Jeremiah 32:20 - Zo Bible

²⁰ Nangma in Egypt gamah lim le na lamdangte na lah a, tuni dongin zong Israel gam le mi zosie tungah lahin, tuni cieng dongin na min a thangsah peisuoh pa na hi hi.

LAISIENGTHOU CL Bible (BSI)

²⁰ Nangman Izipt gam akipat in chiemtena leh sillamdang na bawl a, tuni tandongin Israel leh midangte lah ah na bawl zel a, tuni a mabangin min khat na kibawldohta hi.

Zokam International Version

²⁰ Nangmah in Egypt ah a lamdang limte le nalamdangte na laka, Israel-te le mihing khempeuh lakah a kibangin tuni dong na lak lai-a, na min a thang lailai hi.

Jeremiah 32:20 ပူးပေါင်းရင်းမြစ်များ

2 Samuel 7:23

Israel tawh a kibang nangma’ mi khu koi ahiei? Ama’ mite mai-ah minamte le a pasien-te uh a delgamna tawh ama dingin min bawlin amate dingin a lien a zauhuoi nate bawlpieh a, Pasien pei-in ama’ mi dinga a tatkhiet vawt adang minam leitungah a om ngai ta mawng amah?

1 Khangthute 17:21

Egypt pana na tatkhiet na mite mai-ah minamte notmangin nangma adingin a lien a zauhuoi min khat na bawlna, Pasien pei-in ama’ mi dinga a tatkhiet na mi Israel tawh a kibang leitungah minam dang koi om ahei?

Nehemiah 9:10

Amate in kihisahna tawh ka pu ka pate uh a bawl gawpna uh thei na hi ziehin, Pharaoh le ama’ nasemte zosie, le a gam sunga mi zosie’ langkhatah lim le na lamdangte na bawl hi. Nangma ading min khat na bawl a, tua khu tuni dongin a omlai hi.

Nehemiah 9:11

Tuale amate in leigaw tunga tuipi a kantan thei nadingun nangma in a masang vuah gunpi phalni na suo a, ahi vangin nangma in amahaw a nuadelte tuihuol sunga suongse bangin tuithuh sung sena-in na nei hi.

Phatna-late 135:9

Egypt aw, Pharaoh le a nasem zosie a do nadingin ama in nangma sungah lim le na lamdangte a sawl hi.

Paikhiatna 10:2

Egypt-te ka motbawlna le amate lahah bang limte bawl zo ka hei, ci thu na tate le na tute’ zaha na gen thei nading le, keima Topa ka hi lam na thei nadingin ama’ lungtang le a uliente’ lungtang ka khausah hi,” a ci hi.

Paikhiatna 3:20

Tuaci’n ka khut zahin tua sunga ka bawl ding na lamdangte tawh Egypt-te ka vatmai ding hi; tua zaw ciengin ama in note ang peisah ding hi.

Paikhiatna 7:3

Ahi vangin Pharaoh’ lungtang ka khausah ding a, Egypt gamah ka limte le na lamdangte ka tamsah ding hi.

Paikhiatna 9:16

Hinanle nangma kang hinkhawina pen tam zieh ahi hi: Na tungah ka vanglietna kang lah nading le leitung buppi-ah ka min a kiphuongzah thei nading ahi hi.

Isaiah 63:12

Moses’ zietlam khut tawh ama’ banhat a kizawtsah pa, a min a kithei zing nadingin amate mai-ah tuite khenzahin,

Isaiah 63:14

Kuom sung a zuonsuh ganhingte bangin Topa’ hlagau in amate toidamna a pie hi. Tua bangin nangma’ minthanna dingin nangma in na mite na makai hi.

Jeremiah 13:11

Bangzieh ahei cile mite’ kawngah tua puon kawngten a beh cihteh bangin, keima’ mi ding, keima’ minthanna ding, keima ei kiphat nading, le keima’ thupi nadingin keima tungah Israel innkuon bup le Judah innkuon buppi ka behsah cihteh ding hi, Topa in ci hi. Ahi vangin amate in ka thu a ngai sih uhi.

Daniel 6:28

Tuaci’n tami Daniel pen Darius uh sung le Persia mi Cyrus uh sungin a daupei mama hi.

Daniel 9:15

“Khut thahat khat tawh Egypt panin na mite peipi-in tuni cieng dong nangawnin na min a thangsah kote’ Topa Pasien aw, tu-in kote ka maw vua, ka gitlo gamtat ta uhi.

Nasepte 7:36

Ama in Egypt gam, San tuipi le senel gam sungah kum sawmli sung lim le na lamdangte a bawl zaw ciengin amate a peipi hi.

Thupiakkikna 11:3

Egypt kumpi Pharaoh le a gam sung zosie tunga a bawl a limte le a silbawlte;

Thupiakkikna 4:34

Ahi sihle Topa na Pasien un na mitmu-un Egypt gamah note dinga a bawl ma bangin zelahna, lim le na lamdangte, gal le sa, a vanglien le a thahatna le a zauhuoi mama tawh pasien dangkhat popo in minam dang khat panin minam khat ama’ mite hisah dingin va la-in peipi dingin a hanciem ngai amah?

Thupiakkikna 6:22

Topa in i muna vuah Egypt, Pharaoh le a innkuonpite zosie tungah a lien le a cizathuoi lim le na lamdangte ei na lah hi.

Thupiakkikna 7:19

na mit utawh na mu uh zelahna lienpite, lim le na lamdangte, khut thahat le a kizah bante tawh ang peipi Topa na Pasien uh phawh un. Topa na Pasien un na giin uh mi zosie tungah tua bang lienin a bawl ding hi.