Ezra 1:7 - Zo Bible

⁷ Nebuchadnezzar in Jerusalem pana a na puohdawh, a pasien-te’ inn sunga a na koi ahi Topa’ biehinn vanzahte zong kumpi Cyrus in a lakhie hi.

LAISIENGTHOU CL Bible (BSI)

⁷ Tuathamlouin leengpa Sairas in, Jerusalem a Mangpa biehinn a kipat a Nebukadnezzar in apuohdoh a, ama pasien biehinn a akoi vante zong alakhe sieng hi.

Zokam International Version

⁷ Tua tham loin Nebuchadnezzar in Jerusalem panin puakhia-a ama pasian a biakinn a, a koih, TOPA biakinnpi tawh kisai vanzatte Kumpi Cyrus in a pusuahkhia hi.

Ezra 1:7 ပူးပေါင်းရင်းမြစ်များ

2 Kumpite 24:13

Ama in Topa’ inn sunga gou zosie le kumpipa’ inn sunga goute puomang hi; tamte zosie Topa in a na genkholsa ahi ma bangin ama in Babylon kumpipa Solomon in a na bawlsa Topa’ biehinn sunga a om kham vanzah zosie a tawguoi sieng hi.

2 Khangthute 36:10

Tua kum khuokhal sungin Nebuchadnezzar Kumpipa in mi sawlin, Topa’ biehinn sunga vanzah mantam teng tawh Babylon ah ama vaihlah a, tuale ama’ sanggampa Zedekiah kumpi-in koi hi.

2 Khangthute 36:18

Ama in Pasien’ inn sunga vanzah a gol a neu, Topa’ inn sunga goute le kumpipa le a uliente’ gou zosie a unpi-in Babylon ah a puo hi.

2 Khangthute 36:7

Nebuchadnezzar in Topa’ biehinn sunga vanzahte pawlkhat zong Babylon ah puo a, Babylon-a ama kumpi inn sungah tuate koi hi.

Ezra 5:14

Tua tham loin, Nebuchadnezzar in Jerusalem biehinnpi sung pana a na lah, Babylon biehinnpi sunga a na koi ahi Pasien’ biehinn sunga a om ngaisa kham le ngun tawh a kibawl vanzah teng Kumpi Cyrus in Babylon biehinnpi panin la-in ama in tua teng pen gam uhpa dinga a koi Sheshbazzar a kici mipa kungah ap hi.

Ezra 6:5

Tua banah Nebuchadnezzar in Jerusalem biehinnpi pana a lah, Babylon khuo-a a peipi Pasien’ biehinn sunga a om kham le ngun tawh kibawl vanzahte lasahkia unlen, Jerusalem biehinnpi sungah kipiekia ding a, amau’ om ngaina cietah tuate kikoikia ding hi; note in Pasien’ inn sungah tuate na koiding uhi,” a ci hi.

Jeremiah 51:44

Babylon ah Bel ka gawt ding a, a valsate ka luokhesah ding hi. Ama kungah minamte a honhonin pei nawn lo ding hi; Jerusalem kulpi cim zo hi.

Daniel 1:2

Topa in Judah Kumpipa Jehoiakim a kipan Pasien’ inn sunga om vante pawlkhat zong ama’ thuneina sungah omsah a, ama in Shinar gamah tuate puo-in a pasien-te’ goukholna inn sungah koi hi.

Daniel 5:23

Nang in Vantung’ Topa na do a, nang le nang na kitawisang hi! Ama’ biehinn sunga haite nangma kungah ang kitawi zo a, nang le na uliente, na zite le na meite un tuate tawh zu dawn zo ta uhi. Khuo a mu lo, khuo a za lo, a theithei lo, ngun le kham, sumngo, sia, sing le suong pasien-te’ min na phat uhi; ahi vangin a vanglietna sungah na hinna hu uh omin na gamtatna zosie uh ang saipieh Pasien na zatah sih uhi.