2 Samuel 7:13 - Zo Bible

¹³ Ama in ka min dingin inn khat lam ding a, keima in a kumpi gam’ topha a tawntungin ka kipsah ding hi.

LAISIENGTHOU CL Bible (BSI)

¹³ Aman ka min a dingin inn khat alam dinga, tualeh a leenggam mangtoupha kumtawn a dingin ka sudet ding hi.

Zokam International Version

¹³ Amah in ka Minin inn khat lam dinga ama kumpi-gam tokhom ka kipsak tawntung ding hi.

2 Samuel 7:13 ပူးပေါင်းရင်းမြစ်များ

Piancilna 49:10

Ama tungah sieh le kaih a tun masang, mite in ama’ thu a man masangin, Judah panin kumpi ciengkhut le ama’ keng kikala uhpa’ ciengkhut kikhin lo ding hi;

2 Samuel 22:51

Ama pen a kumpipa adingin hutdamna tausang ahi a, ama in a sathaunu pa David le a suonlehlahte tungah tangtawngin a itna kip a lah hi,” a ci hi.

2 Samuel 7:16

Ka mai-ah na suon na hlahte le na kumpi gam a kip zing dingin kibawl ding a, na kumpi topha kumtawnin kip ding hi,’ ci-in gen in,” a ci hi.

2 Samuel 7:27

Bang ding ahei cile Israel’ Pasien, Vanglien Topa aw, ‘Nang adingin innkuon khat kang pie ding hi,’ ci-in na nasempa tungah tam thu nei hilsa ahi hi. Tua ahi zieha na nasempa in na kungah tam thungetna kang nget ngam ahi bo hi.

1 Kumpite 2:24

Tua ahi ziehin tu-in kei ei sudetin ka pa David’ kumpi topha tungah ei koi a, ama’ ciemsa bangin keima tung le ka suon ka hlahte tungah kumpi gam ei pie Topa a hing ahi ma bangin tuni-in Adonijah kithat ding hi,” a ci hi.

1 Kumpite 2:4

Tua ciengin keima tawh kisai-in ama in: ‘Na tapate in a lungsim zosie ule a hinna zosie utawh keima mai-ah thuman tahin gamtat ding a lim ngaisut nah po uleh Israel kumpi topha tunga to ding mi na kitasam ngai sih ding uhi,’ ci-in a thugenna Topa in a kipsah ding hi.

1 Kumpite 2:45

Ahi vangin Kumpi Solomon in thupha nga ding a, Topa mai-ah David’ kumpi topha kisudet tawntung ding hi,” a ci hi.

1 Kumpite 5:5

Tuaci’n Topa in ka pa David kungah, ‘Na kumpi topha tunga ka koi ding na tapa in nangma tangin ka min dingin biehinn a lam ding hi,’ ci-in a gensa bangin Topa ka Pasien’ min dingin biehinn khat lam ka sawm hi.

1 Kumpite 6:12

“Na inn lam tami biehinn tawh kisai-in ka thukhamte zui-in ka ngaina kipte mang a, ka thupiehte zosie kemcingin tuate na zui leh, nang tungah keima in na pa David tunga ka kamciemna kang kipsah ding hi.

1 Kumpite 8:13

Keima in nangma adingin a kitawisang inn khat, kumtawn na ten nading mun khat ka lam zo hi,” a ci hi.

1 Kumpite 8:15

Ama in, “Ka pa David tunga a kam tawh a ciemsa teng a tangtungsah Israel Pasien Topa in thupha nga taheh. David in,

1 Kumpite 8:19

hinanle nang in tua biehinn na lam sih ding a, nang tung pana ang pieng ding na tapa in keima’ min dingin tua biehinn lam ding hi,’ a ci hi.

2 Kumpite 21:4

Topa in, “Jerusalem-ah ka min ka koi ding hi,” a cinasa Topa’ biehinn sungah ama in maitamte a lam hi.

2 Kumpite 21:7

Topa in David le a tapa Solomon kungah, “Ama in Israel minam zosie sung panin ka teelkhiet tam biehinn sung le Jerusalem ah ka min ka koi zing ding hi, a cina biehinn sungah ama’ bawlsa Asherah milim a koi hi.

2 Kumpite 8:19

Hinanle ama in ama le a suonlehlahte tungah tawntung meivah khat pieh dingin kam ciem zo ahi ziehin a nasempa David ziehin Topa in Judah a susie nuom sih hi.

1 Khangthute 28:10

Munsiengtho adingin biehinn khat a lam dingin Topa in nang ang teel zo ziehin tu-in kingaisun in; thahat inlen sem in,” a ci hi.

