Isaiah 43:5 - Zo Bible

⁵ Nang kang ompi ziehin zau sin; nisuona lam panin na suonlehlahte kang puoh ding a, nitumna lam panin kang kaikhawm ding hi.

LAISIENGTHOU CL Bible (BSI)

⁵ Zau sih un, na kung uah ka um hi, suolam akipat in nahah nasuonte, ka hing zawpi ding a, tumlam akipat in ka hing kaikhawm ding hi.

Zokam International Version

⁵ Hong ompih ka hi manin lau kei in; nisuahna panin na tate kong puak dinga, nitumna panin nang kong kaikhawm ding hi.

Isaiah 43:5 ပူးပေါင်းရင်းမြစ်များ

Phatna-late 106:47

Topa aw, kote ei hun inlen, kote in na min siengtho tungah lungdam ka ko thei nading ule kote in na minthanna ka phat thei nadingun, minamte kung panin kote ei kaikhawm in.

Isaiah 41:10

nang kang ompi ziehin zau sin, na Pasien ka hi ziehin patau sin; keima in nang hing thakhausahin kang panpi ding a, ka galzawna zietlam khutin kang tu lenlon ding hi.

Isaiah 41:14

Lungno bang lel Jacob, no a neu Israel-te aw, zau sih un! Keima in note kang hu ding hi, Topa in ci hi; note ang Tankhie Pa pen Israel-te’ Siengtho Pa ahi hi.

Isaiah 41:8

Hinanle nang ka nasem pa Israel, kang teelsa Jacob, ka guolpa Abraham’ hlahlesuon;

Isaiah 41:9

leimong pana kang lah dawh, gammong a gamla pen pana kang hlat, “Nang ka nasem pa na hi a, nangma kang teel zo ta a, nang kang nuol sih hi,” kang ci pa aw;

Isaiah 43:1

Ahi vangin tu-in Jacob aw, nangma ang siempa, Israel aw, nangma ang bawlpa, Topa in tu-in tam bangin ci hi: Nang kang tat zo tah ziehin zau sin; na minin kang hlan zo ta a, nang pen keima-a’ na hi hi.

Isaiah 43:2

Tuite na kansan ciengin nangma tawh kang om ding hi; gunte na kansan ciengin nang ang tai sih ding hi; meikuong lai-a na pei ciengin ang hulvam sih ding a, tuale meikuong in nang ang katum sih ding hi.

Isaiah 44:2

Nangma ang siem pa, naubu sunga ang piengsah le nang ang hu ding Topa in tam bangin ci hi: Ka nasem pa Jacob aw, kang teelsa Jeshurun aw, zau sin.

Isaiah 49:12

En un, a gamlapi panin tamte ang pei ding vua, en un, tamte leilu lam le nitumna panin ang pei-in, Syene gam panin tamte ang pei ding uhi.

Isaiah 49:18

Na kimvelah khuodahin en in; amate a unpi-un a kikhawmin na kung ang zuon uhi. Topa in a genna ah, keima a nungta ka hi ma bangin, kizepna bangin tuate na sil ding a, motha bangin tuate na sil ding hi.

Isaiah 54:3

Azieh pen veilam le ziet lamah na kithezah ding vua, na suonlehlahte in minamte’ gou luo-in, a kilawi khuopite-ah a teng ding uhi.

Isaiah 54:7

Bakhat sung kang nuasie zuai a, ahi vangin lainatna lienpi tawh kang khawmkia ding hi.

Isaiah 61:9

Minamte lahah a suon a hlahte uh kithei ding a, mite lahah a cihlahte uh zong kithei ding hi; amate a mu zosie-in Topa’ thupha piehsa minam ahi lam thei-in a pom ding uhi.

Isaiah 8:10

Thu kikumton un, hinanle bangma a matlap a om sih ding hi. Thu gen un, ahi vangin a kip tuom sih ding hi. Azieh pen kote tawh Pasien a omton hi.

Jeremiah 23:7

Tua ahi ziehin Topa in kang ci-in, “Egypt gam pana Israel mite a peipi Topa a hing ahi ma bangin,” ci-in kiciem nawn loin,

Jeremiah 23:8

“Ama in a delmangna leilu lam gam le gam zosie panin Israel innkuon’ suonte a mapui Topa a hing ahi ma bangin,” ci-in a kiciemzaw ta ding uhi,” a ci hi. Tua ciengin a gam ciet vuah amate a teng ding uhi.

Jeremiah 29:14

Note’ mu-in ka om ding hi, Topa in ci hi. Tuale na gam uh kang piekia ding a, note kang delmangna gam zosie le mun zosie panin kang kaikhawm kia ding a, sala kang matsahna mun ma-ah kang tutkia ding hi, Topa in ci hi.

Jeremiah 3:18

Tuami ni ciengin Judah innkuonte in Israel innkuonte a pawl ding vua, leilu lam panin na pu na pate’ gouluo dinga ka na piehsa gamah a peiton ding uhi.

Jeremiah 42:11

Ni dang na giin bangun Babylon kumpipa giing ta sih un; Topa in a cina-ah, ama giing sih un, azieh pen ama’ khut sung panin ang hundam ding le ang hunkhie dingin note tawh kang omton hi.

Jeremiah 51:46

Gam sunga kam baleng kigente ziehin lungkie loin zong zau sih un. Kum khatin kam baleng khat kigenin a kumkia ciengin adang khat kigen hi. Gam sungah tatsietna le kumpi khat le kumpi khat kidona kam balengte a ging hi.

Joel 3:7

Ahi vangin tu-in na zuana uh mun ciet panin amate ka hantawh ding a, na luzang vuah na sepsa teng uh ka tungsahkia ding hi.

Micah 2:12

Jacob aw, na unpi-un kang kaikhawm valon ding hi, Israel a omlai teng zong kang kaikhawm ding hi; tuubuh sunga tuu khum bang le lonona muna tuuhon bangin amate ka koiton ding hi; khum mun pen mi husa tawh a kidimkia ding hi.

Zechariah 8:7

Vanglien Topa in tam bangin gen hi: Keima in nisuona lam gam le nitumna lam gam panin ka mite ka hundam ding hi;

Luke 13:29

Tua ciengin nisuona, nitumna, leilu le leitaw lam panin mite pei-in Pasien’ manggam sungah an a ne ding uhi.

John 10:16

Tami tuu khumna sunga a om lo tuu dang zong ka nei lai hi. Tuu khumna ah tuate kang peipi valon ding a, amate in ka aw a ngai ding uhi. Tuaci’n tuuhon khat, tuucing khat a om ding hi.

Thupiakkikna 30:3

Topa na Pasien un hing nuomsa sah kia-in na tung vuah lainatna ang nei ding a, ang thethangna mi zosie lah panin Topa na Pasien un ang kaikhawmkia ding hi.