2 Timothy 4:10 - Zo Bible

¹⁰ Azieh pen Demas in tami leitung a it ziehin keima ei taisanin Thessalonica khuo ah a pei zo hi; Galatia gamah Crescens ama pei zo a, Dalmatia gamah Titus pei zo hi.

LAISIENGTHOU CL Bible (BSI)

¹⁰ Aziehpen Demas in tulai leitung a it mama ziehin Kei ang taisanta a, Thessalonika khuo ah apeita hi; Kresen Galatia gam ah apeita hi, Tita zong Dalmatia gam ah apeita hi.

Zokam International Version

¹⁰ Ahang in, Demas in hih leitung a it manin kei hong taisan a, Thessalonica ah a pai hi. Galatia ah Crescens pai zo a, Dalmatia ah Titus a pai hi.

2 Timothy 4:10 ပူးပေါင်းရင်းမြစ်များ

Matthew 12:32

Mihing Tapa langpanga thugente kimaisah ding a, ahi vangin Hlagau Siengtho langpanga thugen poma tu khangah ahi a, ang tung ding khangah ahi zongin kimaisah lo ding hi.

Matthew 26:56

Hinanle kamsangte’ Lai Siengtho a tangtun nadinga tam bang teng zosie ang pieng ahi hi,” a ci hi. Tua ciengin nuazuite zosie in ama nuasie-in a taimang uhi.

Luke 14:33

Tua ahi ziehin note lahah a neisa zosie a nuasie lo poma ka nuazui suoh thei lo ding hi.

Luke 16:13

Koima’ sila in pu ni’ na semton zo lo hi; bang ding ahei cile ama in khat muda-in adang khat it ding a, ahi sihle khat belin adang khat a simmaw ding hi. Pasien’ na le hauna’ na na semton thei sih ding uhi,” a ci hi.

Luke 17:32

Lot’ zi phawh gige un.

Nasepte 13:13

Paphos panin Paul le a lawmte tembaw tung tuongin Pamphylia gam Perga khuo a tung uhi. Ahi vangin tua khuo panin John in amate nuasie-in Jerusalem ah a kilekia hi;

Nasepte 15:38

Ahi vang in Paul in Pamphylia khuo ah amate nuasie-in a nasepna vua a zui nuom lo mipa zawpi lo dingin a khensat hi.

Nasepte 16:6

Hlagau Siengtho in Asia gam sungah Pasien thu a hil ding uh phal lo ahi ziehin Phrygia le Galatia gam tengah a zin uhi.

Nasepte 17:1

Paul le Silas-te in Amphipolis le Apollonia khuote nawhin Judah-te’ kikhopna inn opna Thessalonica khuo a tung uhi.

Nasepte 17:11

Thessalonica-te sangin tami Juda mite in Pasien’ thu a sang theizaw uhi, azieh pen amate in Pasien’ thu kigente lunglut tahin pomin tua a kigen thute ahi ma amah, ci-in nisielin Lai Siengtho tawh a sittel uhi.

Nasepte 17:13

Hinanle Beroea khuo-ah zong Paul in Pasien’ thu tangko zo hi, ci Thessalonica khuo-a Jew mite in a thei ciengun amate zong tuanah pei-in mipite holtuo-in a satsuo uhi.

Nasepte 18:23

Tua tahah bakhat sung hun a zah zaw ciengin peikia a, Galatia le Phrygia gam sung tengah mun khat zaw mun khat pei kawikawi-in nuazui zosie a va thakhausah ta hi.

2 Corinth-te 2:13

ahi vangin tua tahah ka sanggam pa Titus ka mu lo ziehin ka lung a nuom sih hi. Tuaci’n amate mangpha pai-in Macedonia ah ka peisuoh hi.

2 Corinth-te 7:6

Ahi vangin a lungkie mite a henem Pasien in Titus ang tunna tawh kote ei henem a,

2 Corinth-te 8:16

Ahi vangin Titus’ lungsim sungah kei nei banga thanopna lungsim a guon pa Pasien tungah nuomthu ka tut hi.

2 Corinth-te 8:23

Titus pen note ading nasepna-ah ka kithuopi le ka naseppi ahi hi; i sanggamte ahi ule Khris’ min a thangsah hlattuom pawlpite’ kamtaite ahi uhi.

2 Corinth-te 8:6

Tuaci’n Titus in tam bang nasep a patsa ahi ma bangin, amate in note lahah tami phalna nasep a sep suoh nadingun amate ka hanthawn uhi.

Galatia-te 1:2

ka ompi Pasien’ innkuonpite zosie in, Galati gam hlattuom pawlpite tungah:

Philippi-te 2:21

Amate in a unpi-un Jesu Khris’ phattuom nading sui loin amau’ phattuom nading a sui uhi.

1 Timothy 6:10

Bang ding ahei cile sum deigawna in sietna namkim’ zungpi hi a, a hau nop luotna ziehun upna panin mi pawlkhat pielin lungkhamna tampi a thuohlaw uhi.

1 Timothy 6:17

Tu huna mihaute ahile kisathei loin a kicien lo haunate tungah a lametna uh zong nga loin, i lungnop thei nadingin sil bangkim kicing taha ei sih pa Pasien tungah a ngah zawh nadingun amate thu pie in.

2 Timothy 1:15

Asia gam sunga om zosie in kei ei taisan vua, tuate lahah Phygelus le Hermogenes-te zong kihal hi, ci thu na thei uhi.

2 Timothy 4:16

Keima’ kihutna thu ka gen masah lai-in koima in ei panpi sih a, mi zosie in ei taisan sieng uhi. Tua thu ziehin amate kimawsah da kon heh!

Titus 1:4

eite in i neiton uh upna sungah ka tapa tahtah ahi Titus tungah lai kang hlah hi: Pa Pasien le i Hundampa Khris Jesu tung panin hepina le lungmuonna na tungah hing tung taheh.

Philemon 1:24

ka naseppite ahi Mark, Aristarchus, Demas le Luke in zong ang noset hi.

2 Peter 2:15

Lampi tang nuasie-in a pielmang ta vua, sil hoi lo gamtatna thaman a deigaw Bosor’ tapa Balaam lampi a zui uhi.