2 Timothy 2:12 - Zo Bible

¹² eite in i thuohzawh uleh ama tawh zong i mangton ding uhi; eite in ama i niel uleh ama in zong eite ei niel ding hi;

LAISIENGTHOU CL Bible (BSI)

¹² Ithuoh u’leh, Ama toh vai ihawm khawm dinga, Ama ikitheimawbawl leh, Aman zong ahing kitheimaw bawl ding hi.

Zokam International Version

¹² eite in i thuak leh, amah tawh i uk khawm ding hi. Amah leh amah kinial thei lo ahi manin amah i nial leh, amah in zong eite hong nial ding hi;

2 Timothy 2:12 ပူးပေါင်းရင်းမြစ်များ

Paunakte 30:9

Hau seng leng nangma kang niel ding a, “Topa kici koi ahei? kang ci kha ding hi; zawng seng leng lah mi’ na guhpiehin ka Pasien’ min kang daisah kha ding hi.

Matthew 10:33

ahi vangin midangte mai-a ei nuol poma ken zong vantung ka Pa mai-ah ka nuol ding hi.

Matthew 26:35

Peter in ama kungah, “Nangma tawh siton nading hinanle nang kang niel sih ding hi,” a ci hi. Nuazui zosiete in zong tua ma bangin a ci uhi.

Matthew 26:75

Tua ciengin Peter in, “Aa a khuon masangin thumvei nei niel ding hi,” ci-a Jesu thugen a phawhkia hi. Tuale ama pusuohin nahpi tahin a kap hi.

Mark 10:33

“En un, Jerusalem dongah i pei ding a, siempu liente le thukham hil siete’ khut sungah Mihing Tapa ki-ap ding a, tuale amate in sina thuoh dingin ama a mawmat ding uhi; tua ciengin amate in Gentile-te khut sungah a ap ding uhi;

Mark 8:38

Tami angkawm le mawna tawh a kidim khang mite lahah keima le ka thute ei maizumpi mite ahi ule, a Pa’ minthanna vang le a siengtho vantung mite tawh a minthangin Mihing Tapa ang peikia ciengin amate a zumpi ding hi,” a ci hi.

Luke 12:9

ahi vangin mi dangte mai-a kei ei nuol poma, Pasien’ vantung mite mai-ah kinuol ding hi.

Luke 22:29

Ka pa in keima tungah gam ei pieh ma bangin,

Luke 22:30

tuaci’n note in zong ka gam sunga ka sabuoi-ah anne tuidawnin na om thei nading ule thukhenna topha tungah to-in Israel minam sawm le nite tungah thu na khen thei nading uh ahi hi,” a ci hi.

Luke 9:26

Keima le ka thu ei zumpite, mihing Tapa in ama’ minthanna, a Pa’ minthanna le vantung misiengthote’ minthanna tawh ang pei ciengin tuapa a zumpi ding hi.

Nasepte 14:22

Khum tahah nuazuite thakhausahin upna sungah a amate a kip den nadingun a hanthawn vua, “Pasien’ manggam sungah i lut thei nadingin bawlsietna tampi i thuoh ding uh kul hi,” a ci uhi.

Rome-te 5:17

Mi khat’ thupalsatna ziehin sina in tua mi khat tungtawnin ei uh ahile, a kicing hepina le a kihlawnpieh dihna letsong a sangte in mi khat ahi Jesu Khris tungtawnin a nuntahna sung vuah uh zawkan lai ding hi.

Rome-te 8:17

Tuaci’n tate i hi uleh gouluote, Pasien’ gouluote le Khris tawh gouluo tonte i hi vua, Khris tawh i thuohton tahpi uleh eite zong ama tawh i minthangton ding uhi.

Philippi-te 1:28

No ang langpangte ziehin zong zau vawt sih un. Tam pen amate adingin a kisietna uh a talang thu khat ahi a, hizongle tua pen note’ kihutdamna ahi zaw hi. Tam pen Pasien’ nasepna ahi hi.

1 Timothy 5:8

Mi khatpo in a tanaute, a diehdiehin a innkuonpite a va nuom sih leh upna thu niel ahi a, thu um lo mipa sanga a siezaw ahi hi.

Jude 1:4

Bangzieh ahei cile tanglai-a kipanin tami mawsah thukhenna a thuoh dinga eite lahah a na kisesa Pasien a zatah lo mi honkhat ang dap lut zo a, amate in i Pasien uh’ hepina pen numei-pasal thangtatna lamah hei-in eite in i neisun uh ahi Mangpa le Topa Jesu Khris a niel uhi.

Kilaakna 1:6

ama’ Pa Pasien nasem dinga kumpi le siempu ei suohsah pa tungah a tawntungin minthanna le uhzawhna om den taheh. Amen.

Kilaakna 1:9

Jesu sungah bawlsietna-a kipan kumpi gam ahi a, lungduoina tawh thuohzawhna ahi zongin, note tawh a thuohton na sanggam uh keima John in Pasien’ thu le Jesu’ teci panna ziehin Patmos a kici tuikul ah ka om hi.

Kilaakna 2:13

“Satan’ kumpi topha opna muna a teng na hi lam kang thei hi. Hinanle ka min na pomdet a, Satan opna mun note lahah a kithat ka teci, ka mi muonhuoi pa Antipas khan lai nangawnin kei nei upna na niel sih hi.

Kilaakna 20:4

Tua ciengin kumpi tophate ka mu a, tuate tunga a tote tungah thukhen nading aana kipie hi. Jesu tunga teci panna le Pasien’ thu zieha ngawngtanna a thuohte’ hlate zong ka mu hi. Amate in gamsa ahi a, a lim ahi zongin bie loin, a talpang tung vuah ahi a, a khut tung vuah ahi zongin gamsa ciemtena zong a nga sih uhi. Amate ang hingkia vua, Khris tawh kum tulkhat sung a mangton uhi.

Kilaakna 20:6

Thawkiana masa sunga a kihalte pen mi hampha le mi siengthote ahi uhi. Tua mite tungah nivei sina in thu a nei nawn sih a, tuale mahin amate pen Pasien le Khris’ siempute ahi ding vua, ama tawh kum tulkhat sung a mangton ta ding uhi.

Kilaakna 3:10

Lungduoi tahin thuohzawhna thu tawh kisai ka thu zui zo na hi ziehin, leitunga teng mite sittel nadingin leitung buppi-a ang tung ding hahsatna hun panin kang kem ding hi.

Kilaakna 3:21

Keimama guolzo-in ka Pa tawh ama’ topha tungah ka toton ma bangin, a guolzo pa zong ka topha tungah keima tawh a toton thei nading mun khat ka pie ding hi.

Kilaakna 3:8

“Na nasepnate ka thei hi. En in, koima in a kha zo lo kot honsa khat na mai-ah ka koi hi. Thahatna themno khat beh na nei vangin ka thu zui-in keima’ min na nuol lo lam ka thei hi.

Kilaakna 5:10

ka Pasien uh’ na a sem dingin kumpi za le siempu za na pie zo a, amate in leitung a uh ding uhi,” ci-in a sa uhi.