Jeremiah 25:31 - Zo Bible

³¹ Topa in minamte tungah thu phul ding ahi ziehin, ama’ awging in leimong dong a thawn ding hi. Ama in mi zosie thu sit ding a, namsau tawh mawneite that ding hi, Topa in ci hi.

LAISIENGTHOU CL Bible (BSI)

³¹ Leimawng tawp dong thawmging in athawn dinga, Mangpa’n namte adou a, tahsa zousie tungah vai ahawm ding, Aman migiloute namsau kungah ape ding hi, Mangpa’n achi hi.

Zokam International Version

³¹ Minamte langah TOPA pang ahi manin ama awging in leimongte dong a thawn hi; amah in mihing khempeuh tungah thu khen dinga migilote namsau a thuaksak ding hi,’ ci in," TOPA in a ci hi.

Jeremiah 25:31 ပူးပေါင်းရင်းမြစ်များ

Isaiah 33:3

Mihonpi husa ziehin mite taimang hi; na thupina mai-ah minamte kithezah hi.

Isaiah 34:2

Azieh pen minam zosie langkhatah Topa lungthah a, a mihonpite’ langkhatah ama a lung a hang hi; ama in a mangthai dingin amate koi-in, amate tha dingin a pie zo ta hi.

Isaiah 34:8

Azieh pen Topa in phulah nading ni khat, Zion’ vai-ah a dihna a pholah nading kum khat nei hi.

Isaiah 66:16

Bangzieh ahei cile Topa in mi zosie tungah mei le namsau tawh thukhen ding a, Topa in a thasa mite tam mama ding hi.

Jeremiah 2:35

nangma in, “Kei ka maw sih hi, a mantahin kei tungah ama lungthah nawn lo hi,” na ci hi. “Kei ka maw sih hi,” na ci ziehin tu-in nang tungah thu kang khen ding hi.

Jeremiah 23:19

En un, Topa’ huipi khu! A thangpaina pumpei kihiapi ang pusuoh zo hi; migilo pa’ lutung a mutgawp ding hi.

Jeremiah 45:5

Nangma dinga na lienpi sui na hi amah? Tuate sui da in; bangzieh ahei cile keima in mi zosie tungah gimna ka tungsah ding hi, Topa in ci hi; hizongle nang pen na peina muncin tengah galvan lah bangin na hinna kang pie ding hi,” a ci hi.

Ezekiel 30:3

Azieh pen a ni nai ta a, Topa’ ni nai ta hi; khum ni khu meiikai ni hi ding a, minamte manthai hun hi ding hi.

Ezekiel 38:22

Keima in pulnatna le sisan luonna tawh ama tungah thukhenna ka nei ding hi; ama le a galkapte tung le ama tawh a omton mi tampite tungah guopi gielpite le kaat le meikuongte ka zusah ding hi.

Hosea 12:2

Topa in Judah tungah mawsahna ding thu nei a, a gamtatna tawh kituohin ama in Jacob dan pie a, a sepna tawh kituohin ama a thuhkia ding hi.

Hosea 4:1

Israel mite aw, Topa’ thugen ngai un; azieh pen Topa in gam sunga a tengte mawmatna khat nei hi. Gam sungah citahna, dihna le Pasien theina om lo hi.

Joel 3:2

keima in minam zosie kaikhawmin Jehoshaphat kuomah ka peipisuh ding a, khum munah ka mite le ka gouluo Israel ziehin amate tungah thu ka khen ding hi, azieh pen amate in minamte lahah Israel a kithezah sah uhi. Amate in ka gam a hawm vua,

Micah 6:2

No muolsangte le a kip leitung bulpite aw, Topa in mi a nielna ngai vawi un; azieh pen a mite tawh Topa thu kiniel a, Israel-te tawh thu kisel ding hi.