Ephesa-te 2:2 - Zo Bible

² tami leitung tawndante, tulaitaha thumang lote lahah na a sem hlagau ahi hui lah a uh pa’ deina bangin zui-in tuate sungah na tuolbuol ngai uhi.

LAISIENGTHOU CL Bible (BSI)

² Tuate sungah tumasang lai in tam leitung danbangin na um ua, huikhuo a thunei vaihawmpa, tu hun a thumang lou tate sunga nasempa hagau dan bangin na hing uhi.

Zokam International Version

² hih leitung thu, tu laitaka thumang lote sunga na a sem kha tua huihgam ukpa na zuih lai-un, tuate sungah na nungta uh hi.

Ephesa-te 2:2 ပူးပေါင်းရင်းမြစ်များ

Job 1:16

A thugen a hlit masangin adang khat tung leuleu a, “Vantung panin Pasien’ meikuong khat ang kiesuh a, tuute le a nasemte a katum sieng ta hi; nang kunga gen dinga kei beh ang suohta ka hi bo hi,” a ci hi.

Job 1:19

thakhatthu-in senel gam panin huipi hat mama khat ang lang a, inn ningli teng semmangin, nungah tangvalte tungah kiesuh a, amate a si sieng uhi; nang kunga gen dinga kei beh ang suohta ka hi bo hi,” a ci hi.

Job 1:7

Topa in Satan kungah, “Nang hei pana hing pei na hei?” a ci hi. Satan in Topa kungah, “Leitungah ka vah kawikawi a, tunglam le neilam ka kawmna pana ang pei ka hi hi,” ci-in a dawng hi.

Job 31:7

Lampi man panin ka piel a, ka lungsim in ka mitmu teng zui-in, ka khutah a nieh khatpo a ban leh;

Phatna-late 17:14

Topa aw, mihingte lah panin- na khut tawh- tam leitunga a hinkhuo vuah tanh a nei mite kung panin ei hunkhie in. Amate dinga na kholpieh nate tawh a gilpi uh kidim taheh. A tate un khamval nei ta uheh; amate in a nausente vua dingin kimkhat nuasie uheh.

Isaiah 30:1

A ledo tate in gimna a thuoh ding hi, Topa in ci hi. Amate in keima-a’ hi lopi-in gelna a nei vua, amate in keima’ deina om lopi-in kipawlna bawlin mawna bawl bebe uhi;

Isaiah 57:4

Na simmaw uh koi hi a, koi langah na kam uh golkahin na leii uh phen na hi uh ahei? Note mi tawnkhielte’ tate, zuouphuohte’ suonlehlahte hi lo na hi uh amah?

Jeremiah 23:10

Bangzieh ahei cile gam sungah angkawmte a dim hi; samsietna ziehin gam sung kap a, gamlah lonona munte gawta sieng hi. Amau’ lampi a hoi sih a, amau’ thahatna zong maan lo hi.

Hosea 10:9

Israel aw, Gibeah hun peh panin nang na maw zo ta bo hi; amate in khum munah mawna a bawl lai uhi. Gal in Gibeah ah amate nuaphah lo ding amah?

Siampi Laibu 11:16

ostrich vapi, pengpeleuh, vatawt, musi namcin;

Matthew 11:19

Mihing Tapa ang pei ciengin ne-in dawn a, ‘En un, anhai zuhai pa, siehdongte le mawneite’ guolpa,’ ci zel uhi. Ahi vangin pilna pen a sepnate in a man ahina lah hi,” a ci hi.

Matthew 13:22

Ling lahah kitute ahile thu za napi leitung lunghimawnate le hau nopnate in tua thute depgawp ahi ziehin a ga lote ahi hi.

Matthew 13:38

lo lai pen leitung hi-in, khaici hoi pen kumpi gam sung tate ahi uhi; tamomte ahile gilopa’ tate ahi vua,

Mark 4:19

Leitung lunghimawnate le hau nopnate in tua thute depgawp ahi ziehin bangma ga a nei sih uhi.

Luke 16:8

Tuale a dihtat lo neisa kempa pen pilvang tahin a gamtat ziehin a pupa in ama a pahta hi; azieh pen khuovah tate sangin leisiet mite a nasepna vuah a pilvangzaw uhi.

Luke 22:31

“Simon, Simon aw, ngai vawi! Satan in buhum zoi banga ang zoi thei nadingin ang ngen zo hi.

John 12:31

Tu-in tam leitung in thukhenna thuoh ding uhi; tu-in tami leitung uhpa kihawlkhie ta ding hi.

John 13:2

Jesu a leheh dingin Simon Iscariot’ tapa Judas’ lungtangah dawimangpa in ngaisutna koi zo hi.

