Colosse-te 1:23 - Zo Bible

²³ Tua khu na zahsa uh lungdamna thu in note ang kamciem lametna panin kihei loin, na upna uh na zop suoh uleh cina hi a, vansin nei-a a om a kipiengsah zosiete tungah a kitangko hi. Keima Paul zong tam lungdamna thu’ nasem khat ka hi hi.

LAISIENGTHOU CL Bible (BSI)

²³ Ginna a na um ngitnget ua, kibulphuna nei a dettah a na um ua, khantanhoi kinepna na zah ua kipat a na pielmanglou u’leh, tua khantanhoi khu vannuoi a silsiem zousie kunga kigenzah ahi a, Kei Paul zong tami khantanhoi nasempa ka hing hita hi.

Zokam International Version

²³ Tua pen lungdamna-thu pana piangkhia lametna pan kihei lo-a, kiptakin kilam a, note upna ah na omsuak uh leh cihna ahi hi. Hih lungdamna-thu, van nuai-a nungta khempeuh tungah a kitangko na zaksa uh hi-a, keimah Paul tua lungdamna thu nasempa ka suak zo hi.

Colosse-te 1:23 ပူးပေါင်းရင်းမြစ်များ

Phatna-late 125:5

Ahi vangin lampi kawi a a piel mite ahile Topa in sietna bawl mite tawh a pui ton ding hi. Israel tungah kilemna om taheh!

Tamlawhna 3:66

Na thangpaina ziehin Topa’ vante nei panin amate delmang inlen, thatgam sieng in.

Ezekiel 18:26

Midihte in a amau’ dihtatna pan kihei-in khielna a bawl ciengin tua ziehin amate a si ding uhi.

Zephaniah 1:6

Topa zuina panin kinua hei-in Topa a sui lote, ahi sihle ama thu a dong lote, ka sumaimang ding hi.

Mark 16:15

Amate kungah, “Leitung muncin tengah note pei unlen, a piensahsa zosiete tungah lungdamna thu phuongzah un.

Luke 22:32

Ahi vangin na upna na hlasuo lo nadingin thu kang ngetpieh zo hi; nang kiheikia ciengin na sanggamte na thakhausah in,” a ci hi.

Luke 6:48

Tua mipa pen lei a thuh taw zaw cienga suongpi tunga khuomkuo ding a phutkip inn lampa tawh kibang hi; tui khangin hawhtuite in tua inn a nawh vangin hoitaha kilam ahi ziehin a kilawh zo sih hi.

John 15:6

Kei sunga a om lo poma a kipaimang a baate bangin a vulgawp hi; tua bang a baate kikhawm a, meikhuh sungah kipai-in a katum hi.

Nasepte 1:17

Bangzieh ahei cile tua Judas khu eite tawh kisimton mi khat ahi a, tam nasepna sunga zong a kihal khat ahi hi.

Nasepte 1:25

Ama’ opna ding munah Judas pei-in a nuasie tami sawltahpi nasepna-ah panmun a la dingin tam mi nite lahah koi zaw teel na hei ei lah in,” a ci uhi.

Nasepte 1:8

Ahi vangin na tung vuah Hlagau Siengtho ang tun ciengin vanglietna na nga ding vua, Jerusalem, Judea, Samaria le leimong dongin ka teci na hi ding uhi,” a ci hi.

Nasepte 11:23

Ama tungin Pasien’ hepina thupha a mu ciengin a lungdam a, tuale ama in tupna kip tawh Topa tungah a citah nadingun amate a hanthawn hi.

Nasepte 14:22

Khum tahah nuazuite thakhausahin upna sungah a amate a kip den nadingun a hanthawn vua, “Pasien’ manggam sungah i lut thei nadingin bawlsietna tampi i thuoh ding uh kul hi,” a ci uhi.

Nasepte 2:5

Khum laitahin vansin nei-a om gam zosie panin Jerusalem ah Pasien a um Jew mite a teng uhi.

Nasepte 20:24

Ahi vangin Pasien’ hepina ziehin Topa Jesu kung pana ka nga lungdamna thu ka teci pan nading ahi ka lampi le ka nasepnate ka zaw thei nading ahi nah po leh kei adingin ka hinna man nei-in ka ngaisun sih hi.

Nasepte 26:16

Ahi vangin tho inlen na keng tawh ding in; bangzieh ahei cile nang in keima sunga na musa nate le na tunga keima kang kilah lai nading thute a sem ding le teci a pang dinga kang se zieha na kunga ang kilah ka hi hi.

Nasepte 4:12

Midang koima khat beh sungah hutdamna a om sih hi, azieh pen vansin nei-a a om mihingte lahah i kihutdamna nadinga kipie min dang khat zong a om sih hi,” a ci hi.

