Jeremiah 25:3 - Zo Bible

³ Judah kumpi Amon’ tapa Kumpi Josiah a kumpi suo zaw a kum sawm le thum pan tuni dongin kum sawmni le kum thum sung vilvel Topa’ thu ka kungah ang tung a, na kung vuah kang gengen vangin na ngai nuom sih uhi.

LAISIENGTHOU CL Bible (BSI)

³ “Juda leengpa Amon tapa Josiah vaihawm kum sawm leh thumna apat tuni tandong in kum sawmni leh kumthum sung Mangpa thu ka kung ah ahing tung ngitnget hi, tualeh zingmawng matah a thou in na kung uah ka gen leng hi; hinanleh na ngaikhe nuom sih uhi.

Zokam International Version

³ Amon tapa Judah kumpipa Josiah, kumpi a suah zawh a kum sawm le thumna pan tuni mahmah dong - kum sawmnih le thum sung - TOPA thu kei tungah hong tunga, no tungah kong gen kikkik hangin na ngai kei uh hi.

Jeremiah 25:3 ပူးပေါင်းရင်းမြစ်များ

Piancilna 22:3

Tuaci’n zingmawngin Abraham thobai a, a laa phaw guongin a nasem tangval ni tawh a tapa Isaac a peipi hi; ama in meihal biehna-a zah dingin sing a tom a, ama dingkhie-in Pasien in ama a lahsa mun gamlatna dongah a pei hi.

1 Kumpite 22:3

Israel kumpipa in a nasemte kungah, “Ramoth-gilead khu ei-a’ ahi a, hizongle Aram kumpipa’ khut sung panin lahkia ding bangma i sawm lo lam na thei vuoi mah?” a ci hi.

2 Kumpite 17:13

Hizongle Topa in kamsang zosie le thumu zosie tungtawnin Israel le Judah hilkhol a, “Na pu na pate uh ka thupiehsa thukhamte le ka nasem kamsangte tung tawna na kung vua thu kang puoh tawh kituohin na tatsietnate uh panin kihei-in ka thupiehnate le ka thukhamte zui un,” a ci hi.

2 Khangthute 24:19

Ahi vangin Topa kungah amate a peipikia thei nadingin ama in amate lahah kamsangte a sawl hi; tamte in a langkhat vuah teci pang a, ahi vangin amate in a ngai tuom sih uhi.

2 Khangthute 34:1

Josiah maan ding a kipatin kum giet pha hi; ama Jerusalem ah kum sawmthum le khat sung maang hi.

2 Khangthute 34:3

Ama’ uh a kum gietna, naupangno ahi lai-in ama in a pu David’ Pasien sui ding a kipan hi. Kum sawm le nina kumin ama in Judah le Jerusalem panin munsangte, khuom siengthote, le a kikheng le a kisung milimte suhmang ding a kipan hi.

2 Khangthute 34:8

Ama a maan a kum sawm le gietna kumin gam sung teng le biehinn a siensuo zaw ciengin, Topa a Pasien’ biehinn a puopha dingin ama in Azariah’ tapa Shaphan, le khuopi uhpa Maaseiah, le thuciemte pa Joahaz’ tapa Joah a sawl hi.

2 Khangthute 36:15

Ama in a mite le a tenna mun tungah lainatna a nei ziehin a pu a pate uh’ Pasien, Topa in amate kungah a kamtaite a sawlkia ngitnget hi;

Phatna-late 81:13

Ka mite in ka thu ei ngai hinlen, Israel-te in ka lampi zui uleh izaw!

Paikhiatna 8:20

Tua ciengin Topa in Moses kungah, “Zingmawng tho bai inlen, tuikhuh zuonin Pharaoh ang pei ciengin a mai-ah na kilah inlen ama kungah, ‘Topa in tam bangin gen hi: Amate in keima ei bieh thei nadingun ka mite peisah in.

Isaiah 55:2

An ahi lo nate lei nadingin bang dingin na sum uh zangin, gilva nading ahi lo pi-in bang dingin na sem na hi uh ahei? Ka thugen limtahin ngai-in an tuituoh ne unlen, antuite ah nuomsa-in om un.

Jeremiah 1:2

Kumpi Amon’ tapa Josiah, Judah gamah a maan zaw kum sawm le thum a cin kumin Jeremiah kungah Topa’ kammal a tung hi.

Jeremiah 11:7

Bangzieh ahei cile Egypt gam panin ka peipi lai-in na pu na pate uh nasietahin ka na hugiih a, tuni cieng nangawnin ka thu mang un, ci-in ka hugiih ngitnget hi.

