Jeremiah 18:18 - Zo Bible

¹⁸ Tua ciengin amate in, “Hing pei un, Jeremiah sawmsim va vui, azieh pen thu ei hil ding siempu, i thu dawh ding mipil le Pasien’ kammal ei gen ding kamsang i kitasam sih ding uhi. Hing pei un, ama mawsiet vai-in a thugen khat mama zong mang sih vai,” ei ci uhi.

LAISIENGTHOU CL Bible (BSI)

¹⁸ Tuachi’n amaun, “Hing peiun, Jeremiah tungah silgilou iphiel ding uhi; aziehpen siempu akipat in dan thu amang sih ding a, mipil akipat in thuhilna leh guolneite apat thu amang sih ding hi. Hing pei un ama ilei toh idou ding a, athugente mawngmawng ingaikhietpieh sih ding uhi,” achi uhi.

Zokam International Version

¹⁸ Amaute in, "Hong pai un, siampite hong hilh thukham, mipilte i dot thute, kamsangte gen thute a manthan loh nadingin Jeremiah sawmsim ni. Tua hi a hong pai un, i kam mahmah tawh nialin a gen peuhmah va thusim kei ni," a ci uh hi.

Jeremiah 18:18 ပူးပေါင်းရင်းမြစ်များ

2 Samuel 15:31

David kungah, A sawmsim mite lahah Ahithophel zong Absalom tawh kipawl hi,” ci-in kigen hi. David in, “Topa aw, kang thum hi. Ahithophel’ thumopte motna-in na heipieh in,” a ci hi.

2 Samuel 17:14

Absalom le Israel mi zosie in, “Ahithophel’ thumop sangin Archi mi Hushai’ thumop hoizaw hi,” a ci uhi. Bang ding ahei cile Topa in Absalom tungah sietna a tunsah thei nadingin Ahithophel’ thumop khu a guolel mawng dinga Topa’ sesa ahi hi.

1 Kumpite 22:24

Tua ciengin Chenaanah’ tapa Zede-kiah in Micaiah zuonto-in phebeh a, “ Topa’ hlagau in nangma kunga thu ang gen dingin bang lampi tawh kei ei kalsan thei ahei?” a ci hi.

2 Khangthute 24:21

Ahi vangin amate in ama sawmdapin kumpipa thupiehna tawh Topa’ biehinn leituol zangah suong tawh a seplia uhi.

Job 5:13

Ama in mipilte pen amau’ khelpilna ma tawh man a, ama in mi lungkawite’ ngimna zong a naw khawlsah hi.

Phatna-late 21:11

Amate in nangma tungah gitlo sawmin, a hoi lote ang bawl sawm uleh a lawcing sih ding uhi.

Phatna-late 52:2

nang in siet nading na ngaisunsun hi. Zuou nasempa aw, na leii zong mulmetna namhiem bang hi.

Phatna-late 57:4

Huoihamna tawh mi sa a ne humpite lahah ka lum hit hiet a, a ha uh tei le thaltang tawh kibang a, a leii uh zong namsau hiemte tawh kibang hi.

Phatna-late 64:3

namsau tat banga a leii uh a tat mite, thaltang banga thu hoilo tawh mi a dawite,

Paunakte 18:21

Leii’ thuneina sungah sina le hinna om a, a leii a it mite in a ga a ne ding uhi.

Isaiah 32:7

Migilote’ gitlona a siehuoi mama hi; zuouna kam tawh mizawngte suhsiet nading le mi tasamte in thuman a gen cieng nangawnun a siesah dingin amate in sil hoi lo bawl a sawm uhi.

Jeremiah 1:19

Amate in nang ang do ding uhi; hinanle ang zo sih ding uhi, azieh pen nang ang hunkhie dingin kang ompi ding hi, Topa in ci hi,” ei ci hi.

Jeremiah 11:19

Ahi vangin kei pen tha dinga a kipeipi a nunnem tuuno tawh ka kibang hi. Amate in, “Singkung a ga pumin phua dawh vai-in, a min a kiphaw nawn lo nadingin ama that dawh ta vai,” ci-a ka tunga a hoilo gelna a nei lam uh ka thei kha sih hi.

Jeremiah 18:11

Tua ahi ziehin tu-in Judah mite le Jerusalem-a tengte kungah tam bangin gen in: Topa in tam bangin ci hi: En un, kei pen note tunga sietna tunsah ding gelna a nei beelkheng pa ka hi hi. Tu-in na unpi-un na gitlona panun kiheikia unlen, na omdan ule na gamtatnate uh bawlpha un.