Rome-te 10:18

Ahi vangin amate in a za sih uh amah? ci-in ka dong leh amate in a za zo tahtah ta uhi. Bangzieh ahei cile, “A aw un leitung zosie zel zo a, a kammalte un leimong dong ban zo hi,” a ci hi.

Rome-te 15:16

kei pen Gentile-te’ silpiehte pomtah ahi thei nading le Hlagau Siengtho in a siensuo thei nadingin, Gentile-te kungah siempu nasepna tawh Pasien’ lungdamna thu a gen ding Khris’ nasempa khat ka hi hi.

Rome-te 2:7

A hoi gamtatna le lungduoina tawh minthanna, patawina le si thei lona a sui mite tungah kumtawn hinna a pie ding hi;

Rome-te 5:5

Tua lametna in eite ei lungkiesah lo hi, bangzieh ahei cile eite tunga ei kipie Hlagau Siengtho tungtawnin eite’ lungsim sungah Pasien’ itna ang kibuosuh zo hi.

1 Corinth-te 15:58

Tua ahi ziehin kang itte aw, kiptahin dingin kilawh sih unlen, note in Topa sunga na nasepna uh a mawhna a hi lo lam thei na hi ziehun Topa’ nasepna ah a hoi thei penin ma na pang zing un.

1 Corinth-te 3:5

Tua ahile Apollos bang hi poma ahei? Paul zong bang hi mawh ahei? Amate tungtawnin note in na up thei nadingun amate sep dinga Topa in a guot ciet nasemte ahi lel bo uhi.

2 Corinth-te 10:1

Note tawh i kimaituo cienga a kiniemsah pa le i kigamlat cienga note tunga a hangsan pa keima Paul in Khris’ nunnemna le migitna tawh kang thum hi!

2 Corinth-te 11:23

Amate Khris’ nasemte ahi uh amah? Mimaw khat bangin ham tadi leih, amate sangin ka hoizaw buong sam hi: Amate sangin na ka nahsep zaw a, thong zong ka tamkieh zaw hi. Simzawh lo satna ka thuoh a, tamveipitah sikhielin ka ommun zaw hi.

2 Corinth-te 3:6

Ama in thuciem tha nasem siemte ei suohsah zo a, tua pen lai-a kigiel thukham tawh hi loin Hlagau tawh hinna ei pie zo hi.

2 Corinth-te 4:1

Tua ahi ziehin kote in Pasien’ ei hepina tawh tami nasepna ka nei ziehun ka lungkie vawt sih uhi.

2 Corinth-te 6:1

Ama tawh na semton ka hi bangun Pasien’ hepina a mawhna-a a sang ka suo lo nadingun kang thum uhi.

Galatia-te 4:11

Note dinga ka nasep a mawhna a suo khah ding ka lunghimaw mama hi.

Galatia-te 5:5

Bangzieh ahei cile kote in upna tawh a kinga dihna pen Hlagau tungtawnin lametna tawh lawptahin ka nga uhi.

Galatia-te 5:7

Note na hi uleh taikidemna-ah hoitahin na tai uhi; note in thuman thutah na zui lo nadingun koi in ang kham ahei?

Galatia-te 6:9

Tua ahi ciengin na hoi sep ding cimtah sih vai, azieh pen lungkie lo-a i sep nah po leh a hun tun ciengin a ga i at ding hi.

Ephesa-te 1:18

na lungsim mitte uh vahsahin note ang hlatna tawh kipawl lametna, misiengthote lahah a minthang ama’ gouluo zieha haunate,

Ephesa-te 2:21

Ama sungah tua inn buppi kizom dimdiemin khang a, tuaci’n Topa sungah a siengtho biehinnpi khat a suoh hi;

Ephesa-te 3:17

upna tungtawnin note’ lungsim sungah Khris ang tengin itna sungah na kiphungvua thei nadingun thu kang ngetpieh hi.

Ephesa-te 4:16

Ama tung panin pumpi buppi tawh thahui thazam zosie kizomin kiphan dimdiem a, pumpi nate in a sep ding ciet uh hoitahin a sep ciengun itna sungah tua pumpi khangin ama le ama a kilamkip hi.

Thupiakkikna 2:25

Tuni-in vansin nei-a om mite in ang zatah nading ule ang giin nadingun ka bawl ding a, amate in na thu a zah ciengun citunin note ziehin a lung gim ding uhi,’ ei ci hi.

Thupiakkikna 4:19

Van lamah dahto-in Topa na Pasien un muncin tengah vannuoi mite dinga a piehsa ni, hla le aasite, le vantung na zosie na etto ciengun tua nate lamah kihei-in a mai vuah kunin, amau’ na na sep khah lo nadingun kidawm un.