2 Khangthute 33:4

Topa in, “Jerusalem-ah ka min om zing ding hi,” a cina Topa’ biehinn sungah ama in maitamte a lam hi.

2 Khangthute 6:16

Tua ahi ziehin Israel Pasien Topa aw, ama tungah thu ciemin, ‘Nang in ka thu na man bangin na suonlehlahte in ka thukham sungah kalsuon in a gamtat a kidop nah uleh ka mai-a Israel kumpi topha tungah a to ding mi khat zong na kitasam sih ding hi,’ na cisa bangin na nasempa ka pa David tunga na thuciemsa hing sudet in.

Job 36:7

Ama in mi thumante limtahin en a, hinanle kumpite, kumpi topha tungah kum tawn adingin tosah a, amahaw kitawisang hi.

Phatna-late 72:17

Ama’ min kip zing ta hinlen, ni a om laisie-in ama’ minthanna om suoh den taheh. Ama’ sungah minam zosie in thupha nga ta uheh; amate in ama thupha nga pa, ci ta uheh.

Phatna-late 89:21

Keima’ khut in ama ompi zing ding hi; ka ban in zong ama a thahatsah ding hi.

Phatna-late 89:29

Ama’ suon le hlahte ka kipsah den ding a, vante a kip laisie ama’ topha zong ka kipsah ding hi.

Phatna-late 89:4

‘Keima in na suon na hlahte ka kipsah zing ding a, khangsawnsawn zosiete adingin na kumpi topha ka lam ding hi,’” na ci hi. Selah

Isaiah 49:8

Topa in tam bangin gen hi: Ang angvan hunin keima in nang kang dawng zo a, hutdamna ni-in nang kang panpi zo hi; keima in note kang kem a, mite dinga thuciemna banga kang pieh na hi a, nang in gam na phu nading le a kinuasiesa goute na hawmpieh nadingin,

Isaiah 9:6

Azieh pen eite adingin nausen khat ang suoh a, eite tungah tapa khat ei kipie hi; ama’ liengko tungah thuneina a om hi; ama pen, Lamdang Thu Kuppipa, Vanglien Pasien, Tawntung Pa, Kilemna Kumpipa, ci-in kiphuo hi.

Isaiah 9:7

Ama’ thuneina khang semsem ding a, David’ kumpi topha le a kumpi gam adingin kilemna in tawp hun nei lo ding hi. Ama in tu huna kipan a tawntungin, thudih le thutang tawh gam phutin a tukip ding hi. Vanglien Topa’ deiluotna in tami a bawl ding hi.

Jeremiah 33:17

Bangzieh ahei cile Topa in tam bangin ci hi: David’ suon sung panin Israel innkuonte’ kumpi topha tungah a to ding mi kitasam ngai lo ding hi.

Ezekiel 37:25

Keima in ka nasempa Jacob ka piehsa na pu na pate uh’ tenna gamah amate a teng ding uhi; khum munah amate le a tate ule a tute uh a teng zing ta ding uhi; tuale ka nasempa David in amate a uh zing ta ding hi.

Daniel 2:44

Tua kumpite khan sungin vantung Pasien in a kisusie ngai nawn lo ding kumpi gam khat phut ding a, tam kumpi gam pen midang khat’ khut sungah kinuasie lo ding hi. Tua in tami kumpi gam teng zosie satguoi-in maimangsah ding a, tua gam a kip tawntung ding hi;

Zechariah 6:12

Ama kungah tam bangin gen in: Vanglien Topa in tam bangin ci hi: Tami sungah a min Singba a kici mipa khat a om hi: azieh pen ama’ munah ba mengin Topa’ biehinnpi a lam ding hi.

Zechariah 6:13

Topa’ biehinnpi lam ding pa khu ama ahi hi; ama in kumpite’ nga zatahna nga ding a, a kumpi topha tungah to-in a uh ding hi. A kumpi topha gei-ah siempu khat om ding a, ama ni kikalah lungmuongin kitheitelna a om ding hi.

Matthew 16:18

Ke’n kang ci-in, nang Peter na hi a, tami suongpi tungah ka hlattuom pawlpi ka lam ding hi, Misi khuo kotpite in tua hlattuom pawlpi a zo sih ding hi.

Hebrews 3:3

Ahi vangin a inn sangin a innlam pa a kipatawi zawh ma bangin Jesu pen Moses sanga a thupi zaw patawina nga dingin a kilawm hi.

1 Peter 2:5

note zong Jesu Khris tungtawnin Pasien’ san thei dingin hlagau tawh kisai biehpiehna a bawl ding le a siengtho siempu nam ahi dingin noma le noma hlagau innpi kilamna-a kizang a hing suongte bang na hi uhi.