Jeremiah 19:15

Vanglien Topa, Israel’ Pasien in tam bang ci hi: Tam khuopi le a khuoneute tungah ka gensa gimna zosie ka tungsah ding hi, azieh pen amate in a lungsim uh khausahin ka thu gente a ngai sih uhi.

Jeremiah 22:21

Na dau uh a pei laitahin kang hopi a, ahi vangin, “Na thu ngai sih vang,” nei ci hi. Na neu lai-a kipanin a tuaci den na hi hi. Azieh pen nang in ka thu na mang sih hi.

Jeremiah 25:4

Topa in na kung vuah a nasem kamsangte zosie ang sawl den vangin note in ngai loin na bil zong na daw sih vua,

Jeremiah 26:5

note kungah kin taha kang sawl - a thu na ngai lo vangun - ka nasem ka kamsangte’ thugen na ngai sih uleh,

Jeremiah 29:19

Amate in ka thu thupisim lo uh ahi ziehin amate kungah ka nasemte ka sawl ngitnget vangin amate in a ngai nuom sih uhi, Topa in ci hi.

Jeremiah 32:33

Amate in kei ei maingat loin ei nuangat uhi; amate thu hilhil nanleng ngai nuom loin thuhilna a sang nuom sih uhi.

Jeremiah 35:14

Rechab’ tapa Jonadab in a suonlehlahte kungah lenggazu a dawn lo ding uh a thupiehna kizui hi; tuni dongin amate in bangma a dawn sih uhi, azieh pen amate in a pu uh’ thupieh a mang uhi. Ke’n na kung vuah kang gengen vangin ka thu na mang sih uhi.

Jeremiah 35:15

Ka nasem ka kamsang zosie na kung vuah kang sawl ngitnget a, ‘Tu-in na gitlona uh panin mi vannuoi kihei unlen, na gamtatnate uh kipuopha un. Amau’ na sem dingin pasien dangte nua zui sih un, tua hile noma le na pu na pate uh ka piehsa gamah note na teng ding uhi,’ a ci hi. Ahi vangin na bil nei daw sih vua, ka thu na ngai sih uhi.

Jeremiah 36:1

Judah Kumpipa Josiah’ tapa Jehoiakim kumpi a suo zaw a kum lina kumin tami Topa’ thu Jeremiah kungah a tung hi:

Jeremiah 36:2

Laiziel khat la inlen, tua sungah Josiah’ kumpi sep hun sung, nang kang hopi ni-a kipanin tuni cieng dong Israel gam, Judah gam le minam zosie langkhatah na kunga kang gen zosie giel in.

Jeremiah 44:4

Hinanle keima in ka nasem kamsang zosie na kung vuah kang sawl a, “Ka huot tami a kidahhuoi nate bawl nawn sih un!” ci-in kang thumsah ngitnget hi.

Jeremiah 7:13

Tu-in zong tam silte zosie na bawl vua, na kung vuah kang gengen vangin ngai tuon loin kang hlat hlat vangin ei dawng lo na hi ziehun

Jeremiah 7:25

Egypt gam panin na pu na pate uh a pei ni-a kipanin tuni cieng dong, amate kungah ka nasem kamsangte ni khat zaw ni khat ka sawl zing hi;

Ezekiel 33:4

tua ciengin mi khatpo in pengkul ging za napi-in hilkholna a thudon sih a, tuale namsau hing kuonin amate a thagam sieng leh, amau’ sisan amau’ lu tungah tu ding hi.

Zechariah 1:4

Nidanga kamsangte in, “Na gitlona lampite ule na gitlo gamtatnate uh panin kilekia un,” ci-a a genna uh na pu na pate bang sih un. Ahi vangin amate in ka thugen za loin thusim lo uhi, Topa in ci hi.

Mark 1:35

Zingmawng khuova masangin gamdaina munah ama pei-in tuanah thu a ngen hi.

John 8:2

Zingmawng khuova patin biehinnpi ah ama a peikia hi. Ama kungah mi zosie a pei vua, tuale ama to-in thu hil a kipan hi.

John 8:47

Pasien kung pana pei poma in Pasien’ gente a za hi. Note in na zah lona uh a hang pen Pasien kung pan na hi lo zieh uh ahi hi,” a ci hi.

2 Timothy 4:2

Pasien’ thu phuongzah in; hun a lemtang a, a lemtang sih zongin kin ngaisut den in; a thu telsah in, phawhin hanthawn inlen, lungduoi tawpna tawh hil in.