Jeremiah 32:21 - Zo Bible

²¹ Nangma in na mi Israel-te Egypt gam panin lim le na lamdangte tawh ahi a, a kizah nangma’ banhat tawh ahi a, mulkin huoitah tawh ahi zongin na ladawh hi;

LAISIENGTHOU CL Bible (BSI)

²¹ Sil lamdangte, chiemtenate leh banthahat leh banzahdoh leh zauhuoina thupitah toh na mi Israelte Izipt gam a kipata puidohpa na hi.

Zokam International Version

²¹ Nangmah in na mi Israel-te Egypt panin limte, alamdangte tawh ahi a, a thahat na khutte zankhia-in a lauhuai mahmah in na lakhia hi.

Jeremiah 32:21 ပူးပေါင်းရင်းမြစ်များ

2 Samuel 7:23

Israel tawh a kibang nangma’ mi khu koi ahiei? Ama’ mite mai-ah minamte le a pasien-te uh a delgamna tawh ama dingin min bawlin amate dingin a lien a zauhuoi nate bawlpieh a, Pasien pei-in ama’ mi dinga a tatkhiet vawt adang minam leitungah a om ngai ta mawng amah?

1 Kumpite 8:42

(azieh pen amate in a lien mama na min, na banhat, le na banzahnate a za ding uhi), tami biehinn lamah thu ang nget ciengin,

1 Khangthute 17:21

Egypt pana na tatkhiet na mite mai-ah minamte notmangin nangma adingin a lien a zauhuoi min khat na bawlna, Pasien pei-in ama’ mi dinga a tatkhiet na mi Israel tawh a kibang leitungah minam dang koi om ahei?

Phatna-late 105:37

Tua ciengin ama in ngun le kham tawh Israel-te peipi a, a minamte lah vuah a kipalpua koima a om sih hi.

Phatna-late 105:43

Tuaci’n ama in ama’ mite lungdamna tawh peipi a, la sa kawmin a teeltuom mite a peikhietpi hi.

Paikhiatna 13:14

Mai lam hunah na tapa in tami bang a cinopna ahiei?’ ci-a ang dawh ciengin ama kungah, ‘Saltanna Egypt panin a thahat khut tawh Topa in ei na peipi hi.

Paikhiatna 13:9

Na kam sung vuah Topa’ thuhilna a op thei nadingin note dingin tami khu na khut tung vuah lim khat hi ding a, na talpang tung vuah phawna khat hi ding hi; azieh pen Topa in a thahat khut tawh Egypt leitang panin note ang peipi hi.

Paikhiatna 3:20

Tuaci’n ka khut zahin tua sunga ka bawl ding na lamdangte tawh Egypt-te ka vatmai ding hi; tua zaw ciengin ama in note ang peisah ding hi.

Paikhiatna 6:1

Tua ciengin Topa in Moses kung ah, “Tu-in Pharaoh tunga ka bawl ding na mu ding hi: Ama in a vanglien khut tawh amate a peisah valon ding hi; ama in a vanglien khut khat tawh a gam sung panin amate a notmang ding hi,” a ci hi.

Paikhiatna 6:6

Tua ahi ziehin Israel-te kungah, “Keima Topa ka hi hi. Keima in Egypt-te’ vangih panin note kang hla ding a, amau’ sila hina panin kang suohta sah ding hi. Keima in a thahat a kizah ban le thukhenna nasep lien tawh kang tan ding hi.

Isaiah 63:12

Moses’ zietlam khut tawh ama’ banhat a kizawtsah pa, a min a kithei zing nadingin amate mai-ah tuite khenzahin,

Thupiakkikna 11:3

Egypt kumpi Pharaoh le a gam sung zosie tunga a bawl a limte le a silbawlte;

Thupiakkikna 26:8

Topa in a thahat a khut, a kizah a banhat, a zauhuoi a vanglietna, lim le na lamdangte lahna tawh Egypt panin ei na peipi hi.

Thupiakkikna 4:34

Ahi sihle Topa na Pasien un na mitmu-un Egypt gamah note dinga a bawl ma bangin zelahna, lim le na lamdangte, gal le sa, a vanglien le a thahatna le a zauhuoi mama tawh pasien dangkhat popo in minam dang khat panin minam khat ama’ mite hisah dingin va la-in peipi dingin a hanciem ngai amah?

Thupiakkikna 7:19

na mit utawh na mu uh zelahna lienpite, lim le na lamdangte, khut thahat le a kizah bante tawh ang peipi Topa na Pasien uh phawh un. Topa na Pasien un na giin uh mi zosie tungah tua bang lienin a bawl ding hi.