Ezra 10:1 - Zo Bible

¹ Ezra in Pasien’ biehinn mai-ah thu ngen a, a mawna pulahin kap le mau-in tuolah a kilawmlia laitahin, ama kungah Israel panin numei, pasal, naupang tampitah a kikhawm vua, nahpitahin mite a kap uhi.

LAISIENGTHOU CL Bible (BSI)

¹ Ezra kap kawm a Pasian inn mai a, kilawmlie a, khelnate phuong a thupha tawi a athum lai in, Israelte lah a pat in pasal, numei leh naupang tampi, mipi nasatah in ahing kikhawm ua, amaute zong hasetahin akapta uhi.

Zokam International Version

¹ Ezra in thu ngena mawhna pulaakin kap-a Pasian inn mai-ah a kilot laulau laitakin Israel mipi tampitak - numei pasal le naupangte - a kimkotah a kikhawm uh hi. Amaute zong kah cihtakin a kap uh hi.

Ezra 10:1 ပူးပေါင်းရင်းမြစ်များ

1 Kumpite 8:30

Amate in tami mun lam nga-in thu a nget ciengun na nasempa le na mi Israel-te’ thumna ngai in; na tenna vantung panin ei za inlen, ka mawna uh ei ngaidam in.

1 Kumpite 9:3

Topa in ama kungah, “Nangma in keima kunga na thungetna le na thumnate ka za zo hi; keima in tam na lamsa biehinn ka siensuo zo a, khum sungah keima’ min a tawntungin ka koi zo ta hi; khum mun ka mit suon den ding a, ka lungsim ka tengsah den ding hi.

2 Khangthute 20:13

Tua laitahin Topa mai-ah Judah zosie a zite, a tasente, le a naupangte utawh a ding uhi.

2 Khangthute 20:9

‘Ko tungah gimna, namsau, thukhenna, ahi sihle natna, ahi sihle kielpi ang tun leh, tami biehinn sungah na min a op ziehin tami biehinn mai le na mai-ah dingin na kungah ka lungkhamna uh kang ko ding vua, tuale nangma in ei za-in nei hun ding hi,’ a ci uhi.

Ezra 10:6

Tua ciengin Pasien’ biehinn mai panin Ezra kihemkhie a, tuale Eliashib’ tapa Jehohanan inndan sungah pei-in a gieh hi. Saltangte’ tahtai lona ziehin an ne lo tui dawn loin da le mau-in a om hi.

Nehemiah 1:4

Tua thu ka zah ciengin tosuhin ka kap a, ni tampi sung kap le mau-in vantung Pasien kungah antangin thu ka ngen hi.

Nehemiah 1:6

sun le zanin na nasem Israel mite adinga kang thungetna a ngai dingin na bil ei ngat inlen, na mit hing hahsah in. Keima le ka innkuonpite-a kipan ko Israel mite in na tunga kang bawlsa uh mawnate kang pulah hi.

Nehemiah 10:28

A om lai mite, siempute, Levi-te, tunkot cingte, lasate, biehinn tuonvaite, Pasien thukham zui dinga tua gam mite tawh a kikhenkhie mi zosie’ a zite, a tate, a tanute, pilna le theitelna a nei zosie in,

Nehemiah 8:9

Tuale gam uhpa Nehemiah, laithei pa le siempu Ezra, le mite thu a hil Levi-te in mi zosie kungah, “Tuni pen Topa na Pasien uh dinga ni siengtho ahi hi; a kap a mau om sih un,” a ci hi. Bangzieh ahei cile amate in thukham kammalte a zah ciengun mi zosie a kap uhi.

Phatna-late 119:136

Na thukham a kizui lo ziehin ka hlitui hawh luon bangin a luong hi.

Phatna-late 32:5

Tuaci’n nangma kungah ka mawna kang pulah a, ka khielna ka im sih hi; “Topa kungah ka khielnate ka pulah ding hi,” ka ci a, tuale nangma in ka maw ka khielna teng nei maisah hi. Selah

Jeremiah 13:17

Hinanle ka thu na ngai nuom sih uleh na kilietsahna ziehin ka dapkaa ding a, hlitui luongin nahpi tahin ka kap ding hi. Bangzieh ahei cile Topa’ tuuhonte salin kikaimang zo hi.

Jeremiah 9:1

Aw, a kithat ka mite ziehin a sun a zana ka kaa thei nadingin ka lu khu ciatui hi hinlen, ka mitte khu hlitui’ nah hi le izaw!

Daniel 9:20

Keima in ka mawna le ka mi Israel’ mawna ka pulah kawmin hamin thu ka nget laitah le ka Pasien’ muol siengtho tangin Topa ka Pasien mai-ah thumna ka nei laitah,

Hosea 14:2

Na thugen ding hing keng inlen, Topa kungah hing kilekia in; ama kungah, “Khielna zosie lamang in; a hoi thute pom in, tuale kote in ka kam uh’ a ga kang pie ding uhi.

Zechariah 12:10

Keima in David innkuon le Jerusalem-a tengte tungah lainatna le thungetna lungsim ka sungsuh ding a, tuaci’n a sutpailetsa uh mipa khat enin a tapa neisun kaa bangin a kap ding vua, a tapa masapen kaa bangin nasie tahin a kaa ding uhi.

Matthew 3:6

a mawnate uh pulahin ama in Jordan gunah amate a baptize hi.

Luke 19:41

Jerusalem a tun kuon, khuopi a mu ciengin ama in tua khuopi kaa a,

Nasepte 10:30

Cornelius in, “A tawpsa ni li lai tu bang hun nai thumin ka inn sungah thu ka nget laitahin puonpah a sil pasal khat thakhatin ka mai-ah ang ding hi.

Nasepte 21:5

Khum munah ka nite uh a tawp ciengin ding dawhin ka khuolzinna uh ka zom uhi; tuale amate in a unpi-un a zi a tate utawh khuo pulamah ei hla uhi. Kohaw zong tua mun tuipieu ah khupdingin thu ka ngen vua,

Rome-te 9:2

ka lungsim sungah dana lienpi le a tawp thei lo lunggimna ka nei hi.

Thupiakkikna 31:12

Amate in za-in Topa na Pasien uh zatah a, tami thukham sunga kammal zosie limtahin a zui thei nadingun nupi, papi, naupangte le na khuo sung vua a teng pemtate khawm in.

Joshua 7:6

Tua ciengin Joshua in a puonte ehmalin nitah dongin Topa’ singkuong mai-ah ama le Israel upate tuolah a khupbawh uhi, tuale amate in a lutang uh leivui a buoh uhi.

Joshua 8:35

Joshua in Moses’ thupieh kammal zosie Israel mi honpi zosie, numeite, nausente le amate lahah a teng pemtate zosie mai-ah a sim lo khat zong om lo hi.