Colosse-te 1:25

Pasien’ thu a kicing tahin a kithei nadingin note adingin keima tunga ei kipie Pasien’ sawlna dung zui-in a nasem pa khat ka hi hi.

Colosse-te 2:7

ang kihilsa bang tehtehin ama sungah zunghla-in, kilamin upna-ah na bulkip unlen, a kicing lungdamkona na nei un.

1 THESSALONIKA 3:3

tua pen bawlsietnate ziehin koima na linglawn lo nading uh deina ahi hi. Kote ka hi ule tam bang bawlsietna a thuoh dinga laitansa ka hi lam uh na theisa uh ahi hi.

1 THESSALONIKA 3:5

Tami thu hang tawh ka thuoh zawh nawn lo ciengin na upna uh a kan dinga ama kang sawl ahi hi; mi ze-et pa in lam khatpo tawh note hing ze-et in ka sep gimnate uh a mawhna a suo khah ding ka lunghimaw hi.

1 THESSALONIKA 5:8

Hizongle sunlai tate i hi lang kalsie uh pilvangin upna le itna awmdal bulin, sialukhu bangin i lamet uh hutdamna khu vai.

2 THESSALONIKA 2:16

Tu-in i Topa Jesu Khris mama le eite ei it a, kumtawn henepna le hepina tungtawnin lametna hoi ei pie pa i pa uh Pasien in,

1 Timothy 1:12

Ama’ nasem dingin keima ei se a, mi muonhuoi bangin ei ngaisun ahi ziehin i Topa Jesu Khris tungah ka lung a dam hi.

1 Timothy 2:7

Tami adingin keima tangko pa le sawltahpi dingin ei kise zo a, (zuouthu gen loin thutah a gen ka hi hi), kei pen upna le thutah ah Gentile-te’ siepa ka hi hi.

1 Timothy 3:16

Upla huoi lo a lien mama i biehna thuthuhpi in: Tahsa-in ama hing kilangin, hlagau sungah dih hi, ci-in na kilah a, vantung mite in mu-in, Gentile-te lahah kitangko a, leitung muncin tengah ki-umin, minthanna tawh ama kilato hi.

Titus 3:7

Tua pen ama’ hepina tawh eite dih ei kitangsah a, i lamet uh ahi kumtawn hinna tawh kizui-in gouluote i suo nading ahi hi.

Hebrews 10:38

hinanle ka midih in upna tawh nungta ding hi. A kinuale poma tungah ka lungkim lo ding hi,” a ci hi.

Hebrews 3:14

Bangzieh ahei cile eite in i kimuonna masa pen a tawp donga i tuhkip nah leh Khris’ pawlte i suoh zo ta uhi.

Hebrews 3:6

Ahi vangin tapa khat hina tawh Khris pen Pasien’ inn sungah muonhuoi hi. I muonna le i kisahtheipi uh lametna i tuhkip leh ama’ innkuonpi i hi uhi.

Hebrews 4:14

Tua ahi ciengin eite in vantungte kalin a pei pa, a lien siempu lien pa Pasien’ tapa Jesu i nei lang kalsie i pulah uh tua upna kiptahin tu ciet vai.

Hebrews 6:19

Eite in hlagau ading a kicien le a kip tembaw khina siakawi ahi tami upna i nei vua, tua upna in puondal nualam mun siengtho sungah a lut hi.

1 Peter 1:3

I Topa Jesu Khris’ Pa le Pasien in thupha nga taheh! Ama’ ei khuotuona lienpi ziehin sina panin Jesu Khris’ thawkiana tungtawnin ahing lametna a nei dingin eite a tha-in ei suohsah zo a,

1 Peter 1:5

Note pen upna tungtawnin hun nukhia ciengin a kilang dinga a baisa-a a om hutdamna a nga dingin Pasien’ vanglietna tawh ang kikemcingte na hi uhi.

1 John 2:27

Note na hi uleh na sung vuah ama tung pana na nga uh sathau nuna a op den ziehin ang hil ding mi koima na kisam sih uhi. Ahi vangin tua sathau nuna in note thu zosie ang hil bangin tua ang hil thute thuman ahi a, tua pen zuouthu ahi lo ziehin ang hil bang lienin ama sungah teng un.

Kilaakna 2:10

Na gim thuoh dingte zau vawt sin. Pilvang in, dawimangpa in nang ang ze-et nadingin note kimkhat thong sungah hing khumin ni sawm sung gentheina na thuoh ding uhi. Si tanpha-in muonhuoi in, tua hile keima in hinna lukhu kang pie ding hi.