Jeremiah 18:19

Topa aw, ka thugen ei ngai inlen, ka galte’ thugente zong ngai in!

Jeremiah 2:8

Siempute in, “Topa hei-ah om ahei” ci loin, thukham zangte in zong ei thei sih vua, Keima tungah makaite in khielna a bawl vua, kamsangte in Baal min tawh thu genin, amate in phattuomna a pie lo nate’ nua a zui uhi.

Jeremiah 20:10

Bangzieh ahei cile mite’ kidap hona tampi ka za a, “Muncin teng zauhuoi hi! Ama heh un! Ama heh va vui,” a ci uhi. Ka lawm itte zosie in ka pua ding ei buh vua, “Ama kizawl zo kha na va, eite in ama zo na va vui, tuaci’n eite in ama tungah phu la zo na vai,” a kici uhi.

Jeremiah 26:11

Tua ciengin siempute le kamsangte in uliente le mi zosie kungah, “Tam mipa in sina a thuoh ding kilawm hi, azieh pen na bil ciet utawh na zahsa ma bangun ama in tami khuopi lang pangin thu a gen zo hi,” a ci uhi.

Jeremiah 37:13

Benjamin’ Tunkot a tun ciengin Hananiah’ tapa Shelemiah, a tapa Irijah a kici tua sunga kot cingpa in kamsangpa Jeremiah na manin ama kungah, “Nang Chaldea-te lamah a taidap ding na hi hi,” a ci hi.

Jeremiah 43:2

Hoshaiah’ tapa Azariah le Kareah’ tapa Johanan a kipan mi kiphasah dangte zosie in Jeremiah kungah, “Na zuou zuoupi na gen ahi bo hi. Topa i Pasien in, ‘Egypt gama a teng dingin pei sih un,’ ci-in a gen dingin nang ang sawl kha sih hi.

Jeremiah 44:16

“Topa’ min tawh ka kung vua nang gen thute kote in kang ngaipieh sih ding uhi.

Jeremiah 44:17

Kote in bawl dinga ka ciemsa uh sil bangkim ka bawl ding vua, Judah gam khuopite le Jerusalem lampi tengah koma le ka pu ka pate uh, ka kumpite ule ka uliente un a na bawl ngai uh bangin vantung kumpinu kungah biehnate tawi-in dawn thei biehnate ka sung zaw ding uhi. Kote in a kinincing neh le tah nei-in ka nuomsa vua, hamsietna zong ka tuoh sih uhi.

Jeremiah 8:8

Bangci bangin note in, “Ko ka pil vua, kote tawh Topa’ thukham a om hi,” ci thei na hi uh ahei? A zuouthei laitheite’ laikung in bang hunin tua thukham khu zuouthu suohsah ta uh ahei?

Tamlawhna 3:62

Sun tungtawnin kei ei langpangte in kei do nading kihodap-in ei gensiesie uhi.

Ezekiel 7:26

Gimna khat zaw gimna khat tungin, kam baleng khat zaw khat kiza hi; kamsangte tung panin mangmuna a suisui ding uhi; siempute tung panin thuhilna mangthai ding a, upate kung panin thumopna mangthai ding hi.

Siampi Laibu 10:11

tuale Topa in Moses tung tawna a gensa thukham zosie Israel mite na hil ding uhi,” a ci hi.

Micah 3:6

Tua ahi ziehin note tungah mangmuna om loin zan ang tung ding a, note tungah kihilna om loin khuomiel ang tung ding hi. Kamsangte tungah ni tum ding a, amate tungah sun zong a miel ding hi;

Micah 3:7

thumute a muolpho ding vua, aisante maizum ding uhi; Pasien tung panin dawnna a op lo ziehin, amate in a unpi-un a kam a hum ding uhi.

Malachi 2:7

Bangzieh ahei cile siempu pa’ kam in theina a kep kul a, Vanglien Topa’ kamtaipa ahi ziehin mite in ama’ kam panin thuhilna a sui ding uh ahi hi.

Luke 11:45

Thukham hil siete lahah khat in, “Siepa, tam bang na gen ciengin ko zong ei gensie na hi hi,” ci-in a dawng hi.

John 9:40

Ama kunga a om Pharisee pawlkhat in tam thu a zah ciengun ama kungah, “Ko zong mittaw ka hi ta uh amah?” ci-in a dong uhi.