Isaiah 14:12 - Zo Bible

¹² Phalvah’ tapa Zingsol aw, vantung pan nang a bangci kieh na hiei! Minamte a niem koi pa ahi nangma, leilah dongah ang bangci kisattan dawh ahiei?

LAISIENGTHOU CL Bible (BSI)

¹² “Aw Lusifer phalvah tapa, Bangchidan a van akipata hing kesuh na tai? Nang namchin suzawngkhalpa, bang achileh lei lah a satkhiet suh a um natai mah!

Zokam International Version

¹² Phalvak tapa zingsol aw, van pan bangci kiatsuk na hiam, khat vei lai-a minamte a niamkhiatpa lei ah hong kikhiasuk mawk hi lo maw!

Isaiah 14:12 ပူးပေါင်းရင်းမြစ်များ

Isaiah 13:10

Azieh pen vantung aasite le aasi honpite in amau’ khuovah a tangsah nawn sih ding uhi; ni ang suo ciengin miel pai ding a, hla in zong khuovah tangsah lo ding hi.

Isaiah 34:4

Vantunga om zosie muotmang ding a, laiziel bangin vantungte kiziel ding hi. Lenggui tunga a nate a vul bang le theikung tunga a ga a vul bangin, vantung na zosie vul ding hi.

Jeremiah 50:23

Leitung buppi’ sehpi-a kizang pa bangci dan a kisatkeh gawp ta adiei! Minamte lahah Babylon bangci dan a cizat huoi suoh ta adiei!

Jeremiah 51:53

Vantung dongah Babylon kato nanle, a sangpi-in a kulpi get zong nanle, keima kung panin mi susie dingte ama tungah tung veve ding hi, Topa in ci hi.

Tamlawhna 2:1

Bangci dan a Topa a lungthah zieha Zion’ tanu khu hici kisimmaw adiei! Ama in vantung panin Israel’ thupina leitungah paisuh zo hi; a lungthah ni-in ama in a keng ngahna phawh kha nawn lo hi.

Ezekiel 26:17

Amate in nang tungah kaateng loin tam bangin ang gen ding uhi: Aw khuopi minthang, nang le na sunga tengte, tuipi tunga a hatpen ahi ngaisa khuopi, gam thupi zosie tungah nangma’ giinhuoina a tungsah khuopi, bang a cile tuipite pana hici manthai va-ia na diei!

Obadiah 1:4

Muvanlai bangin a sangna munah lengto-in, aasite lahah bu na bawl zongin, khum panin kang khiesuh veve ding hi, Topa in ci hi.

Luke 10:18

Ama in amate kungah, “Keima in vantung panin keh kie bangin Satan ang kiehsuh ka mu hi.

2 Peter 1:19

Tuaci’n kote in a kipzaw lai ahi kamsangte’ thugen ka nei uhi. Na lungsim sung vuah zingsol hing suohin khuo ang va masangin khuomiel lahah meivah tang bangin tam thute thupi sim locin hoi ding hi.

2 Peter 2:4

Azieh pen vantungmite a maw ciengin Pasien in dawm vawt loin hell sungah khiesuh a, thukhen ni donga kep dingin khuomiel dum thuhpi sungah na khumcip ahile,

Kilaakna 2:28

keima zong ka Pa kung panin thuneina nga ka hi hi. Keima in zong a guolzo mi pa tungah zingsol aasi ka pie ding hi.

Kilaakna 22:16

“Keima Jesu in hlattuom pawlpite ading tami teci panna thu na kunga ang gen dingin ka vantungmi kang sawl hi. Keima pen David’ zungpi le a suon ahi, zingsol ka hi hi,” ei ci hi.

Kilaakna 8:10

A thumna vantungmi in a pengkul a mut leh meila banga a kuong aasi golpi khat vantung panin ang kiesuh a, gunte le tuinahte sethum-suo-sekhat tungah tusuh hi.

Kilaakna 9:1

A ngana vantungmi in a pengkul a mut leh van panin lei ah aasi kiesuh khat ka mu a, mong nei lo kuohawm vang honna tawhtang ama kipie hi;