Ezra 4:20 - Zo Bible

²⁰ Jerusalem in a thahat kumpite a na nei ngai vua, Gungal gamkhen buppi tungah na vaihawmin, amate tungah sieh le kaih, vanlah man, le losapte na kipie hi.

LAISIENGTHOU CL Bible (BSI)

²⁰ Jerusalem in leeng hattahte ana nei ngai a, Luipi gal gam zousie ah vai ana hawm ua, leimante, siete leh summet bawlna mante ana la uhi.

Zokam International Version

²⁰ Jerusalem in Eupharates-Gal bup a uk a vanglian kumpite nei-a siah, mangmu le leitang sap amau tungah a pia uh hi.

Ezra 4:20 ပူးပေါင်းရင်းမြစ်များ

Piancilna 15:18

Khum ni-in Topa in Abram tawh thuciemna bawl a, “Na suonlehlahte tungah tam leitang, Egypt gun panin Euphrates gun cieng dong,

1 Kumpite 4:21

Solomon in Euphrates pan Philistia-te gam, Egypt gamgi nangawn dongah kumpi gam zosie a uh hi; amate in Solomon’ hin sung tungtawnin sieh le kaihte puohin a na a sem uhi.

1 Kumpite 4:24

Azieh pen ama in Euphrates nitumna lam gam zosie tawh Tiphsah panin Gaza cieng dong, Euphrates nitumna lampang kumpi zosie uh hi; ama’ kimvela zosie kilemin a om hi.

1 Kumpite 5:1

Tu-in amate in a pa’ munah ama kumpi dingin Solomon sathau nu zo ta uh, ci Tyre Kumpipa Hiram in a zah ciengin Solomon kungah a nasemte a sawl hi; bangzieh ahei cile Hiram le David a kilawmta den uh ahi hi.

1 Kumpite 5:4

Hizongle tu-in Topa ka Pasien in ka kimkotah tawlngahna ei pie zo ta hi; ei langpang hile, hamsietna hile om nawn lo hi.

1 Khangthute 18:13

Ama in Edom ah khuocingte koi hi; tuale Edom-te zosie David’ nasem a suoh uhi. Topa in a peina popo-ah David guolzawna a pie hi.

1 Khangthute 18:3

Euphrates gunah gamgi phut dingin Hamath lam manaw-in Zobah kumpipa Hadadezer a pei ciengin David in ama na do-in a zo hi.

1 Khangthute 18:6

Tua ciengin David in Aram gam Damascus ah khuocingte koi hi; tuale Aram-te pen David’ nasem suohin sieh le kaih a puoh uhi. Topa in David a peina popo-ah guolzawna a pie hi.

1 Khangthute 19:19

Hadadezer’ nasemte in Israel a lel lam uh a kithei ciengun, David tawh kilemna bawlin a khut nei mi a suoh uhi. Tuaci’n Aram-te in Ammon-te a hu nuom nawn sih uhi.

2 Khangthute 17:11

Philistia-te pawlkhat in Jehoshaphat kungah letsongte, le sie le kaih dingin ngun a puoh uhi; tuale Arab-te in zong ama tungah tuutang tulsagi le zasagi, le keeltang tulsagi le zasagi a puoh uhi.

2 Khangthute 9:14

tuate banah sumbawlte le sumbuhte’ puohte kisim nai lo hi; tuale Arabia kumpite le gam uhpate zosie in Solomon tungah kham le ngunte a puoh uhi.

Ezra 4:13

Tua khu kilamkia-in a kulpite hing kimansieng leh amate in sieh le kaih, vanlah man, le losapte ang pie nawn sih ding vua, kumpi phiengsie ang tawm tuom ding ci thu zong thei in.

Ezra 4:16

Tam khuopi hing kilamkia hinlen a kulpite ang kizo sieng mawh leh Gungal gamkhen teng pen nangma’ tanh ahi nawn lo nading thu, kumpipa kungah kang theisah uhi,” a ci uhi.

Ezra 4:19

Tuaci’n keima in thupieh khat bawlin mi pawlkhat ka kansah a, tami khuopi pen tanglai-a kipanin kumpite langpangin, tami khuo sungah ledona le kumpi dona a om zing lamtah kimu hi.

Ezra 4:21

Tua ahi ziehin tam mite a nasep a khawl nadingun thupieh khat na bawl un. Keima in thupieh khat kang bawlkia masangsie tami khuopi kilamkia lo ding hi.

Ezra 7:24

Siempute, Levi-te, lasate, kotcingte, biehinn nasemte, ahi sihle tami Pasien’ biehinn sunga nasemte khat popo tung panin sieh le kaih ahi a, vanlah man ahi a, losap ahi zongin lah ding thu na nei lona uzong kang zasah hi, ka ci hi.

Phatna-late 72:8

Ama in tuipi khat pan tuipi khat, Gunpi panin leimong dongin uhna nei taheh.

Tamlawhna 1:1

Hun khat lai-a mi a dimna khuopi daidam talawm sam e izaw! Minamte lahah a liensa kimlai, bang dinga meigong bang ta adiei! Gamkhente lahah kumpinu hi sa kimlai, tu-in mi sila a suoh ta hi.

Ezekiel 19:11

A kung khau pen gam uhpa’ ciengkhutin a kizang a, a bazam tampite lahah ama a kitungto zehzawh a, a bazam teng tawh a san peupo ziehin a kidawh velvol hi.

Matthew 9:9

Khum mun panin Jesu a pei laitahin siehdonna zum sunga a to Matthew a kici mi khat mu hi; ama kungah, “Ei zui in,” a ci hi. Tuale ama dingto-in a zui pai hi.