2 Samuel 16:21 - Zo Bible

²¹ Ahithophel in Absalom kungah, “Na pa in inn ngah dinga a nuasie a meite va luppi ta’n; tua hile na pa’ huot thei dinga nang le nang na kibawl lam Israel zosie in za-in tuaci’n nang tawh ang om mi zosie’ khutte ang thakhau tuom ding hi,” a ci hi.

LAISIENGTHOU CL Bible (BSI)

²¹ Tualeh Ahithophel in Absalom kungah, “Na pa mei innngah dinga akoite va luppi in tuachi’n Israel mi zousie in, na pa’n ahing muda hi chi aza ding ua, tuachi’n na kunga um zousie khut na suhat ding hi” achi hi.

Zokam International Version

²¹ Ahithophel in, "Na pa in a inn cing dinga a nusiat a zinote luppih in. Tua ciangin Israel khempeuh in na pa langpanna za ding uh a, nang tawh a om khawm peuhmah a thakhauhsak ding hi," ci-in a dawng hi.

2 Samuel 16:21 ပူးပေါင်းရင်းမြစ်များ

Piancilna 34:30

Tua ciengin Simeon le Levi kungah, “No tegel in tami gama a teng Canaan-te le Periz-te tungah nei gimsiesah vua, kei tungah lunggim nei guon uhi; ka mite lah halno khat ahi bo a, kei ei do dingin amate kisutuo-in ei simin ei bulu uleh kei le ka innkuonpite ei kisusie ding hi,” a ci hi.

Piancilna 35:22

Khum gamah Jacob a ten laitahin Reuben in a pa’ meinu Bilhah luppi hi; tua thu Israel in a za hi. Tu-in Jacob’ tapate sawm le ni ahi hi.

Piancilna 38:16

Lampi gei ama kungah va pei a, a monu ahi lam a thei lo ziehin, “ Hing pei in, kei tawh lumton vai,” a ci hi. Khum nu in, “Kei nei luppi thei nadingin bang nei pie diei?” a ci hi.

Piancilna 6:4

Khum hun lai-in leitungah Nephilim a kici mite om a, tuale khum zaw ciengin zong Pasien’ tapate in mihing’ tanute a luppi ciengun ta a nei uhi. Tamte pen khanglui lai-a mi thahat mi minthangte ahi uhi.

2 Samuel 10:6

Ammon-te in David’ huot mi a suo zo lam uh a kithei bepun, Ammon-te in mi sawlin Beth-rehob le Zobah-a Aram-te lei galkap tul sawmni le kumpi Maacah mi tulkhat tawh, Tob mite tul sawm le tulni a ciel uhi.

2 Samuel 12:11

Topa in tam bangin a gen hi: Keima in na innkuon sung panin nangma langah buoina ka piengsah ding hi; tuale na muna-ah na zite la-in na vengpa ka pie ding a, tuale ama in suntang laipi-in na zite a luppi ding hi.

2 Samuel 13:5

Jonadab in ama kungah, “Na lupna tungah lum inlen a cina kipang in; tuale ang ve dinga na pa ang pei ciengin ama kungah, ‘Keima in mu-in ama’ khut panin an ka neh thei nadingin Tamar hing pei-in ka neh ding bangkhat ei bawlpieh heh,’ ci in,” a ci hi.

2 Samuel 15:16

Tuaci’n kumpipa pei-in inn ngaih dinga a nuasie a mei numei sawmte simlo a innkuon zosie in ama’ nua a zui uhi.

2 Samuel 16:20

Tua ciengin Absalom in Ahithophel kungah, “Thu ei kuppi in; bang bawl ding i hei?” a ci hi.

2 Samuel 17:7

Tua ciengin Hushai in Absalom kungah, “Tu tunga Ahithophel’ ang thumop a hoi sih hi,” a ci hi.

2 Samuel 2:7

Tua ahi ziehin na khut khausah unlen hang un; azieh pen na pu uh Saul si zo a, Judah innkuon in amate tungah kumpi dingin kei sathau ei nu zo uhi,” a ci hi.

2 Samuel 20:3

Jerusalem-a a inn ah David a tung hi; tuale kumpipa in a inn ngah dinga a nuasie a mei sawmte khawmin inn khatah amate cingsahin an le tui a pie hi, ahi vangin ama in amate a luppi nawn sih hi. Tuaci’n a si dongun inn sungah amate kikhumcipin meigong numei bangin hinkhuo a mang uhi.

1 Kumpite 11:25

Solomon’ hun sung tawn tungin Israel langpangin ama om a, Hadad ma bangin lungkhamna a piengsah hi; ama in Israel simmaw a, Aram gamsungah a maang hi.

1 Kumpite 2:17

Ama in, “Hepina tawh ka zi dingin Kumpi Solomon kungah Shunem-te Abishag ei ngetpieh in. Ama in na thu ang niel sih ding hi,” a ci hi.

1 Kumpite 2:22

Solomon kumpipa in a nu dawng a, “Bang zieha Adonijah zi dinga Abishag nang nget ahiei? Ama adingin kumpi gam zong ngetpieh vet ve! Azieh pen ama ka upa ahi hi; ama ding beh ngen sinlen siempu Abiathar le Zeruiah’ tapa Joab ading zong ngetpieh vet ve!” a ci hi.

Siampi Laibu 18:8

Na pa zi’ na luppi sih ding hi; tua khu na pa’ mindai nading ahi hi.

Siampi Laibu 20:11

A pa’ zi tawh a lumton mipa in a pa’ min daisah ahi hi; a ni gel in kithat ding hi; ama gel’ sisan luonna khu ama gel tung ma-ah tu hi.

Zechariah 8:13

Judah innkuon le Israel innkuonte aw, minamte lahah hamsietin na om ngai ma bangun note hing hundamin mite thupha ngana na hi ding uhi. Zau sih unlen na khutte khausah un.

1 Corinth-te 5:1

Note lahah lawkite lah nangawn a zong a om ngai lo numei-pasal pahtatna a om hi, ci-in ang kigen tahpi hi; azieh pen mi khat in a pa’ zi a kinunpi hi.

1 Samuel 13:4

Saul in Philistia khuocingte a zawna le Philistia-te adingin Israel huothuoi a hina zong Israel in a zah ciengin, Gilgal ah Saul panpi dingin mite kihlan hi.

1 Samuel 27:12

Achish in David muong a, “Ama mi Israel-te a si muda thei nadingin ama le ama kibawl zo hi; tua ahi ziehin ama ka nasem ahi zing ding hi,” ci-in a ngaisun hi.