Esther 8:10 - Zo Bible

¹⁰ Ama in Kumpipa Ahasuerus’ min tawh laite gielin kumpipa’ suoikaina khutsip tawh tuate tum a, kumpipa adinga a kikhawi kumpi sakol buh sunga sakol hatte tungah amate tuongsahin lai kitaisah hi.

LAISIENGTHOU CL Bible (BSI)

¹⁰ Mordekai in leengpa Ahasueras min in lai agiel a, leengpa suoinamna khutsip in anam a, laitaite pen leengpa dinga kikhawituom sakol hat mamate a tuongin, tua laite ahawm uhi.

Zokam International Version

¹⁰ Mordecai in Kumpi Xerxes minin gelh a kumpipa seal zungbuh kitumin kumpi adingin a kituam koih sakol taihatte tunga tuangte lai a kitaisak hi.

Esther 8:10 ပူးပေါင်းရင်းမြစ်များ

1 Kumpite 21:8

Tuaci’n ama in Ahab’ min tawh laihlahte giel a, tuate tungah Ahab’ seal kitum hi; ama’ khuopi sunga Naboth tawh a teng upate le milien teng tungah a lai hlah ding teng a hawm hi.

1 Kumpite 4:28

Amau’ nasep ciet tawh kizui-in a kisapna munah sakol leengte le sakol taihatte anva nadingin mangbuham le butu zong a puoh uhi.

2 Khangthute 30:6

Tuaci’n kumpipa thupiehsa bangin laitaite in kumpipa le a uliente tung pana laihlahte tawh Israel le Judah gam zosie-ah pei kawikawi-in, “Israel mite aw, Assyria kumpite’ khut sung panin a omlai a suohta sun teng kungah ama a kiheikia thei nadingin, Abraham, Isaac, le Israel Pasien, Topa lamah kilekia un.

Esther 8:8

Kumpipa’ min tawh a kigiel thukip lai, kumpipa’ suoikaina khutsip tawh a kitumsa lai pen kidawh thei ta lo ahi ziehin, Jew-te tawh kisai-in hoi na sah bangin kumpipa’ min tawh lai giel inlen, kumpipa’ suoikaina khutsip tawh tum in,” a ci hi.

Job 9:25

“A tai mipa sangin ka nite gangzaw hi; tuate in na hoi mu loin a lengmang uhi.

Thuhilhna 8:4

Bang ding ahei cile kumpipa’ kammal in vangnei a, ama kungah, “Bang bawl na hei?” ci-in koi in ci thei ding ahei?

Isaiah 60:6

Midian-te le Ephah-te’ Kalaoh-note, kalaoh honpite in nang tuom ding uhi; Sheba gam sunga om zosie ang pei ding uhi. Amate in kham le panamtui ang puo ding vua, Topa phatna a tangko ding uhi.

Isaiah 66:20

Israel-te in Topa’ inn sungah kuong siengtho tawh an tawh biehna a tawi bangun, amate in Topa tunga biehna dingin minam zosie lah panin na sanggam zosie uh, sakolte, leengte, laangte, laate, le kalaoh-te tungah ang puo-in ka muol siengtho Jerusalem ah ang peipi ding uhi, Topa in ci hi.

Jeremiah 2:23

Bangci bangin, “Kei ka bua sih a, Baal pasien-te nua ka zui sih hi,” ci thei na hei?” Kuom sunga na lampi en in; na bawlsate thei in. Nang pen a kawi taitai kalaoh laa hua na bang hi.

Jeremiah 51:21

nang tawh sakol le a tunga tuongpa ka sat guoi hi; nang tawh sakol leeng le a tunga tuongpa ka sat guoi hi;

Daniel 4:1

Kumpi Nebuchadnezzar in leitung muncin tenga a teng mi zosie, nam zosie, le ham zosie tungah gen hi: Note in a kiningcing nopsahna thupha nei ta un!

Daniel 6:8

Kumpipa aw, tu-in Medes-te le Persia-te upadi a kikhel lo bangin a kikhel lo nadingin tua lai tungah na suoi kai in,” a ci uhi.