Jeremiah 32:23 - Zo Bible

²³ tuale amate lutin tam gam a luo uhi. Ahi vangin amate in na thu mang loin na thukham zong zui loin, bawl dinga na thupiehte zosie a bawl sih uhi. Tua ahi ziehin nangma in amate tungah tam gimna zosie na tungsah hi.

LAISIENGTHOU CL Bible (BSI)

²³ Tuachi’n ahing lut ua, tam gam ahing luota uhi; hinanleh na thu amang sih ua, na dan lah azuisih uhi. Akung ua bawl dinga na thupiehte zousie bangma abawl sih uhi; Tuaziehin tam sietnate zousie amauh tungah na tungsahta hi.

Zokam International Version

²³ Amaute hong pai-in tangpah uh a, ahi hangin na thu hong mang loin na thukham zui lo uh a; amau hih dinga na thupiakte a sem kei uh hi. Tua ahi ciangin nang in hih gimnate amau tungah na tungsak hi.

Jeremiah 32:23 ပူးပေါင်းရင်းမြစ်များ

Ezra 9:7

Ka pu ka pate uh’ khanga patin tuni dong ka khielna uh lien mama hi. Ka khielnate ziehun gamdang kumpite’ khut sungah kote, ka kumpite ule ka siempute uh kipie-in, namsau tawh sina, saltanna, neisa kisutna, le maizumna ci bangin ka na thuoh vua, tu dongin ka tuaci lai uhi.

Nehemiah 9:15

A gilkiel ciengun amate vantung panin moh na pie hi, a dangta ciengun zong amate adingin suongpi panin tui na pulsah a, amate pieh dinga na ciemsa gamah pei-in a luo nadingun amate kungah na gen hi.

Phatna-late 78:10

Amate in Pasien’ thuciemna a zui sih vua, ama’ thukham tawh kituohin amate a gamta nuom sih uhi.

Jeremiah 2:7

A gate le a hoi nate na neh thei nadingun an vauna gamah note kang tunpi hi. Ahi vangin na lut ciengun ka gam na buasah vua, ka gouluo leitang kidah na huoisah uhi.

Jeremiah 26:4

Nangma in amate kungah tam bangin na gen ding hi: Topa in tam bangin ci hi: Note in ka thu ngai loin na mai-vua kang koipiehsa ka thukham bangin na gamtat sih vua,

Jeremiah 44:10

Tuni dongin amate in kisiakiana lungtang ahi a, zauna lungtang ahi zongin nei loin, note le na pu na pate uh mai-a kang pieh ka thukham le ka ngainate a zui sih uhi.

Jeremiah 7:26

hizongle amate in ka thu ei ngai loin zong ei thuse sih vua, a ngawng uh a khausah zawsop uhi. A pu a pate uh sangin a siezaw-in a gamta uhi.

Tamlawhna 1:18

A thugen langpangin ka ledo vangin Topa pen a man ahi bo hi; ahi vangin no mi zosie in ngai unlen ka thuohna en un; ka tangvalte le ka ngahnute salin kikaimang ta hi.

Tamlawhna 1:8

Jerusalem, nahpitahin maw a, tuaci’n mite’ simmaw a thuoh hi. Ama zahtah zosie in a guohtanga a op a mu ziehun ama a thuse ta sih uhi; ama le ama a tau vangut a, ama in a mai a lehei hi.

Ezekiel 20:18

Keima in gamlahah a tate uh kung ah, “Na pu na pate uh’ thukhamte zui loin a ngaina kipte uh zong zui sih unlen, a milimte utawh noma le noma kibuasah sih un,” ka ci hi.

Ezekiel 20:21

Ahi vangin a tate un keima ei ledo uhi; amate in ka thukhamte a zui sih vua, a zui tapo hinlaw nading ahi ka ngaina kipte limtahin tang loin ka sabbath-te a buasah uhi. Tua ciengin keima in amate tungah ka thangpaina sungsuhin, amate dona-in ka lungthahna teng gamlahah tungsah vang, ci-in ka ngaisun hi.

Ezekiel 20:8

Ahi vangin amate in kei ei ledo-in ka thu a ngai sih uhi; mit tuhna a nei uh sil kidahhuoite amate in paai tuon loin Egypt milimte zong a nuasie sih uhi. Tua ciengin ka thangpaina amate tungah buosuhin, amate dona-in ka lungthahna teng Egypt gamah tungsah vang, ci-in ka ngaisun hi.

Luke 17:10

Tuaci’n note in sep dinga ang kisawl zosie na sep zaw ciengun, ‘Kimanna a nei lo silate i hi uhi; i sep dinga kilawmte beh ma a sem i hi lel uhi,’ na ci uhi,” ci-in a dawng hi.

John 15:14

Note in ka thupiehte na zui uleh ka lawmte na hi uhi.

Galatia-te 3:10

Azieh pen thukham zuina tunga a kinga mi zosie pen samsietna nei-a om ahi uhi; bang ding ahei cile, “Thukham laibu sunga kigiel thu zosie zui-in a mang lo mi zosie in samsietna a thuoh uhi,” ci-in kigiel hi.

James 2:10

Bangzieh ahei cile mi khat in thukham zosie a zui sieng vangin khat a zuila leh a unpi-in a khiel ma hi veve hi.

Joshua 21:43

Tam bangin Topa in amau’ pu le pate tungah pieh dinga a na ciemsa leitang zosie Israel tungah pie a, amate in tua gam luo-in tua munah a teng uhi.

Joshua 23:16

Topa in ang piehsa Topa na pasien uh’ thuciemna palsatin pasien dangte kungah pei-in, a na uh semin, a mai vua na kun uleh, Topa na Pasien un note tawh kisai ang ciem sil hoi zosie a tun ma bangin, na tung vuah Topa lungthahna ang kuong ding a, note tunga ang pieh leitang hoi panin mallangin na mangthai ding uhi,” a ci hi.