Colosse-te 1:28 - Zo Bible

²⁸ Khris sungah mi zosie a picingsa-a ka pieh thei nadingun pilna namkim tawh mi vannuoi tungah genkholin, thu hilin ka tangko pen uh ama ahi hi.

LAISIENGTHOU CL Bible (BSI)

²⁸ Ama Khrist ahi, kouten kagen uh, Khrist Jesu a michin pichinga ka dinsah theina dingun, pilna zousie zanga michin vauhil in ka zilsah uhi.

Zokam International Version

²⁸ Mi khempeuh Christ sunga a kicing kim-a ka piak theih nadingun mi khempeuh tungah pilna namkim tawh taihilhin, hilhin amah ka tangko uh hi.

Colosse-te 1:28 ပူးပေါင်းရင်းမြစ်များ

Ezra 7:25

“Tua hi a, nang Ezra in na nei dinga ang kipie Pasien’ pilna tawh kizui-in, Gungal gam sunga a om na Pasien’ thukhamte a thei mi zosie tunga thu khen dingin ulien vaihawmte le thukhente koi in. Nang in Pasien’ thukham a thei lote na hil ding hi.

Paunakte 8:5

No mimawlawmte aw, thu khinkhai theina sin un; tuami kisamte in lungsim pilna sin un.

Thuhilhna 12:9

Siepa a pil banah, theina, thu khinkhai theina, sinna le paunahte guoldan zong mite hil hi.

Jeremiah 3:15

Ka lungsim banga pilna le theitelna tawh note ang va dingin ka tuucingte kang pie ding hi.

Jeremiah 6:10

Amate in a zah thei nadingin koi hopi-in koi galgih ding ka hei? En vawi, a bil uh bing a, khuo a za thei sih uhi. Amate dingin Topa’ kammal khu simmawna-a kizang ahi a, tua sungah nuom a sa sih uhi.

Ezekiel 7:10

En vawi, a ni khu! En vawi, ang tung ta! Na manthaina ang tung ta hi. Paape bangin ciengpum paa a, paape bangin kiphatsahna a meng hi.

Matthew 28:20

Tua ciengin kang thupieh zosie a zui nadingun amate na hil un. Tuale hun tawp dongin keima in note kang ompi zing ding ahi lam phawh un,” a ci hi.

Matthew 3:7

Ahi vangin ama in Pharisee-te le Sadducees-te a tampi khat a ki-baptize dinga ang pei a mu ciengin amate kungah, “No muoltan suonte! Ang tung ding thangpaina pan na tai nadingun koi in ang hil ahei?

Matthew 5:48

Tua ahi ziehin vantunga om na pa uh a cingtah ahi ma bangin no zong na cingtah un.

Mark 6:34

Lui pieu a gei laitahin ama in mihon tampi mu hi; ama in a cing om lo tuute tawh kibang sa ahi ziehin amate tungah lainatna a nei hi; tuale ama in amate thu tampi hil ding a kipan hi.

Luke 21:15

azieh pen keima in na langte uh koima khat beh in nielin ang nan zo lo nadingun gen ding thute le pilna kang pie ding hi.

Nasepte 10:36

Ama in Israel mite tunga thu a na puoh, Jesu Khris zieha a kigen kilemna thu note in na thei uhi. Ama pen mi zosie’ Topa ahi hi.

Nasepte 11:20

Ahi vangin Antioch khuo-a pei, Cyprus tuikul le Cyrene khuo mite pawlkhat in Greek ham a zang Jew mite kungah zong Topa Jesu’ thu a tangko uhi.

Nasepte 13:38

Tua ahi ziehin ka sanggamte aw, tam mipa ziehin note tungah mawmaisahna thu ang kitangko ahina thu kithei taheh;

Nasepte 17:18

Thuthuh pilna nei Epicurea le Stoic-te pawlkhat ama tawh thu a kiniel uhi. Pawlkhat in, “Tami a kipilsah thu mawh gengen pa khu bang gen nuom ahiei?” a ci uhi. A dangte in, gamdang pasien-te’ thu gen hile kilawm ve aw,” a ci uhi. (Ama in Jesu’ Lungdamna thu le thawkiana thu a gen zieh ahi hi.)

Nasepte 17:3

Messiah in gimna thuohin misite lah panin a thawkia ding a kisapna thute hilcienin lahtel a, “Note kunga kang tangko Jesu khu Messiah ahi hi,” a ci hi.

Nasepte 20:31

Tua ahi ziehin kigalging unlen, kum thum sung a sun a zanin khawl loin hlitui luong kawmin mi zosie tunga kang thuhilte na phawh bo un.

Nasepte 3:20

Tuaci’n Topa kung panin tha tha ngana hun ang tung ding a, ama in note dinga a kisekholsa Messiah ahi Jesu ang sawl ding hi.

Nasepte 5:42

Nisimin biehinnpi sung le inn sungah Jesu, Messiah ahi hi, ci-in khawl loin thu hilin a tangko uhi.

Nasepte 8:35

Tua ciengin Philip thugen kipan a, tua a lai siengtho simna mun panin ama kungah Jesu’ thu ahi lungdamna thu a tangko hi.

Nasepte 8:5

Samaria khuopi khatah Philip peisuh a, amate kungah Messiah thu a tangko hi.

Nasepte 9:20

Kikhopna inn sungah, “Ama Pasien’ Tapa ahi hi,” ci-in thakhatin Jesu’ thu tangko ding a kipan hi.

