Hosea 5:15 - Zo Bible

¹⁵ Amate in a mawna uh pulahin ka mai ei sui masangun, ka opna munah ka kilekia ding hi. Amate a lungkham ciengun ka maipha ang sui ding uhi:

LAISIENGTHOU CL Bible (BSI)

¹⁵ A khelna uh kiphawh a, ka mel asui masangsie uh, Ka umna ah ka kia san ding hi; agimthuohna uah kei pilvang tahin ahing sui ding uhi.

Zokam International Version

¹⁵ Tua ciangin amaute in a khialhna uh mawh a kisak matengun ka omna munah ka pai kik ding hi; Tuateh amaute in ka maitang hong zong ding uh hi; a gentheihna uah citakin kei hong zong ding uh hi," a ci hi.

Hosea 5:15 ပူးပေါင်းရင်းမြစ်များ

Piancilna 42:21

Amate khatlekhat in, “Kasai, eite i hi leh i sanggampa uh tunga i bawl mawna dan a lokia i hi ta uhi; ama in eite kunga ang thum lai-in a lungkhamna i mu vua, hinanle a thu i ngai sih uhi. Tua ahi ziehin i tung vua tami lungkhamna ang tung ahi hi,” ci-in a kiho uhi.

2 Khangthute 7:14

keima’ min tawh a kilo ka mite, amahaw mama ang kiniemkhiehin, thu ngenin ka mai ang sui vua, a gitlo gamtatnate panun ang kihei uleh, keima in vantung panin za-in a mawna uh maisahin a gam uh ka damsah ding hi.

Job 33:27

Tua pa in mi mai-ah la sa a, ‘Kei ka maw zo a, thuman ka lehei ta hi, keima tungah ei kithuhkia sih hi.

Phatna-late 107:13

Tua ciengin a lung uh khamin Topa kungah a kiko vua, ama in a lungkhamna panun amate a hunkhie hi;

Phatna-late 107:19

Tua ciengin amate lungkhamin Topa kungah a kiko vua, tuale a lungkhamna uh panin amate a hunkhie hi.

Phatna-late 107:28

Tua ciengin amate lungkhamin Topa kungah a kiko vua, ama in a lungkhamna uh panin amate a hunkhie hi;

Phatna-late 107:6

Tua ciengin lungkhamin Topa kungah a kiko vua, ama in a lungkhamna uh panin amate a hunkhie hi.

Phatna-late 132:14

“Tami mun pen kumtawn a ka tawlngahna mun ahi hi; tami mun dei ka hi ziehin tam sungah ka teng ding hi.

Phatna-late 50:15

Hahsat hun ciengin keima ei hlan un; keima in kang hunkhie ding a, nangma in kei nei minthangsah ding hi,” a ci hi.

Phatna-late 78:34

Ama in amate a tha ciengin, amate in ama a sui pan na bo uhi; amate a kisiekia vua, lunglut tahin Pasien a sui uhi.

Phatna-late 83:16

Topa aw, amate in na min ang sui thei nadingun, a maitangte uh zumna tawh kidimsah in.

Paunakte 8:17

Kei ei itte ka it a, kintaha ei suite in ei mu uhi.

Isaiah 18:4

Azieh pen Topa in kei kungah tam bangci hi: Nitang sunga a lum hiuhiau bang le, anlah nisat lai-a meizun bangin, ka tenna mun panin sip dide-in ka en ding hi.

Isaiah 26:16

Topa aw, amate in lungkham hunin nang ang sui vua, nangma in amate na gawt ciengin thungetna sungin ang tau uhi.

Isaiah 26:21

Bangzieh ahei cile amau’ khielna ziehin leitunga tengte dan a pie dingin, a opna panin Topa ang kuon hi; leitung in a tunga sisan a luongsahte pholah ding a, a thasa mite zong selcip nawn lo ding hi.

Isaiah 26:9

Zanin ka lungsim in nangma ang hlagul a, ka sunga om ka hlagau in lawptahin nangma ang sui hi. Bangzieh ahei cile nangma in leitungah thu na khen ciengin leitunga a teng mite in thudih kici a mu thei uhi.

