Jeremiah 12:12 - Zo Bible

¹² Senel gam sunga a om muolpawn sang zosie tungah mi sumang dingte ang pei ta uhi; gammong khat pan gammong khat dongin Topa’ namsau in a vatmai ziehin koima a suohta a om sih ding hi.

LAISIENGTHOU CL Bible (BSI)

¹² Gamdai munsang kieu zousie tungah susemite ahing tunga, Mangpa namsau in anehtum ding ziehin, gam tawp langkhat akipat, alelam gam tawp donga mi koiman muonna anei sih ding uhi.

Zokam International Version

¹² TOPA namsau in gammong khat panin mong khat dong a vatmai nadingin sehnel-gam khosang khempeuh panin a susiate hong kuan ding uh a; khat beek a suakta kei ding uh hi.

Jeremiah 12:12 ပူးပေါင်းရင်းမြစ်များ

Isaiah 34:6

Topa in namsau khat nei hi; tua khu sisan kinoinat hi a, tuuno si le kel si, tuutangte’ a kal thau tawh kizutzol hi. Azieh pen Topa in Bozrah ah biehpiehna khat nei a, Edom gam sungah kithana lienpi om hi.

Isaiah 57:21

Ka Pasien in migilote adingin lungnopna om lo hi, ci hi.

Jeremiah 15:2

Tuale amate in nang kungah, “Hei-a pei ding ka hi uh ahei,” ang ci ciengun amate kungah tam bangin na gen ding hi: Topa in tam bangin ci hi: Pul natna tawh si dinga kisesate pulnatna tawh si ding a, namsau tawh si dinga kisesate namsau tawh si ding uhi; kiel tawh a pulsi dingte kiel tawh pulsi ding a, saltang dinga kisesate zong salin kikai ding hi.

Jeremiah 16:5

Topa in tam bangin ci hi: Misi inn ah lut sinlen, a kaa dingin zong pei sin, zong hlasietpi da in; azieh pen tam mite kung panin ka lungnopna, ka itna kip, le ka hepinate ka la zo hi, Topa in ci hi.

Jeremiah 25:11

Tam gambup kisie-in koima’ ten lona gamkhing suoh ding a, tua minamte in kum sawmsagi sung Babylon kumpipa’ na a sem ding uhi.

Jeremiah 3:2

Muolpawn sangte lamah dahto inlen en in! Mi tawh na lupton lona mun hei-ah om ahei? Lam gei-ah to-in na lawmngaite na ngah a, senel gam sunga a zin kawikawite na bang hi. Na gitlona le na pahtatna in gam sung na buasah hi.

Jeremiah 3:21

Muolpawn sangte tungah awging khat kiza a, tua khu Israel’ tate kaana le mauna ahi hi, azieh pen lampi panin amate a piel vua, Topa a Pasien uh a mangngil uhi.

Jeremiah 30:5

Topa in tam bangin ci hi: Eite in zauna, le patauna aw i za zo vua, lungnopna aw ahi sih hi.

Jeremiah 34:17

Tua ahi ziehin Topa in tam bangin ci hi: Note in na innvengte ule na guolte uh suotahna pie un, ci-a kang thugen nei mang sih uhi; keima in note tungah suotahna kang pie ding a, tua khu namsau, pul natna le kielpi tawh si dinga suotahna hi ding hi, Topa in ci hi. Keima in leitung kumpi gam zosie’ cizat dingin note kang bawl ding hi.

Jeremiah 4:27

Bang ding ahei cile Topa in tam bangci hi: Gam buppi kisie ding hi; hizongle ka susie sieng sam sih ding hi.

Jeremiah 46:10

Khum ni pen Vanglien Topa’ ni ahi a, phu a kilahkia ni, a galte tung panin dih tanna a nga ni ahi hi. Namsau in amate valtum ding a, a du ta sih ding hi. A kham dongin a si uh a dawn ding hi. Bang ding ahei cile Vanglien Topa in Euphrates gun gei sah lamah kithoina khat a nei hi.

Jeremiah 47:6

Kadei, Topa’ namsau! Nang bang tanvei sip ding na hei? Na pai sungah kihengkia inlen, khawl inlen sip dide in!

Jeremiah 48:2

Moab gam’ minthanna a om ta sih hi. Heshbon khuo ah amate in a siet nading a lunggel uhi: “Hing pei un, minam khat a hina uh suhmang pieh vawi!” a ci uhi. Madmen khuo aw, nang zong suhdai na hi ta ding hi; namsau in nang ang nuadel ding hi.

Jeremiah 8:15

Kilemna i sui vangun sil hoi i mu sih uhi. Cidamna ding hun i sui vangun zauna i tuoh zawsop uhi.

Tamlawhna 3:17

Ka hla in lungmuonna nei lo a, lungdamna kici bang ahei ka mangngil ta hi;

Ezekiel 14:17

Ahi sihle keima in tua gam sungah namsau sawlin, “Gam sung tengah namsau pei kawikawi heh,” ci-in tua gam sung panin mihingte le ganhingte ka suhmang leh;

Ezekiel 21:28

Mihing aw, thu phuong inlen Ammon-te tawh kisai thu, le amate a kisimmawna thu tawh kisai-in Topa in tam bangin ci hi, ci-in gen in: Namsau khat, namsau khat! Mi tha nadingin dawsa-in om a, vatmai nadingin tunphe bangin a tee lihleh dingin kinawtval hi.

Ezekiel 21:4

Azieh pen midihte le migilote nang kung panin a ni-in a sumang ding ka hi a, tua ziehin leitaw lam panin leilu dongin mi zosie langkhatah a pai panin ka namsau ka dawh ding hi;

Ezekiel 21:8

Tuale Topa’ thu ka tungah ang tung hi:

Ezekiel 21:9

Mihing aw, thu va phuong ta’nlen, Topa in tam bangin ci hi, ci-in gen in: Namsau khat, namsau khat kitat hiem a, tua namsau kizutmam hi;

Ezekiel 5:2

Imtawmna hun a cin ciengin tua na sam sethum-suo-sekhat khuopi sungah na hal ding hi; nangma in sethum-suo-sekhat na la ding a, khuopi kimkot ah namsau tawh na sattan ding hi; tuale sethum-suo-sekhat pen hui lahah na thethang ding a, tuale keima in namsau a pai panin dawhin tuate ka del ding hi.

Siampi Laibu 26:33

Minamte lahah kang thezah ding a, note tawh kido nadingin namsau a pai panin ka dawh ding hi; na leitang uh gamkhing suoh ding a, na khuopite uzong hawmsuoh ding hi.

Amos 9:4

A galte uh mai-ah salin pei nan ule, khum sungah namsau thu ka pie ding a, amate ka thatsah veve ding hi; amau’ hoi nading hi loin, a siet nadingun amate mittuhna-in ka nei ding hi.

Zephaniah 2:12

Ethiopia-te aw, note zong ka namsau tawh ang kithat ding hi.

Thupiakkikna 32:42

Ka thaltangte si ka khamsah ding a, ka namsau in satah a nawmval ding hi. Tuate pen a samsau galte, a kithat mite le a kiman mite’ sisan pan hi ding hi.

Kilaakna 6:4

Tua ciengin sakol san dang khat ang pusuoh hi. Tuale mite khatlekhat a kitha thei nadingun a tunga tuong pa in leitung panin kilemna a lahkhiet thei nadingin thu kipie hi; namsau golpi khat zong kipie lai hi.