Rome-te 16:25

Tu-in kum sawtveipi sung a kiselcip thuthuh kilahna tawh kizui-in keima in ka hil lungdamna thu le Jesu Khris’ thu tangkona tawh note ang thakhausah thei pa pen Pasien ahi a,

1 Corinth-te 1:23

Hizongle kote in Jew mite adingin kisui khahna suong le Greek-te adingin motna ahi a kikhailia Khris’ thu ka hil uhi.

1 Corinth-te 1:30

Ama pen Khris Jesu sungah na hinna zungpi uh ahi a, Pasien in Khris pen i pilna, i dihna, i sienthona le i kitatkhietna a suohsah hi.

1 Corinth-te 12:8

Tua Hlagau tungtawnin mi khat tungah pilna kipie a, tua Hlagau ma tawh adang khat tungah thu theina,

1 Corinth-te 15:12

Tu-in sina panin Khris thokia zo hi, ci-in kihil zo ahile no pawlkhat in bangci dan a misite’ thawkiana om lo hi, ci thei na hi uh ahei?

1 Corinth-te 2:15

Hlagau mite in na vannuoi a khentel thei vua, amate in koima’ sittelna a thuoh sih uhi.

1 Corinth-te 2:6

Hinanle kote in a picingsate lahah pilna thu ka gen uhi, tua pilna pen tu khanghun ahi sihle a maimang kuonkuon ta ding ahi tu khanghun gam-uhte’ pilna ahi sih hi.

1 Corinth-te 4:14

Tam pen na zum nading vua kang giel ahi sih a, ka it ka tate banga kang thuhilna uh hizaw hi.

2 Corinth-te 10:14

Azieh pen na kung vua kang tun ciengun ka ciengtan uh vala a kalsuon ka hi sih uhi; kote ka hi ule note kungah Khris’ lungdamna thu tawh ang tung masa pente ka hi uhi.

2 Corinth-te 11:2

Note adingin Pasien’ ei deisahna ka nei hi, bangzieh ahei cile keima in pasal khat tawh kinung ngahnu siengtho khat bangin Khris tunga pieh dingin note kang kamciem zo hi.

2 Corinth-te 4:5

Bangzieh ahei cile koma’ thu a gen ka hi sih vua, Jesu Khris in Topa hi, ci thu le tua Jesu ziehin note’ sila ka hina uh ang gen ka hizaw uhi.

Ephesa-te 3:8

Kei ka hile misiengtho zosiete lahah a neupen ka hi vangin Gentile-te tungah ciengtan a nei lo Khris’ haunate ahi lungdamna thute a puoh ding le,

Ephesa-te 5:27

tua in hlattuom pawlpi pen a nieh, a vuntun le tua bang nam khatpopo om loin, ama ma tungah a siengtho le kawbang loin etlawm taha a kipieh thei nading ahi hi.

Thupiakkikna 4:5

En un, Topa ka Pasien in kei ei thupieh bang lienin lutin na lah ding uh gam sungah na zui ding uh thukhamte le ngaina kipte kang hil zo ta hi

Colosse-te 1:22

tu-in ahile ama mai-ah a siengtho, nuol om lo le muhkawna om loin sina tungtawnin ama’ tahsa pumpi sungah ang lemtuo zo ta hi.

Colosse-te 2:10

note in a uhte le aana neite zosie’ lutang ahi ama sungah hinna bukim na nei uhi.

Colosse-te 2:3

ama sungah pilna le theina gougil zosie kiphuolin a om hi.

Colosse-te 3:16

Note sungah Khris’ thu kicingtahin tengsah un; pilna bukim tawh khatlekhat thu kihilin na kisam un; na lungtang vuah lungdamna tawh Pasien tungah phatna late, biehna late, le hlagau late na sa un.

Colosse-te 4:12

Note lahah Khris Jesu’ nasem khat ahi Epaphras in ang noset uhi. Ama pen note picingin na dinkip nading ule Pasien’ deina zosie a bukima na telcien thei nadingun note tangin nahpitaha thu ang ngetpieh zing pa ahi hi.

1 THESSALONIKA 4:6

Tam thute-ah koima a sanggamte tungah khiel sih hinlen a met zong sui sih heh, azieh pen kang magensa ule khau taha kang hilsa uh ma bangin tam thute zosie tungah a thuhkia pa pen Topa ahi hi.

1 Timothy 3:16

Upla huoi lo a lien mama i biehna thuthuhpi in: Tahsa-in ama hing kilangin, hlagau sungah dih hi, ci-in na kilah a, vantung mite in mu-in, Gentile-te lahah kitangko a, leitung muncin tengah ki-umin, minthanna tawh ama kilato hi.

1 Timothy 3:2

Hlattuom pawlpi kem siepa pen genbang lo mi, zi khat beh a nei mi, a kideh zo mi, a pilvang mi, a zatahhuoi mi, zindo siem mi, thuhil siem mi,

Hebrews 10:14

Bangzieh ahei cile ama in a kisiengtho sahsa mite khatvei lien biehna tawh kumtawn adingin a bukimsah zo hi.

Hebrews 13:21

ama’ deina banga na sep thei nadingun sil hoi bangkim ah ang bucingsah pa, Jesu Khris tungtawnin eite lahah ama’ lungkimna banga na a sem ama tungah a tawntungin minthanna om den taheh. Amen.

2 Peter 3:15

Topa’ thuohzawhna pen hutdamna-in na ngaisun ta un. Tua ma bangin zong i it mama uh sanggampa Paul in ama tunga kipie pilna tawh kizui-in, na tung vuoh lai ang hlah zo ta a,