John 13:27

Ama in khomun halkhat a san zaw ciengin a sungah Satan a lut pai hi. Jesu in ama kungah, “Na bawl dingte nawbawl ta’n,” a ci hi.

John 14:30

Tu-in leitung thu vaihawmpa ang pei zo tah ziehin note tungah thu tampi kang gen ta sih ding hi. Ama in keima tungah thuneina bangma a nei sih hi.

John 15:19

Note pen leitung-a’ na hi uleh leitung in ama-a’ bangin ang it ding hi. Note pen leitung-a’ hi loin leitung pana kang teelsa na hi ziehun leitung in note ang muda hi.

John 16:11

Thukhenna thu-ah, tam leitung uhpa in mawsah thukhenna a thuoh zo ta hi.

John 7:7

Leitung in note ang muda thei sih vangin kei ei muda hi, azieh pen a silbawlte hoi lo hi, ci-a teci ka pan zieh ahi hi.

John 8:23

Ama in a kung vuah, “Note pen nei lam pan na hi vua, kei pen tunglam pan ka hi hi; note pen tam leitung mi na hi vua, kei pen tam leitung pan ka hi sih hi.

John 8:44

No pen na pa uh dawimangpa kung pana ang pei na hi vua, na pa uh’ deina banga bawl ding na teel uhi. Ama pen a cil a patin mithat pa ahi a, ama sungah thuman thutah a op lo ziehin thuman thutah a tukip sih hi. Ama in zuouthu a gen ciengin ama’ pienzie tawh kituohin a gen hi, bangzieh ahei cile ama zuou gen pa le mizuou theite’ pa ahi hi.

Nasepte 19:35

Hinanle khuopi lai-atpa in mihonpi a daisah zaw ciengin ama in, “Ephesus mite aw, Ephesus mite pen a lien mama nusien Artemis’ biehinn le vantung pansa ang kiesuh biehna suongcingte ahi lam uh a thei lo koi om na hi uh ahei?

Nasepte 5:3

Peter in, “Ananias aw, Hlagau Siengtho sol ding le na logam zua man sum pawlkhat a hendap dingin Satan in bang dingin na lungsim kizosah na hei?

Rome-te 12:2

Tam leitung mite dan bangin om sih unlen, a hoi, a sanhuoi le a bukim Pasien’ deina bang ahei, ci-in na khinkhai thei nadingun na lungsim uh thasuosah unlen na lim uh na kilamdang sah un.

1 Corinth-te 5:10

Tua bang ka ci ciengin tami leitunga a pahtatte, a huoihamte le a gutate, ahi sihle milim a biete ka ci nopna hi lo hi. Tua bang hi mawh leh leitung pana na pusuo uh ngai ding hi.

1 Corinth-te 6:11

Note kimkhat tam bang na hi ngai uhi. Hizongnanle i Topa Jesu Khris’ min le eite Pasien’ Hlagau ziehin note pen sawpsieng le siensuo na hi ta vua, dih na tang ta uhi.

2 Corinth-te 4:4

Amate in Pasien’ lim ahi Khris’ minthanna zieha ang tang lungdamna khuovah a mu thei lo nadingun tami leitung pasien in a um lo mite’ lungsim mit a tawsah hi.

Galatia-te 1:4

I Pa Pasien’ deina tawh kizui-in tuhun khang gilo panin ei hunkhie dingin eite’ mawna zieha ama le ama ang kipiekhie pa ahi,

Ephesa-te 1:21

vaihawmna le thuneina, vanglietna le uhna vannuoite tungah hile, tu khanghun beh ah hi loin, ang tung ding khanghun ah zong hile a kiphuo min zosie tungah a tosah hi.

Ephesa-te 2:11

Tua ahi ciengin nidang lai-in pienpi Gentile-te na hi vua, “tep kitante ka hi uhi,” a kici mite in- cilesa tungah mihing’ khut tawh tahsa teptanna- a tep kitan lo mite ang ci uh phawh un.

Ephesa-te 2:13

Ahi vangin Khris’ sisan ziehin hun khat lai-a gamlapi-a om note, tu-in ama in Khris Jesu sungah ang kinaisah ta hi.

Ephesa-te 2:3

Eihaw zosie in i lungsim le i pumpi’ lunggulnate zui-in amate lahah cilesa deinate sungah i na nungta ngai vua, i pienpi ngainate ziehin eite zong midangte bangin thangpaina’ tate i na hi uhi.

Ephesa-te 4:17

Tu-in keima in tami thu sukipin Topa sunga kang paugen ahi hi: Kimanna a nei lo amau’ lungsim bangin Gentile-te a nuntah bangun note nungta nawn sih un.

