Isaiah 59:8 - Zo Bible

⁸ Lungmuonna lampi a thei sih vua, a lampite vuah thutang om lo hi. Amate in a lampite uh a kawi-in a bawl uhi; tua sunga peite koima in lungmuonna mu lo hi.

LAISIENGTHOU CL Bible (BSI)

⁸ Lungmuonna lampi athei sih ua, alampi uah dihna a um sih hi; ama ua dingin lamkawi akibawl ua, tuami lampi a pei poumain, lungmuonna athei sih ding uhi.

Zokam International Version

⁸ Amaute in lemna lampi thei lo uh a; amau lampi-ah thutang a om kei hi. Amaute lamkawi-ah kihei khin uh a, amaute a zui peuhpeuh in lemna a thei kei hi.

Isaiah 59:8 ပူးပေါင်းရင်းမြစ်များ

Phatna-late 125:5

Ahi vangin lampi kawi a a piel mite ahile Topa in sietna bawl mite tawh a pui ton ding hi. Israel tungah kilemna om taheh!

Paunakte 2:13

khuomiel lampi a zawt nadingun thuman lampi a nuasie mite,

Paunakte 2:15

a lampi uh kawi-in a gamtat sawi mite panin ang kem ding hi.

Paunakte 21:8

Mikhielte’ lampi kawilieng a, mi siengthote’ gamtatna a man hi.

Paunakte 28:18

Citahna tawh a kalsuonte kihun ding a, lampi kawi a zui poma Guom sungah kiesuh ding hi.

Paunakte 3:17

A lampite nopsahna lampi hi a, a lampi zosie kilemna ahi hi.

Isaiah 48:22

“Migilote adingin kilemna om lo hi, Topa in ci hi.

Isaiah 5:7

Azieh pen Vanglien Topa’ lenggui huon khu Israel innkuonte ahi vua, Judah mite pen ahile lungkima a suon kungte ahi uhi; ama in thutang a lamen a, hizongle sisan luonna a mu hi; ama in thutang a lamen a, ahi vangin kaana a za hi!

Isaiah 59:11

I unpi-un vompi bangin i hawh uhi; vahuite bangin i maumau uhi. Thutang i lamen vua, khat beh a om sih hi; hutdamna i lamen vua, eite tawh a kigamla hi.

Isaiah 59:9

Tua ziehin eite tawh thutang kigamla a, thudih in eite ei ban lo hi; eite in khuovah i ngah vua, ngai un! khuomiel a om hi; eite in a vah i ngah vua, hizongle miel lam i zawt uhi.

Isaiah 65:2

Amau’ dei bang zui-a lampi hoi lo a zuite le a ledo mite tungah sun tungtawnin ka khut ka zah hi.

Jeremiah 5:1

Jerusalem gawlzing lahah suhtai totai unlen, en kawikawi-in ciemte un! A tuol-awng teng sui-in en unlen, a dih gamtat le thuman a sui mi khat na mu vua ahile keima in Jerusalem mawna ka maisah ding hi.

Matthew 23:23

No thukham hil siete, Pharisee-te, le mihoi kipangte in gimna na thuoh ding uhi! Azieh pen note in masala, lengmusel, le cummin sing namtuite sawm-ah-khat na pie phuat vua, thukham sunga a thupizaw ahi: thutang, khuotuona, le upnate lah na don vanuh sih uhi. Adangte nelsie tuom loin tamte na bawl zawh ding uh ahi hi.

Luke 1:79

khuomiel lahah a to mite le sina hlim nei-a om mite tungah khuovah pie-in kilemna lampi-ah ei pui ding hi,” a ci hi.

Rome-te 3:17

Amate in nopna lampi a thei sih uhi.”