Jeremiah 21:13 - Zo Bible

¹³ En un, kuom zanga a teng le zanglei tunga om suongtum aw, nangma kang langpang hi, Topa in ci hi; nang in “Koi ahiei eite ei do-a ang kumsuh zo ding, koi ahiei eite kibuhna muna ang lut zo ding?” na ci hi.

LAISIENGTHOU CL Bible (BSI)

¹³ “Ngai un, nou phaikuoma tengte leh, phaijang suongpi lah a tengte, Eite koiin ang dou thei ding uoi? ikibutna sungah koi ahiei hing lut thei ding? Chite aw, Ken noute hingdou ka hi, chi’n Mangpa’n agen hi.

Zokam International Version

¹³ Mualkuam zang panin sangtuam a, suangmual zangtam-a om Jerusalem aw, nang kong langpan hi, TOPA in cikhia hi - nang in, "Eite langkhatah kua pang zo ding hiam, bukna ah kua lut thei ding hiam?" a cipa na hi hi.

Jeremiah 21:13 ပူးပေါင်းရင်းမြစ်များ

Phatna-late 125:2

Muolte in Jerusalem a kimkot bangin, tu-a kipanin Topa in a mite a kimkot tawntung ding hi.

Paikhiatna 13:20

Succoth pan amate a ding vua, senel gam mong, Etham-ah giephuol a sat uhi.

Paikhiatna 13:8

Khum ni-in na tapate uh kungah, ‘Egypt panin ka peikhiet lai-in Topa in kei adinga ei bawlpieh zieh ahi hi,’ ci-in na gen ding hi.

Isaiah 22:1

Mangmuna kuom tawh kisai thuphuon tami ahi hi. Note na unpi vua innkhum tunga na kato uh bang na deina uh ahei?

Jeremiah 17:3

gam-awng lai-a muolsang teng tungah zong a phawh veve uhi. Na gam sung zosie vua na bawl uh mawna manh dingin na neisa ule na gou zosie uh galvan lahin ka pie ding hi.

Jeremiah 21:5

Kei mama in lungthahna, lungsona le thangpaina lienpi tawh ka khut zahin ka banhat tawh note kang do ding hi.

Jeremiah 49:16

Suong keen kawmah tengin muolsang dawnah a busa pa aw, mi’ giin dinga na opna le na kisahtheina in nang ang sol lawm ta hi. Muvanlai bangin a sangpi ah bu bawl nan lacin tua panin kang khiesuh veve ding hi, Topa in ci hi.

Jeremiah 50:31

Mi kiliensah pa aw, nang kang langpan hi, Vanglien Topa Pasien in ci hi; azieh pen nang dan kang pieh ding hun le ni ang tung ta hi.

Jeremiah 51:25

A susie muolpi aw, leitung buppi a susie pa aw, nang kang langpan hi, Topa in ci hi; nang langkhatah ka khut ka zah ding a, keen kawm panin kang liasuh ding a, a katum muol kang suohsah ding hi.

Jeremiah 7:4

Tam bang zuouthute tahsang sih un: “Tami Topa’ biehinn ahi hi, Topa’ biehinn ahi hi, Topa’ biehinn ahi hi,” a ci uhi.

Tamlawhna 4:12

Leitung kumpite le leitung mi zosie in Jerusalem tunkotte ah gal le sa a lut zo dingin a um sih uhi.

Ezekiel 13:8

Tua ahi ziehin Topa Pasien in tam bangin gen hi: A manlo-a na thugente ule na zuou mangmunate uh ziehin note kang langpang hi, Topa in ci hi.

Ezekiel 21:3

Israel gam tungah Topa in tam bangin ci hi, ci-in gen in: Nangma langpang dingin kang pei hi, tuale keima in ka namsau a pai panin ka dawh ding a, nangma kung panin migilo le mi thumante a ni-in ka sumaimang ding hi.

Ezekiel 34:10

Topa Pasien in tam bangin ci hi: Keima tuucingte langkhatah ka pang ding hi; ka tuute amau’ khut sung panin ngenin a tuu a vahna uh panin amate ka khawlsah ding hi; tuucingte amau le amau a kivah nawn sih ding vua, amau’ an a suo lo nadingin a kam sung panun ka tuute ka hunkhie ding hi.

Ezekiel 5:8

tua ahi ziehin Topa Pasien in tam bangin gen hi: Kei mama nang langkhatah kang pang ding a, note lahah a om minamte muna-ah thu ka khen ding hi.

Micah 3:11

A khuopi uh a uhte in guhgol tawh thukhenin, thaman nga nadingin a siempute in thu a hil vua, a kamsangte in sum nga nadingin thuphuon a gen uhi; hinanle Topa tungah a kingam bangin a om vua, “A tahtahin eite tawh Topa ang om hi! Eite tungah gimna kici hing tung sih va,” a ci uhi.

Nahum 2:13

En in, nang kang langpang hi, Vanglien Topa in ci hi. Keima in na sakol leengte haltumin meikhu kitung ding a, namsau tawh na humpi khanglaite ka vatmai ding hi; leitung panin na kiva nading sate ka sumaimang ding a, tuale na kamtaite’ awging kiza ngai nawn lo ding hi.