Ephesa-te 4:22

Nidang lai-a na hindan lui uh ahi cilesa lunggulna’ solna zieha a muot thei na milui uh a paimang ding,

Ephesa-te 5:6

Bangzieh ahei cile tam thute ziehin mi thunung lote tungah Pasien’ thangpaina tung ding ahi ziehin, koima in thugina lote tawh kisolsah sih un.

Ephesa-te 5:8

Azieh pen nidang lai-in note khuomiel sungah na om vua, ahi vangin tu-in ahile Topa sungah khuovah na hi ta uhi. Khuovah’ tate bangin na nungta un,

Ephesa-te 6:12

Bangzieh ahei cile eite do pen tahsa le sisan nei galte hi loin, uhna neite, thuneinate, tu hun tami leitung khuomiel vanglietnate, le vantung munte a om hlagau gilo galkapte ahi zaw uhi.

Colosse-te 1:21

Hun khat lai-in lungsim gilo-in na gamtat siet ziehun Pasien tawh na kigamla vua,

2 Timothy 4:10

Azieh pen Demas in tami leitung a it ziehin keima ei taisanin Thessalonica khuo ah a pei zo hi; Galatia gamah Crescens ama pei zo a, Dalmatia gamah Titus pei zo hi.

James 1:27

Pa Pasien mai-ah a siengtho le a buabang lo biehna i ci in: Tagate le meigong meithaite’ hahsatnate ah va kep va khoi ding le leitung’ buana panin kikoicing ding ahi hi.

James 1:7

bangzieh ahei cile lunghei nei mi, sepna bangkimah a lungkaa mi le lungkip a nei lo mipa in Topa kung panin na khatpo a nga dingin kilamen vet sih heh.

James 4:4

Angkawmte aw! Leitung tawh kilawmtatna pen Pasien tawh kigalneina ahi lam na thei sih uh amah? Tua ahi ziehin leitung tawh a kilawmta nuom poma Pasien’ gal a suoh hi.

1 Peter 1:14

Thumang tate ma bangin bangma na thei lo uh hun lai-a na lunggulnate vuah buol nawn sih un.

1 Peter 4:3

Note in Gentile-te’ sep nop ahi thangtatna, huasanna, zukhamna, guolnopna, zu-uong dawnna, thukham palsat a milim biehnate ah na hun uh na zang sieng ta uhi.

2 Peter 2:14

Amau’ mitte in angkawm nopna tawh kidimin mawna bawl ding a cim thei sih uhi. Amate in mawna bawl dingin lungsim kip lo mite zawlin, huoihamna lamah a kicilsa lungtang a nei uhi. Samsiet tate ahi uhi!

1 John 3:10

Tam bang danin Pasien’ tate le dawimangpa’ tate a kilang hi: A dihin gamta loin a sanggamte a it lo zosie pen Pasien kung pana ang pei ahi sih hi.

1 John 3:8

Mawna a bawl poma dawimangpa’ ta ahi hi; bangzieh ahei cile a kipatcil a kipan dawimangpa pen mawna bawl ahi hi. Dawimangpa’ nasepte a susie dingin Pasien’ Tapa ang kilang hi.

1 John 4:4

Tanote aw, note pen Pasien pan na hi vua, amate na zozo uhi. Azieh pen leitunga a om pa sangin note sunga a om pa lienzaw hi.

1 John 5:19

Pasien’ tate i hi lam le gilopa’ uhna sungah leitung mi zosie a op lam eite in i thei hi.

1 John 5:4

Bangzieh ahei cile Pasien’ piensah mi poma in leitung a zo hi. Leitung a zo guolzawna i ci pen eite’ upna ahi hi.

Kilaakna 12:9

A gol mama gulhiempi, dawimangpa le Satan a kici leitung buppi a sol pa, tanglai gulpi lei ah kikhiesuh hi, ama pen a vantungmite tawh kikhiesuh hi.

Kilaakna 13:14

Ama in amasa gamsa tanga a kibawlsah lim lamdangte tawh leitunga a tengte sol a, namsau tawh a liemsa hi napi a hingkia ahi gamsa’ lim khat a bawl nadingun amate thu a pie hi;

Kilaakna 13:8

leitung piencil a kipanin a kigosa Tuuno’ hinna laibu sunga a min kigiel lo ahi leitunga teng mi zosie in ama a bie ding uhi.

Kilaakna 16:17

Vantungmi a sagina in huilahah a hai a buosuh leh biehinnpi sung kumpi topha panin aw ngai mama khat ang ging a, “Man zo hi!” a ci hi.

Kilaakna 20:2

Ama in Dawimangpa le Satan a kici tanglai gulpi ahi gulhiempi manin kum tulkhat sung hencip a,