Isaiah 12:4 - Zo Bible

⁴ Tua ni ciengin tam bangin na gen ding uhi: Topa tungah lungdam ko-in ama’ min lo un; minamte lahah ama’ nasepnate phuongzah un; ama’ min kitawisang hi, ci-in phuongzah un.

LAISIENGTHOU CL Bible (BSI)

⁴ Tua ni chiengin nouten “Mangpa phat unlen, Amin lou unlen, asil bawlte Zentelte lah ah theisah unlen, Amin tawisanga um ding ahi, chi’n phuong un.

Zokam International Version

⁴ Tua ni ciangin note in: "TOPA tungah lungdamna ko-in a min lo un; ama sepsate minamte lakah kitheisak unla a min a kitawisangna tangko un.

Isaiah 12:4 ပူးပေါင်းရင်းမြစ်များ

1 Khangthute 16:8

Topa kungah nuom thu tut un, ama’ min lo unlen, ama’ nasep teng mite lahah kitheisah un.

1 Khangthute 29:11

Topa aw, lietna, vanglietna, minthanna, guolzawna, le thupina nangma-a’ ahi hi. Azieh pen vantung le leitunga om zosie nangma-a’ ahi hi; Topa aw, kumpi gam nangma-a’ ahi a, tuate zosie tungah nangma a lutangin ang kitawisang hi.

Nehemiah 9:5

Tua ciengin Levi-te Jeshua, Kadmiel, Bani, Hashabneiah, Sherebiah, Hodiah, Shebaniah, le Pethahiah-te in, “Dingto unlen, tawntung panin tawntung dongin Topa na Pasien uh patawi un. Thupha namcin le patawina teng tungah a kitawisang vanglien na min in thupha nga taheh,” a ci uhi.

Phatna-late 105:1

Topa tungah lungdamko-in, ama’ min hlan unlen, ama’ silbawlte mite lahah theisah un.

Phatna-late 107:22

Amate in lungdamko biehpiehnate pie uh hinlen, lungdam lasahna tawh ama’ nasepnate gen uheh.

Phatna-late 113:5

A sangna muna a to pa, i Topa Pasien tawh kibang koi om a,

Phatna-late 148:13

Amate Topa’ min phatsah un, azieh pen ama’ min beh kitawisang hi; ama’ minthanna pen leitung le vantung sangin sangzaw hi.

Phatna-late 18:46

Topa hing hi! Ka suongpi in thupha nga hinlen, ka hutdamna Pasien tawisangin om taheh,

Phatna-late 21:13

Topa aw, na hatna sungah nang hing kitawisang heh! Kote in na vanglietna la sa-in kang phat ding uhi.

Phatna-late 22:31

a suoh nai lote tungah ama’ sepsa hotkhietna thu tangko ding uhi.

Phatna-late 34:3

Keima tawh Topa liensah un, eite in ama’ min tawisang ton va vui.

Phatna-late 40:5

Topa ka Pasien aw, na sepna lamdangte le kote dinga na ngaisutnate tampitah na phasah zo hi; nang pen koima dang tawh tekah thei ding na hi sih hi. Tam thute tangko-in gen ding hileng sim zawh loin a tam hi.

Phatna-late 46:10

“Om hihiet unlen, Pasien ka hi lam thei un! Minamte lahah keima ei kitawisang a, leitungah zong keima ei kitawisang hi,” a ci hi.

Phatna-late 57:5

Pasien aw, vante tungah kitawisang in. Leitung zosie tungah na minthangsah in.

Phatna-late 68:5

Pa nei lote’ pa le meigongte a huoi pa ama’ tenna siengtho-a om Pasien ahi hi.

Phatna-late 73:28

Hinanle kei adingin ahile Pasien tawh ka kinai a hoi hi; nangma’ nasepna zosie ka gen thei nadingin Topa Pasien pen ka kibuhna-in ka bawl zo hi.

Phatna-late 9:11

Zion-a teng Topa phatna la sa un. Mite lahah ama’ nasepnate pulah un.

