Hosea 12:3 - Zo Bible

³ A nu gil sungah ama in a sanggampa’ ketul man a, a khangham ciengin Pasien tawh ama kibuon hi.

LAISIENGTHOU CL Bible (BSI)

³ Naubu a aumlai in asanggampa ketul atu a, ahatna zal in Pasian abuon hi.

Zokam International Version

³ Amah in naubu sungah a sanggampa’ khetul man hi; mi khat bangin Pasian a lai hi.

Hosea 12:3 ပူးပေါင်းရင်းမြစ်များ

Piancilna 25:26

Tua ciengin a khutin Esau’ ketul tu kawmin a sanggampa a suoh hi; tuaci’n ama pen a min Jacob kiphuo hi. Ama in tuate a nei hunin Isaac kum sawmguh a pha hi.

2 Kumpite 17:18

Tua ahi ziehin Israel tungah Topa lungthahin ama in ama’ muna panin amate a hemkhie hi; Judah minam khat beh ci simlo, koima dang om nawn lo hi.

2 Kumpite 17:20

Topa in Israel’ suonlehlahte zosie a nuol hi; ama in amate dan pie a, ama kung panin a hawlkhiet masangin mi bulute’ khut sungah amate a pie hi.

Jeremiah 2:9

Tua ahi ziehin keima in note khatvei kang mawsah hi, Topa in ci hi. Keima in na tate uh’ tate tungah kang mawsah lai hi.

Ezekiel 7:3

Tu-in nang tungah a tawpna ang tung a, keima in nang tungah ka lungthahna kang hla ding hi; na gamtatna dung zui-in thu kang khen ding a, na kidahhuoina zosie ziehin dan kang pie ding hi.

Ezekiel 7:8

Tu-in a sawt loin na tungah ka lungthahna kang buosuh ding hi; nang langkhatah ka lungthahna ka zang ding hi. Na gamtatna zui-in na tungah thu ka khen ding a, na kidahhuoina zosie ziehin dan kang pie ding hi.

Hosea 4:1

Israel mite aw, Topa’ thugen ngai un; azieh pen Topa in gam sunga a tengte mawmatna khat nei hi. Gam sungah citahna, dihna le Pasien theina om lo hi.

Hosea 4:9

Mite tunga a tun bangin siempute tungah zong tung ding hi; amau’ tot lampi bangin amate dan pie-in, amau’ gamtat bangin ka thuhkia ding hi.

Amos 2:4

Topa in tam bangin ci hi: Judah khielna thum le li ziehin, danpiehna ka dawhkia sih ding hi; azieh pen amate in Topa’ thukham a nuol zo vua, a thu kipte zui loin, hinanle amate in a pu a pate’ na zuisa zuouphuonate tawh, amate lam khielsah zo hi.

Micah 6:2

No muolsangte le a kip leitung bulpite aw, Topa in mi a nielna ngai vawi un; azieh pen a mite tawh Topa thu kiniel a, Israel-te tawh thu kisel ding hi.

Rome-te 9:11

A suo masang nangawn ule a sie le a pha khatpo a bawl thei masangun (teelna tawh kisai Pasien’ lungtup a kizop suoh nadingin,