Isaiah 30:8 - Zo Bible

⁸ Tu-in pei-in ang tung ding hunte-ah khantawn teci dingin a mai vua suongpeh tungah giel inlen, laibu khat sungah khum in.

LAISIENGTHOU CL Bible (BSI)

⁸ Tuin pei inlen, amasang ua suongpeh tungah giel inlen, laibu ziel sungah giel in, tuakhu hun hing tung dingte a, kumtawn tan a chiemtena ahiden theina dingin.

Zokam International Version

⁸ Tu-in pai inla,suangpek tungah gelhsak-in, hong tung lai ding hunah teci a hi tawntung thei dingin laizial tungah khuaksak in.

Isaiah 30:8 ပူးပေါင်းရင်းမြစ်များ

Isaiah 2:2

Ang tung ding nite ah Topa’ biehinn muol pen muol golte lahah a sang penin kikipsah ding a, tuale muoltangte tungah a kitawisang ding hi; minam zosie in tua mun a zuon valuoi ding uhi.

Isaiah 34:16

Topa laibu pan sui unlen sim un: Tuate lahah khat zong a kimansuo sih ding hi; amate lawm nei lo koima a om sih ding uhi. Bangzieh ahei cile Topa in a kam tawh thupie zo a, ama’ hlagau in amate a khawmzo hi.

Isaiah 8:1

Tua ciengin Topa in keima kungah, “Suongpheng gol khat la inlen, tua tungah mikim in a thei dingin laiteng tawh, ‘Maher-shalal-hash-baz ading,’ ci-in giel in,” a ci a,

Jeremiah 23:20

A lungtup teng semin a tangtunsah masangsie, Topa’ lungthahna a kilekia sih ding hi. Ang tung ding nite ah note in kicien tahin na thei ding uhi.

Jeremiah 30:2

Israel’ Pasien, Vanglien Topa in tam bangin ci hi: Na kunga kang gensa thute zosie laibu khat sungah khum in.

Jeremiah 36:2

Laiziel khat la inlen, tua sungah Josiah’ kumpi sep hun sung, nang kang hopi ni-a kipanin tuni cieng dong Israel gam, Judah gam le minam zosie langkhatah na kunga kang gen zosie giel in.

Jeremiah 36:4

Tua ciengin Jeremiah in Neriah’ tapa Baruch hlan a, Topa in ama kunga a gensa thu zosie Baruch in Jeremiah’ sit bang lienin a unpi-in laiziel sungah giel hi.

Jeremiah 48:47

Hinanle ni nukhia ciengin Moab a gam ka piekia ding hi, Topa in ci hi. Moab tunga thukhenna tam cieng ahi hi.

Jeremiah 51:60

Jeremiah in Babylon tawh kisai-in Babylon-a tung ding gimna zosie laiziel khatah giel hi.

Ezekiel 38:16

tuale meiipi in leitung a tuom bangin ka mi Israel-te sim dingin nang kuonto ding hi. Hun nukhia lam ciengin ka gamsung sim dingin kang peipi ding a, tuaci’n Gog aw, minamte in nang tungtawnin kei ei thei uh ciengin amate muna-ah ka sienthona ka lah ding hi.

Hosea 3:5

Tua zaw ciengin Israel-te kihei-in Topa a Pasien ule a kumpipa uh David a sui ding uhi; hun nukhia ciengin amate in zatahna lienpi tawh Topa le ama’ hoina a zuon ding uhi.

Habakkuk 2:2

Tua ciengin Topa in kei ei dawng hi: A tai mipa khat’ sim thei dingin suongpehte tungah a kicienin, tua mangmuna giel in;

Misimna 24:14

Tu-in ka mite kungah ka pei ding hi; nidang hun ciengin tam mite in na mite tungah bang teng bawl ding uh ahei, ci thu kang kikuppi ding hi,” a ci hi.

Thupiakkikna 31:19

Tua ahi ziehin tu-in tami la giel inlen, Israel-te tungah hil in; Israel-te langkhatah kei dinga teci a suoh dingin a kam sung vuah tami la mop in.

Thupiakkikna 31:22

Tua ni ma-in Moses in tami la gielin Israel-te a hil hi.

Thupiakkikna 31:29

Azieh pen ka si nua ciengin nang siet gamtat valon ding vua, kang thupieh lampi panin na piel ding lam uh ka thei hi. Mailam hun ciengin Topa muna-ah siet gamtatin na khut utawh na bawlsate uh ziehin ama lungthahsah ding na hi ziehun na tung vuah gimna ang tung ding hi,” a ci hi.

Thupiakkikna 4:30

Genthei thuohin mailam hun ciengin na tung vuah tam thute zosie ang tun ciengin, Topa na Pasien uh lamah kihei-in a thu na mang ding uhi.

1 Timothy 4:1

Tu-in Hlagau in kicientahin a gen thu in, hun nukhia ciengin mi pawlkhat in upna thu taisanin zuou thei hlagaute’ thugen le dawite’ thuhilnate a mang ding uhi.

2 Peter 3:3

Amasa penin note in na thei ding uh thu in, ni nukhia hun ciengin mi simmaw hatte ang pieng ding a, a cilesa deina uh bangin gamta-in mi a simmaw ding vua,

Jude 1:18

Bangzieh ahei cile amate in, “Hun nukhia ciengin Pasien zatahna zie ahi lo a pumpi uh’ deigawna lam a zui mi simmawte ang pieng ding hi,” ci-in note tungah ang gen zo uhi.