Galatia-te 2:9 - Zo Bible

⁹ khuompi banga a kiciemte makaite ahi James, Cephas le John-te in keima tungah hepina ei kipie zo hi, ci thu a thei ciengun Barbabas le keima tungah kilawmtatna zietlam khut ei pie vua, ko gel pen Gentile-te kungah pei-in, amate ahile tep kitan mite kunga pei ding a thukim uhi.

LAISIENGTHOU CL Bible (BSI)

⁹ Tualeh hattuom khuompi bang hiel a um, Jakob, Peter leh Johan in ka kunga hepina hing kipie athei bep un, koute gel Jentelte kunga pei dingin, tualeh amaute teptante kunga pei dingin, Kei leh Barnaba kipawlkhawmna khut zietlam ahing pie uhi.

Zokam International Version

⁹ James, Peter c le John-te in kei tungah hehpihna hong kipia cih a theih uh ciangin kei le Barnabas kilawmtakna khut taklam hong khak uh hi. Amaute in kote Gentile-te tungah pai-a, amaute Jew-te tungah a pai ding uh a thukim uh hi.

Galatia-te 2:9 ပူးပေါင်းရင်းမြစ်များ

2 Kumpite 10:15

Ama in khum mun a nuasie ciengin ama dawn dinga a pei Rekhab’ tapa Jehonadab tawh kituoh hi; Jehu in tuapa hopi-in ama kungah, “Nang tungah ka lungtang a thuman bangin, kei tungah na lungtang a thuman ei mah?” a ci hi. Jehonadab in dawng a “Man hi,” a ci hi. Jehu in, “Tua ahile na khut ei hlah in,” a ci hi. Tuaci’n ama in a khut a hlah hi. Jehu in sakol leeng tungah ama kaito hi.

Matthew 16:18

Ke’n kang ci-in, nang Peter na hi a, tami suongpi tungah ka hlattuom pawlpi ka lam ding hi, Misi khuo kotpite in tua hlattuom pawlpi a zo sih ding hi.

Luke 22:8

Tuaci’n Jesu in Peter le John sawlin, “Pei ta unlen i neh ding Peisan Pawi ankuong va bawl ta un,” ci-in a gen hi.

John 1:42

Ama in Jesu kungah Simon peipi a, Jesu in ama enin, “Nang, John’ tapa Simon na hi hi. Cephas ang kici ta ding hi,” a ci hi. ( Peter ci-in kilet hi).

Nasepte 12:17

Ama in a ham lo nadingun amate a khut tawh lah a, Topa in thong sung panin ama a lahkhiet dan teng a gen hi. Ama in, “James le thu um mite kungah tam thu va gen ta un,” a ci be lai hi. Tua ciengin ama in tua mun nuasie-in mundangah a pei hi.

Nasepte 15:13

A thugen uh a man zaw ciengin James in, “Sanggamte aw, ka thugen na ngai un.

Nasepte 15:7

Sawtveipi a kisel zaw ciengun Peter zong dingto a, “Sanggamte aw, kei tung panin Gentile-te in lungdamna thu za-in thu um mi a suo thei nadingun sawtveipi lai panin note lahah Pasien in kei ei teelna thu na thei uhi.

Nasepte 4:36

Cyprus khuo-a pieng, Joseph kici Levi-te khat, sawltahpite in Barnabas (Hanthawn Siempa’ Tapa a cinopna) a ci uh mipa khat a om hi.

Rome-te 1:5

Ama tungtawn le ama’ min ziehin Gentile-te zosie lahah upna le thumanna a op thei nadingin kote in hepina le sawltahpi za ka nga vua,

Rome-te 12:3

Bangzieh ahei cile keima ei kipie hepina ziehin note lah mi zosie tunga kang gen nuom thu in, na hina za sanga a sangzaw-in no le no na kingaisun sih unlen, Pasien in note ang pieh upna za tawh kizui-in a kilawm cieng bep khatin kingaisun zaw un.

Rome-te 15:15

Hinanle note’ phawkia dingin keima in hangsantahin na kung vuah thu pawlkhat kang giel zo hi. Pasien in ei pieh hepina ziehin,

1 Corinth-te 15:10

Ahi vangin Pasien’ hepina ziehin kei pen ka hi bang ka hi a, ama in kei tunga ei pieh a hepina pen a mawhna suoh lo hi. Tuale mahin amate khatpo sangin zong nasep ka hakat zaw a, - tua khu kei sep hi sih nanle - keima ei ompi Pasien’ hepina in a sep ahi hi.

2 Corinth-te 11:5

Kote ka hi ule tami a thupi mama sawltahpite sangin a neu zaw-in ka kingaisun tuon vawt sih uhi.

2 Corinth-te 12:11

Kei mimaw ka hi ta hi! Tua dinga nei paubawl uh ahi hi. A tahtahin kei pen nei pahtah lawm uh ka hi hi, bangzieh ahei cile bangma ka hi lo vangin tami sawltahpi lien pente sangin ka neuzaw tuon sih hi.

2 Corinth-te 8:4

Tam misiengthote adinga nasepna-ah amate kihalin hamphatna a nga thei nadingun kote kungah ang thum ngetngut uhi.

Galatia-te 1:16

Gentile-te lahah ama’ thu ka gen thei nadingin keima tungah lungkimtahin a Tapa ang kilahsah lai-in mi koima khat zong ka dong sih a,

Galatia-te 1:18

Tua zaw kum thum ciengin Cephas kunga haw dingin Jerusalem ah ka peito a, ama kungah ni sawm le ni nga sung ka tam hi.

Galatia-te 2:1

Tua zaw kum sawm le kum li ciengin Barnabas tawh Jerusalem khuo ah ka peito kia a, Titus zong ka zawpi hi.

Galatia-te 2:2

Kilahna dung zui-a a pei ka hi hi. Tua ciengin (a makai deute beh a tuomin ka kimupi vangin) a mawhna-a tai ka suo lo nadingin amate mai-ah Gentile-te lahah ka hilsa lungdamna thu ka va lui ta hi.

Galatia-te 6:3

Azieh pen bangma ahi lote a kithupi ngaisut uleh amau le amau kisol ahi uhi.

Ephesa-te 2:20

innkiu suongpi Jesu Khris mama tawh khuombul ahi sawltahpite le kamsangte tunga a kilam na hi uhi.

Ephesa-te 3:8

Kei ka hile misiengtho zosiete lahah a neupen ka hi vangin Gentile-te tungah ciengtan a nei lo Khris’ haunate ahi lungdamna thute a puoh ding le,

Colosse-te 1:29

Tami thu adingin Khris in keima sunga ei guot ahi ka thahatna teng zosie tawh na semin ka hanciem hi.

1 Timothy 3:15

Kang kiheh khah tah lezong note in thuman thutah’ khuompi le bulkip ahi a hingzing Pasien’ innkuon sungah bangci gamtat ding ci thu na thei ding uh ahi hi.

1 John 1:3

Note zong kote tawh na kipawlton thei nadingun ka musa ule ka zahsa uh thute no tungah kang tangko hi; a tahtahin kote zong Pa le a Tapa tawh kipawltonin ka om uhi.

Kilaakna 3:12

Guol na zaw leh ka Pasien’ biehinnpi sungah khuompi kang suohsah ding a, tua panin na pusuoh ngai nawn sih ding hi. Ama tungah ka Pasien’ min le ka Pasien kung vantung pana ang kumsuh Jerusalem khuo tha ahi, ka Pasien’ khuopi’ min le keima’ min tha ka giel ding hi.