Ephesa-te 4:16 - Zo Bible

¹⁶ Ama tung panin pumpi buppi tawh thahui thazam zosie kizomin kiphan dimdiem a, pumpi nate in a sep ding ciet uh hoitahin a sep ciengun itna sungah tua pumpi khangin ama le ama a kilamkip hi.

LAISIENGTHOU CL Bible (BSI)

¹⁶ Aman Ama a kipat in tahsa pumpi a unpi in kizopna thagui zousie in akizomsah a, aphankhawm hi, tuate ziehin tahsa hiengte chietin ama ama sep ding chiet asep chiengin, tua tahsa pumpi akhangsah a, itna ah ama leh ama kibawl hoiin akhangtousah hi.

Zokam International Version

¹⁶ Amah panin pumpi na khempeuh thagui tekah kihuh kizom khawmin, amau sep ding tek a sep ciangin tua pumpi, itna sungah khangin amah le amah a kikhansuah hi.

Ephesa-te 4:16 ပူးပေါင်းရင်းမြစ်များ

John 15:5

Keima lengga gui ka hi a, note a baa na hi uhi. Keima sungah tengin amate sunga kei ka ten leh amate in ga tampi a ga ding uhi, azieh pen kei loin note in bangma na bawl thei sih uhi.

Rome-te 12:4

Bangzieh ahei cile eite in pumpi khat tungah pumpi’ nate tampi i nei vua, tua nate zosie in a nasepnate uh a kibah lo ma bangin,

1 Corinth-te 10:17

Bangzieh ahei cile khomun lum khat om a, eite zosie in tua khomun lum khat i nehton ziehun, a tampi ahi eite pumkhat i hi uhi.

1 Corinth-te 13:13

Tuale tu-in upna, lametna, le itna tam teng thum a om den uhi. Tam teng lahah a thupi pen itna ahi hi.

1 Corinth-te 8:1

Tu-in milim biehna-a kizangsa an tawh kisai-in: “I unpi-un theina i nei uhi,” a ci eite in i thei uhi. Theina in mi a kisatheisah a, itna in mi a kipsah hi.

Galatia-te 5:22

A kilebulin gen vai ci lei, Hlagau’ ga in ki-itna, lungdamna, kilemna, lungduoina, migitna, kiphalna, muonhuoina,

Galatia-te 5:6

Azieh pen Khris sungah teptan mi hile, teptan lo mi hile bangma thupi lo hi; itna tungtawna nasep theina upna khat beh a thupi ahi hi.

Ephesa-te 1:4

eite in ama mai-ah itna hang tawh siengtho-in paubanna i nei lo nadingin leitung pien masangin ama in Khris sungah ei teel zo hi.

Ephesa-te 3:17

upna tungtawnin note’ lungsim sungah Khris ang tengin itna sungah na kiphungvua thei nadingun thu kang ngetpieh hi.

Ephesa-te 3:7

Keima tunga ei kipie Pasien’ hepina letsong tawh kizui-in ama’ vanglietna nasepna hang tawh kei zong tami lungdamna thu’ nasempa khat a suoh ka hi hi.

Ephesa-te 4:12

amate in Khris’ pumpi a kilam nadingin Pasien’ na a sem ding misiengthote pantah ding a,

Ephesa-te 4:15

Lutang ahi Khris sungah i khanto bukim thei nadingun itna tawh thuman thutah i genzaw ding uhi.

Philippi-te 1:9

Ka thungetna ahile, note’ itna in theina le thu khentel theina bukim tawh dimlet semsem a,

Colosse-te 2:19

tua a lutang pen a tudet sih uhi, tua panin pumpi na zosie in thahatna nga-in, gu le tangte le thahuite tawh kizom dimdiem a, Pasien kung pana khanna tawh a khangto hi.

Colosse-te 2:2

A lungsim sung vuah amate kihanthawnin itna sungah kipumkhat a, tuaci’n amate in hauna kicing theitelna bukim le, Khris mama ahi Pasien’ thu thuhpi theina a nei ding uh ka dei a,

1 THESSALONIKA 2:13

Note in ko kung pana na zah uh Pasien’ thu na san lai-un, mihingte thugen bang hi loin, no thu um mite sungah zong na a sem Pasien’ thu bang lienin note in pom na hi ziehun kote in zong Pasien tungah nuomthu ka tut zing uhi.

1 THESSALONIKA 3:12

Note kang it bangun note khatlekhat na ki-itna ule mi zosie na itna uh Topa in hing khangsah taheh.

2 THESSALONIKA 1:3

Sanggamte aw, na upna uh nahpi tahin khangin khatlekhat na ki-itna uh zong khang semsem ahi ziehin, note adingin Pasien tungah lungdam ka ko zing ding uh a kilawm ahi hi.

1 Timothy 1:5

Ahi vangin tam bang thuhilna’ a tupna pen lungsim siengtho, ei le ei kitheina hoi, le upna tahtah pana a pei itna ahi hi.

1 Peter 1:22

Tu-in note itna tahtah tawh khatlekhat na ki-it thei nading ule na lungtang tawng panun khatlekhat na ki-it thei nadingun thuman thutah zuina tawh na hlagau uh na siensuo zo uhi.

1 John 4:16

Tuaci’n Pasien in eite ei itna thu, eite in thei-in i um zo ta uhi. Pasien pen itna ahi hi, itna sunga a tengte pen Pasien sunga teng ahi a, Pasien zong amate sungah a teng hi.