Phatna-late 57:1

Kei ei khuotuo in Pasien aw, ka hlagau in nang ang belh ziehin kei ei khuotuo in; sietna huipi a ven dongin, na hla lim nei kang bel ding hi.

Phatna-late 64:2

Migilote’ sawmdapnate, sietna bawlte’ vaihawmna,

Phatna-late 91:1

Sangpen Pa’ liena sungah tengin, Vanglienpa’ hlim a bel nangma in,

Isaiah 26:20

Ka mite aw, hing pei-in na innkhan sungah lut unlen, kot kikhalu un; lungthahna a ven masangin bakhat sung kiphuol phot un.

Jeremiah 1:19

Amate in nang ang do ding uhi; hinanle ang zo sih ding uhi, azieh pen nang ang hunkhie dingin kang ompi ding hi, Topa in ci hi,” ei ci hi.

Jeremiah 2:30

A thu om lo pi-in na tate uh dan ka pie hi; amate in sapna a sang tuon sih uhi. A gilkiel humpi bangin na namsau un na kamsangte uh thatgam zo hi.

Jeremiah 26:24

Ahi vangin Shaphan’ tapa Ahikam in Jeremiah a panpi ziehin tha dingin mite’ khut sungah kipie lo hi.

Jeremiah 36:19

Tua ciengin uliente in Baruch kungah, “Nang le Jeremiah pei-in kiphuol unlen, na opna uh koima theisah sih un,” a ci uhi.

Jeremiah 36:5

Jeremiah in Baruch thupie a, “Topa’ biehinnpi sungah kei ei kilutsah nawn lo hi;

Jeremiah 38:6

Tuaci’n amate in Jeremiah manin thong huong sunga om kumpipa’ tapa Malchiah’ tuikhuh sungah a paimang vua, khau huol tawh Jeremiah a khiesuh uhi. Tua tuikhuh sungah tui na om loin buon beh na om a, tuale buon lahah Jeremiah a tumsuh hi.

John 11:57

Azieh pen siempu liente le Pharisee-te in Jesu a mat thei nadingun Jesu’ opna a thei na op uleh ei hil ta un,’ ci-in thupiehna a nei zo uhi.

John 7:32

Ama tungtang mipite phunna Pharisee-te in a za vua, tuale siempu liente le Pharisee-te in ama man dingin biehinncing palihte a sawl uhi.

John 8:20

Tam thu teng pen biehinnpi sumkholna innkhan sunga ama in thu a hil laitaha a gen ahi a, ahi vangin ama hun tung nai lo ahi ziehin koima in ama man lo hi.

John 8:59

Tuaci’n amate in a se nading uh suong a tung vua, ahi vangin Jesu kiphuolin biehinnpi panin a gelmang hi.

Nasepte 12:11

Tua ciengin Peter khuophawh a, “Tu-in Topa in a vantungmi sawlin, Herod’ khut sung pan le Judah-te’ kinepna zosie sung panin ei hunkhie zo hi, ci thu ka theicien ta hi,” a ci hi.