Jeremiah 2:27

Amate in singkung khat kungah, “Nang ka pa na hi hi,” a ci vua, suongtum khat kungah, “Ei piengsah pa na hi hi,” a ci uhi. Bangzieh ahei cile amate in kei ei maingat loin, ei nuangat uhi. Ahi vangin hamsat a tuo uh ciengin, “Hing pei inlen ei hun in!” ei ci veve uhi.

Jeremiah 3:13

Topa na Pasien na langpanna, singna hing nei cin tenga zinte lahah na angvanna na thezahna, keima’ thu nei man lonate beh pulah in, Topa in ci hi.

Jeremiah 3:14

A zulzau ka tate aw, hing kilekia un, azieh pen kei nohaw’ pupa ka hi hi, Topa in ci hi; keima in khuopi khat pan mi khat, innkuon khat pan mi ni kang la ding a, Zion ah kang peipi ding hi.

Tamlawhna 3:40

I gamtatnate kisittelin Topa kungah kinuale va vui.

Ezekiel 10:4

Tua ciengin cherub tung panin Topa’ minthanna vang ang kato-in biehinn sangkil ah ang om hi. Biehinnpi meiilum tawh kidimin a tuol teng Topa’ minthanna vang in a tanvah hi.

Ezekiel 11:23

Tuale khuopi laikim panin Topa’ minthanna vang kato a, khuopi nisuona lam muol tungah a khawl hi.

Ezekiel 20:43

Khum sungah ang buasah na om dante ule na gamtatna uh zosie na phawh ding vua, sil hoi lo na bawl zosie ziehun no le no na kikidah ding uhi.

Ezekiel 36:31

Tua ciengin note in na gamtat hoi lote ule na silbawl uh a hoi lote na phawhkia ding uhi; tuale na khielna ule na sil mudahuoi bawlnate uh ziehin no le no na kikidah ding uhi.

Ezekiel 6:9

Saltang dinga a kipeipina munah a om minamte lah panin a suohta sunte in a kideh zo lo a lungsim ziehun keima kung panin vahmang nan ule a kideh zo lo a mit ziehun a milimte uh’ nua a zuina uh ziehin, ka lungsim a kitapzan lamtah amate in thei siemin keima ei phawh ding uhi. Tua ciengin a kidahhuoi gitlona a bawlte zosie uh ziehin amahaw mama a huothuoi-in kimu ding hi.

Ezekiel 8:6

Ama in keima kungah, “Mihing aw, amate in keima’ munsiengtho panin a gamlapi ah ei nawmang thei nadingun tam munah Israel innkuonte in a kidahhuoi gamtatnate a bawl uh na mu ei mah? ei ci hi.

Hosea 3:5

Tua zaw ciengin Israel-te kihei-in Topa a Pasien ule a kumpipa uh David a sui ding uhi; hun nukhia ciengin amate in zatahna lienpi tawh Topa le ama’ hoina a zuon ding uhi.

Hosea 5:6

A tuuhon ule a bawnghonte tawh Topa sui-in amate a pei ding vua, ahi vangin amate in ama a mu sih ding uhi; amate kung panin ama a nuakia zo ta hi.

Micah 1:3

Azieh pen en un, a tenna mun panin Topa ang pei ding a, ama in leitung mun sangte tuoncilin ang kumsuh ding hi.

Misimna 21:7

Moses kungah mite pei-in, “Topa le nangma hing langpangin kampau kha ka hi ziehun ka maw uhi. Ka kung panun tam gulte a lah dawh nadingin Topa tungah thungen in,” a ci uhi. Tuaci’n Moses in mite adingin thu ngen hi.

Luke 13:25

Khatvei inn neipa tho-in kot a khazaw ciengin note in zong a pulamah dingin kot na kiu ding vua, “Topa aw, kot ei hon in,” na ci ding uhi. Tua ciengin ama in note kungah, ‘Hei pana hing pei ci kang thei sih uhi,” ci-in a dawng hi.

Thukhente 4:3

Tua ciengin huna ngen dingin Topa tungah Israel-te kiko uhi; azieh pen ama in sia sakol leeng zakuo nei a, Israel-te kum sawmni sung nahpi tahin a bawlsie hi.