Isaiah 56:8 - Zo Bible

⁸ A kipampaih Israel a kaikhawm Topa Pasien in tam bangin ci hi. A kikaikhawmsa mite banah amate kungah midangte ka kaikhawm ding hi, a ci hi.

LAISIENGTHOU CL Bible (BSI)

⁸ Nawmanga um Israelte puikhawmpa Mangpa Pasian in, akung apuikhawmsate ban ah, adangte zong akungah ka puikhawm nalai ding hi,” achi hi.

Zokam International Version

⁸ Thupipen TOPA - a kikhenthang Israel-te a kaikhawmpa in: "A kikaikhawmsa banah a omlaite amaute kiangah ka kaikhawm lai ding hi," a ci hi.

Isaiah 56:8 ပူးပေါင်းရင်းမြစ်များ

Piancilna 49:10

Ama tungah sieh le kaih a tun masang, mite in ama’ thu a man masangin, Judah panin kumpi ciengkhut le ama’ keng kikala uhpa’ ciengkhut kikhin lo ding hi;

Phatna-late 106:47

Topa aw, kote ei hun inlen, kote in na min siengtho tungah lungdam ka ko thei nading ule kote in na minthanna ka phat thei nadingun, minamte kung panin kote ei kaikhawm in.

Phatna-late 147:2

Jerusalem khuopi khu Topa’ lam ahi hi; ama in a kipampaih Israel mite kaikhawm hi.

Isaiah 43:6

Keima in leilu lam kungah, “Amate piedawh ta’n,” ci-in, leitaw lam kungah, “Tukon sin,” ka ci ding hi. Gamlapi panin ka tapate, leimong panin ka tanute,

Isaiah 49:12

En un, a gamlapi panin tamte ang pei ding vua, en un, tamte leilu lam le nitumna panin ang pei-in, Syene gam panin tamte ang pei ding uhi.

Isaiah 49:22

Topa Pasien in tam bangin gen hi: A sawt loin minamte tungah ka khut ka lamto ding a, mite adingin ka lim ka khai ding hi; amate in a kang sung vuah na tapate uh tawi-in ang puoh ding vua, amate in na tanute uh a liengko vuah puo-in ang puoh ding uhi.

Isaiah 49:6

Ama in, “Jacob minamte a lamto ding le Israel a suohtate a ngai bangsahkia dingin, ka nasem pa na hina pen a bailam no khat ahi hi. ka hutdamna in leimong dong a phah thei nadingin minamte tunga khuovah ahi dingin nang kang pie ding hi,” ei ci hi.

Isaiah 54:7

Bakhat sung kang nuasie zuai a, ahi vangin lainatna lienpi tawh kang khawmkia ding hi.

Jeremiah 30:17

Azieh pen amate in mi kipampai hing ci-in “Koima’ don lo Zion na hi hi,” ang ci ziehun na tungah damna kang piekia ding a, na liemmate ka damsah kia ding hi, Topa in ci hi.

Jeremiah 31:10

Minamte aw, Topa’ thu ngai un. A gamla tuipi panglamah va gen ta un. “Israel a thezah pa in ama kaikhawm ding a, tuucingpa in a tuute a cin bangin ama a cing ding hi,” va ci ta un.

Ezekiel 34:12

Tuucingte in a kithethang tuute lahah a tuuhonte a sui uh bangin, keima in ka tuute ka sui ding hi. Meiilum kai ni le khuomiel ni ciengin a kithezahna uh mun zosie panin amate ka hunkhie ding hi.

Hosea 1:11

Judah mite le Israel mite a kigawmkia ding vua, a makai ding uh khat a se ding uhi; tuale amate in gamh a luo ding vua, tua Jezreel hun pen hun thupi mama hi ding hi.

Micah 4:6

Khum ni ciengin keima in khelbaite ka khawm ding a, a kidelmang mite le ka bawlsiet mite ka kaikhawm ding hi.

John 10:16

Tami tuu khumna sunga a om lo tuu dang zong ka nei lai hi. Tuu khumna ah tuate kang peipi valon ding a, amate in ka aw a ngai ding uhi. Tuaci’n tuuhon khat, tuucing khat a om ding hi.

John 11:52

minamte ding beh hi loin, a kithethang Pasien’ tate pawlkhat a gawmtuo thei nadingin a si ding ahina thu kamsangpa bangin ama in thu mavang a gen hi.

John 7:35

Jew mite in, “Eite in ama i mu zawh lo nadingin hei sung pei sawm adiei? Greek-te lahah a Kithethangte kungah va pei-in Greek-te’ thu va hil sawm adiei?

Ephesa-te 1:10

Tua thuthuhpi i ci pen in, a hun a cin ciengin vantung le leitunga a om sil bangkim Khris sunga gawmtuo ding gelna ahi hi.