Isaiah 63:17 - Zo Bible

¹⁷ Topa aw, kote in nangma kang giin lo nadingun, bang dingin na lampite panin kote ei pielsah a, kohaw’ lungtang na khausah ahei? Na nasemte, na gouluo minamte nei khuolna-in ang kilekia in.

LAISIENGTHOU CL Bible (BSI)

¹⁷ Aw Mangpa, bangzieh a na lampi akipat a nang pielmang sah a, Nangma giinna apat a, ka lungtang uh nang suhkhau pieh ahiei mah? Na suohte Nangma goutan namte ziehin, hing kinuale kia in.

Zokam International Version

¹⁷ TOPA aw, nang kong zahtak loh nadingun bang hangin na lampi pan hong pialsak-a, ka lungsim uh khauhsak na hi hiam? Na nasemte, nangma gouluah minamte nong khualna-in hong kihei kik in.

Isaiah 63:17 ပူးပေါင်းရင်းမြစ်များ

Phatna-late 119:10

Ka lungsim zosie tawh nang kang sui hi; na thupiehte panin kei ei pielsah sin.

Phatna-late 119:36

Ka lungsim pen angsung khuolna lam hi loin, na thukip lamah ei heipieh in.

Phatna-late 141:4

Khielna a bawl mite tawh kipawlin gitlo nasepnate-ah kitahla loin, sietna khatpo bawl ding lamah ka lungsim hing kiheisah sin; amau’ an tuituohte zong ei nesah sin.

Phatna-late 80:14

Hing kilekia in, Vanglien Pasien aw; vantung panin ei ensuh inlen ei mu in; tami lenggui don in,

Phatna-late 90:13

Topa aw, hing kilekia in! Bang tanvei sawt lai ding na hei? Nangma in nasemte tungah lainatna ei nei in!

Paikhiatna 11:10

Pharaoh mai-ah Moses le Aaron in na lamdang tam teng a bawl uhi; ahi vangin Topa in Pharaoh’ lungtang khausah a, a leitang panin Israel-te peisah lo hi.

Paikhiatna 4:21

Topa in Moses kungah, “Egypt gamah na peikia ciengin Pharaoh mai-ah na sep thei dinga kang piehsa na lamdang zosie na bawl ding thei gige in; ahi vangin keima in a lungtang ka khausah ding a, tuaci’n mite a peisah sih ding hi.

Isaiah 19:25

Vanglien Topa in, “Ka mi Egypt-te, ka khutsuoh Assyria-te, le keima’ gouluo Israel-te in thupha nga taheh,” ci-in thupha a pieh mite ahi ding uhi.

Isaiah 29:13

Topa in a gen hi: “Tam mite in a kam utawh keima kung ei nai vua, a nephu beh utawh keima ei patawi uhi, hizongle a lungtang uh pen keima tawh a kigamla hi. Keima ei biehna uzong mihing’ thupieh a zuina uh ahi lel bo hi;

Isaiah 29:14

tuaci’n keima in tam mite tawh a lamdang nate le a cizathuoi le a lamdang nate ka bawlkia ding hi. A mipilte uh’ pilna kisie ding a, thu khinkhai theite’ thu khinkhaina kiselcip ding hi.

Isaiah 30:28

ama pen husan ngawng cieng a pha luitui let tawh kibang hi. ama in lawpi tawh minamte’ kisietna zoih a, mite’ khagu tungah amate lam a pielsah thei kamkai a vaw hi.

Isaiah 6:10

Amate in a mit utawh a et lo nading uh, a bil utawh a zah lo nading uh, a lungsim utawh a thei cien lo nading ule, amate kihei-in damna a nga lo nadingun, tam mite’ lungsim mawlsah inlen, a bil uh bingsahin a mit uh singsah in,” ei ci hi.

Tamlawhna 3:9

ama in a kikhengsa suongtumte tawh ka lampi ei khahtan a, ka lampite a kawisah hi.

Ezekiel 20:26

Amate in keima Topa ka hi lam ei thei nading ule a cimul thaw thei nadingun a tapa tapen zosie utawh a pieh uh amau’ letsongte tungtawnin amate ka buasah hi.

Zechariah 1:12

Tua ciengin Topa’ vantungmi in, “Vanglien Topa aw, tam kum sawm sagi sung na lungthahna ziehin Jerusalem le Judah khuopite tungah bang tanvei hepi loin om ding na hei?” a ci hi.

Misimna 10:36

A khawl popo ciengin ama in, “Topa aw, Israel a tul a tul sawmte kungah hing kinuale in,” a ci hi.

John 12:40

“Amate in a mit utawh en loin, a lungtang utawh thei-a ang kihei lo nadingun, ama in a mit uh tawsahin, a lungtang uh a khausah hi. Tua hi sihle keima in amate ka damsah kha ding hi,” a ci hi.

Thupiakkikna 2:30

Ahi vangin Heshbon kumpipa Sihon in ei peisah lo hi. Azieh pen Topa na Pasien un tuni-a a bawl bangin na khut sung vuah ama a pieh thei nadingin a lungsim a khausah a, a lung zong a phengsah hi.

Joshua 11:20

Azieh pen Topa in Moses a thupiehsa bang lienin amate kihepi loin a kisuhsiet kilkel nading le a amate a cigam thei nadingun Israel-te tawh kido dinga ang kuon thei nading uh pen Topa’ nasep ahi hi.