Phatna-late 96:3

Minamte lahah ama’ minthanna tangko unlen, mi zosiete lahah a sil lamdang bawlte tangko un.

Phatna-late 97:9

Azieh pen Topa aw, leitung zosie tungah nangma a sangpen na hi hi; pasien zosiete tung pehah nang ang kitawisang hi.

Paikhiatna 15:2

Topa khu ka zaitha le ka thahatna ahi a, ama ka hutdamna a suoh zo hi. Ama ka Pasien ahi a, ama ka phat ding hi. Keima in ka pa’ Pasien phatin ama ka liensah ding hi.

Paikhiatna 33:19

Ama in, “Na mai-ah ka hoina zosie ka peisah ding a, na mai-ah keima’ min,’ Topa’ ci-in ka phuongzah ding hi; tuale ka lungsiet nop mite ka lungsiet ding a, ka hepi nop mite ka hepi ding hi.

Isaiah 12:1

Nangma in khum ni ciengin tam bangin na gen ding hi: “Topa aw, na kungah lungdam kang ko ding hi, bangzieh ahei cile kei tungah nang na lungthah vangin na lungthahna a dam zo ta a, nangma in kei nei henem hi.

Isaiah 2:11

Mite’ kilietsahna mitte kiniemkoi ding a, mi zosie’ kiphatsahna kiniemkhieh ding hi; khum ni ciengin Topa beh kitawisang ding hi.

Isaiah 2:17

Mite’ kilietsahna kiniemkhieh ding a, mite’ kiphatsahna kiniemkoi ding hi; khum ni ciengin Topa beh kitawisang ding hi.

Isaiah 24:15

Tua ziehin nisuona lamah Topa min phat un; tuipi gei-a a teng mite in Topa Israel-te’ Pasien’ min phat un.

Isaiah 25:1

Topa aw, ka Pasien na hi hi; nangma kang domsang ding a, na min kang phat ding hi; azieh pen nangma in na lamdangte na bawl zo a, tangtawnga na gelnate muonhuoi-in thawn ngai lo hi.

Isaiah 26:8

Topa aw, na thukhenna lampi-ah nangma kang ngah uhi; ka hlagau’ lunggul khu ahile na min le na minthanna ahi hi.

Isaiah 33:5

Topa kitawisang a, a sangna munah ama a teng hi; ama in thutang le thudih tawh Zion kidimsah hi;

Isaiah 42:12

Amate in Topa kungah vanglietna pie uh hinlen, tuipi gei-a gamte ah ama phatna tangko uheh.

Isaiah 48:20

Babylon panin peikhie unlen, Chaldea panin tai un. Kipahna awging tawh tam thu genin pulah unlen, leimong dongin puoh un. “Topa in a nasem Jacob tankhie zo hi!” ci-in gen kawikawi un.

Isaiah 66:19

tuale keima in amate lahah lim khat ka koi ding hi. Amate sung panin Tarshish mite kung, Put le thalpi kap a siem Lud-te kung, Tubal le Javan mite kung, le ka minthanna a za ngai lo le ka thupina a mu ngai lo tuipi gei gamlapi-a om mite kungah a suohta lai mite ka sawl ding hi; tuale amate in minamte lahah ka thupina a pulah ding uhi.

Jeremiah 50:2

Minamte lahah genin phuongzah unlen, phuoldap sih unlen zawna dielkhai khai-in phuongzah un: Babylon kila ta hi. Bel pasien kimaizumsah a, Merodach pasien lungkie ta hi. Tua nu’ milimte kimaizumsah a, a pasien’ limte lungkie ta hi.

Malachi 1:11

Azieh pen nisuo-a kipan nitum dongin minamte lahah ka min lienin, muncin tengah ka minin gimnamtui le biehna siengtho kipie ding hi; azieh pen minamte lahah ka min lien hi, Vanglien Topa in ci hi.

John 17:26

Amate na min ka theisah zo ta a, amate sungah kei nei itna za itna a op thei nading le, amate sungah kei ka op thei nadingin keima in na min ka theisah lai ding hi,” a ci hi.